Jerimaya 14:2 - Ạḍinya Iigbia

² “AJuda odi esi ọto; ạramha phọ ọdi remuughu, awe phọ ọdi ọmina oopho ude esi ọto, kụ aJeruselem ramoghi ghan kạwa ọloghonaan ạḍighaagh.

Jerimaya 14:2 Iomraidhean Croise

Job 34:28

Bịdi ọkpaariom rukulom mọ omoghi ọmagh Ẹnaan, kụ ọdi ạnaghan ni ḍịmagh ọloghonaan ạḍighaagh phọ ạbidi.

Ạsuor 144:14

Eḍighi ịdi ạsinam ayoor kẹmaraghi bịn eghun kẹ́ḍua ḅịle ịyaar képe. Eḍighi ịdi emoghi ẹkaraph ẹmugh kẹ́tol reten ẹmha phọ.

Ẹḍua 2:24

Kụ Ẹnaan ẹnaghan ịḅiphighu phọ ạbidi kụ ẹetughian ịyo phọ ọdi aghiran bọ rꞌEbraham rꞌẠizik rꞌạJekob.

Azaya 15:5

Ologhi ạmi ramoghinaan ni Mọab! Awe phọ mosumughu ọki ẹmha phọ aZoar, rꞌẹpe Eglat Selisiya. Buniin ọpam rꞌemoghi onyeeniom eten aLuhit, romoghi ịduon bịdi rọki bọ; buniin osuma rọki Horonaim, rꞌọto rꞌịlooghi.

Azaya 24:11

Awe rọlooghi ghan sịphe areten phọ ịdi eḍighi bọ amiim mamineen. Ọḅaal ologhi magheel kꞌagee-pọ; moroph nyọdi ogbeph sịphe ade phọ.

Azaya 24:4

Ade phọ ẹkara kụ ẹgbaal, oomo aḅirini phọ ạkporokporo, ade rꞌokuaḍio phọ ẹḅor.

Azaya 24:7

Ịizupha avain phọ rẹgbaal, kụ amiim raku. Tọrobo oye dị ologhi ạḅaal ghan, nyịidipho makururu,

Azaya 3:26

Ạrunhu-aḍibuo ẹmha phọ kẹto ni kụ emoghi, kụ ẹmha phọ rꞌaloor kẹkigh ịdipho ạnir dị odi ẹdaḅa kụ ạrol oopho ude.

Azaya 33:9

Okinom de phọ kụ ọbile. Ạruukpa phọ ạLebanon megheel ọnam, eḍiiny ẹnuum mọ aSaron mẹghigh ịdipho ẹdala ịisaar, kụ sịphe Bạsan rꞌạnyu Eegum ạKarmel ạrinya ireeny phọ rẹkar.

Azaya 5:7

Ịzirel kụ ozo iimuma avain Ọmoogh-we oomo ịikpo phọ; awe phọ aJuda kụ iimuma avain phọ ọdi ạzuph bọ. Ọdi ạwa mọ bịdi oḍighi ịpe ẹnighe bọ, kụ ọḅile ghụn bịn ọko enu. Ọdi ạwa bịdi oḍighi ịpe eḍighi bọ elhiom, kụ bụphe bịdi rọmiine bọ ọwaam ghan igey ịiruen.

Jerimaya 11:11

Kụ iḍighi kụ nyịidipho mị Ọmoogh-we phọ rạpur bịdi rụru mọ mị kaagulemi bịdi, ḅịle kẹn bịdi kókpetenaan. Ḅịle kẹn, mem lọ bịdi omoghi uphoghom ịmi ọlom ọloghonaan ạḍighaagh, mị kạ́naghanan bịdi.

Jerimaya 12:11

Bịdi mọsighe otene ọkpagha; ade phọ edi ni oopho bịn risigh ạmi. Oomo phọ ade phọ meḍighi ophugh, bịn kụ oye óphogh.

Jerimaya 12:4

Ade phọ kẹkaraghar ịduon phọ kꞌạpur-aḍio, ḅịle kẹn ạroogho phọ kạnuughi ịduon phọ kꞌạpur-aḍio? Ịnam mọ rꞌịnun phọ remuughu loor esi ẹkaraph eḍighinom ịyaar awe phọ ayira, weye dị rọḅem ghan mọ, ‘Ẹnaan rẹ́miin ghan ịphen yoor roḍighi bọ.’”

Jerimaya 18:22

Tom ḍita awe ọghi ekperenom owum rạraar amarugh phọ ạbidi; ḍighi ịdi bịdi komoghi loor aruugu. Bịdi moguph ooni mọ mị umeel usuma, ọḅile ọkpamaghi siphil osiphom ạmi.

Jerimaya 4:28

Ade phọ kẹto ni ọto; okuaḍio phọ kabil li. Ọmoogh-we phọ mạḅem kụ kánme ologhi phọ ọdi. Ọdi magbiighi ịpe ọdi kaḍighi bọ kụ káḅula ọman.

Jerimaya 46:12

Areelhe mẹnaghan ịlo aroofola phọ anyina; tọrobo oye mạnaghan emoghi phọ anyina. Oniin ọnyo ẹgham akpetaan nyoniin, kụ ịyal ạbidi omeleghu.

Jerimaya 8:21

Ekpom mọ ạmi mẹegbighiḍian loor esi dị awe phọ ạmi mọogbighiḍian; mị odi ọto; eḍigh ni ruugu esi ạmi.

Ịkunuma 2:8

Ọmoogh-we phọ ạnya ni mọ iikpe phọ ạZayon kemeel li. Ọdi ạtooghi ạsighe ọmiin mọ ẹkar eegulaan. Aruutu ẹedaneen phọ rꞌiikpe phọ nyịidipho mẹgbesegbese egina amem.

Ịkunuma 2:9

Ạrunhu-aḍibuo phọ, ipoḍi asighiigh meekpereghiom, iiḅeneghiom mọ ạbidi obunughi ikulha ikulha. Ọdaam mọ rꞌigbogh awe odiighi dọl iiruen. Ologh phọ rọ́tughemi mun, kụ ariil phọ rọ́miin mun uḍien dị ẹḍua kꞌỌmoogh-we phọ kụ eru.

Ịkunuma 5:10

Ọkoony maḍighi ịdi yoor mọmoogh osipheeny, tụtu ozu ayoor mạghologhol ịdipho esi ịpophoghi.

Hosia 4:3

Kụ iḍighi kụ ade phọ kẹkaraghar, ḅịle tọrobo ịyaar lọ edi sịphe kemugh ni. Oomo ịnam rꞌịnun ghạlamo rꞌina kemuughu ni.”

Joel 1:10

Iizo phọ ịyaar ílho mun; Ade phọ remoghi loor esi dị mophiemi ịbiakpa phọ, iimuma ireeny avain phọ mẹgharaghar, kụ ireeny ọliv phọ megheel ọnam.

Joel 1:11

Ikururu yogh, nyina abuḅephom iizo phọ; Imoghi yogh, nyina ạbuphe ropogh ghan bọ ireeny avain phọ, loor esi dị ịizupha ịbiakpa rꞌabali phọ — ii, oomo phọ ịizupha phọ mophiemi.

Joel 1:14

Ịto ẹḅeni we mọ ọkaagh ẹḍogh; ẹḅeni bịdi mọ oru ookpomoghan. Iikpomoghi buḍiemiom mọ rꞌoomo awe phọ aJuda mọ oḍigh Otu Ịiḅereghi Ọmoogh-we Ẹnaan phọ anyina kụ omoghiom nyọdi.

Joel 2:6

Okpekian phọ ạbidi, tọrobo oye ạmoogh oghiilaan; tọrobo aghisigh akiton akpaghagha.

Hagai 1:11

Mị mạngo ọkoony ạmuum de phọ — ạnyu ạraaḅaraph phọ ọdi, rꞌiizo ịbiakpa phọ, rꞌiizo ireeny avain phọ, ḅịle kẹn rꞌiizo ọliv phọ — tọro esi lọ ịizupha resi ghan sịen ade phọ, esi awe rꞌịnam rꞌoomo ạraraar lọ nyina ẹwa ọzuph.”

Zẹkaraya 7:13

Loor esi dị bịdi úmeera bọ úler rụru mem mọ mị ạghaaph bọ, mị ụ́pagharanaan mun mem mọ bịdi ọoḅereghi bọ.

1 Sạmuel 5:12

Awe lọ úmuughu, ụmooghogh ẹzegh ruuḅulha kụ awe phọ omoghi ghan ọmagh ruru phọ ạbidi mọ ẹloghonaan bụno ḍịghaagh.

1 Sạmuel 9:16

“Iḍue phọ ọpo kẹḅaal bọ ọdo phọ amem mọ ạmuen, mị katom ni oniin oye ọlo ẹemara ẹemara ạBenjamin mọ aru ạteeny nyịna. Sịghe mụnum-ịko ạsagharan ẹmhu ọdi, dị ọdi kạda weye phọ ạmi Ịzirel, kụ mị kạtagharan ni bịdi ḍịghaagh awe aFilistia phọ. Mị mạmiin ni ịminimiin awe phọ ạmi kụ mị mạnaghan ni emoghi ọloghonaan ạḍighaagh phọ ạbidi.”