Jerimaya 13:16 - Ạḍinya Iigbia

¹⁶ Ikueni Ọmoogh-we Ẹnaan phọ anyina, kụ egbi ọteeny amem dị ọdi kạsighe ufiri atu, kụ nyina ekpeteghaan ạnyu aruugum mọ; kụ egbi ọteeny amem dị ọdi kạsighe ḍịḅaal phọ nyina eḍuom bọ ologhi phọ atene ogbogh ufiri.

Jerimaya 13:16 Iomraidhean Croise

Job 3:5

Ḍighi ḍio phọ ạḍiphe ḍio ọto rꞌokikiph ufiri; sịghe ọotu aakpereghiom, aḍime erumuḍio phọ.

Ạsuor 107:10

Buniin ụrolom okiriri rꞌufiri, awe ikoli dị ọrolom rꞌizime,

Ạsuor 107:14

Ọdi ạsighe bịdi amitiom sịphe ạdol okiriri phọ rꞌufiri phọ kụ aagbo izime phọ ikulha ikulha.

Ạsuor 29:2

Ịngo Ọmoogh-we phọ eghuan dị ẹkasian rꞌaḍien phọ ọdi, kụ ekpuḍian ghan ẹeḅereghi ghisigh Oye Aruukuan phọ.

Ạsuor 44:19

Nạ mughin iyoor ạbilenaan ilhom ịnam, kụ oogho aḍuugh muukpereghiom iyoor.

Ẹḍua 10:21

Ọmoogh-we phọ ạḅeni Mozis mọ, “Poophe ḍịghaagh ạna ạghiom ạnyu, kụ ọkiph-kịph ufiri kaḍigh aakpereghiom oomo ade phọ Ijipt.”

Asidogh 4:19

Eten abuḍighinom ịkaraph phọ kị́dipho, ebiil bịn mụdi aḍughul. Bịdi omeel, kọ̋miin ịyaar phọ okpetaan bọ.

Ọtughemia Phọ 11:8

Kol ghan tọrobo ạlha dị nạ odi eye ạngo ḍịseph Ẹnaan. Tọrobo ọnhu ạsia lọ nạ ạrol sịen aḅirini phọ, tụutughian mọ ariiḍio ịiḅaghami kẹbugh aani kẹn ni. Ịyaar oḍuom ologhi ílho.

Azaya 5:30

Mem dị aḍio phọ ạḍiphe eru, bịdi komooghaam ni Ịzirel ịdipho otu-ḅualhe phọ. Pogh eelhe phọ ẹphen! Ufiri rꞌeephina! Ufiri mạmin ḍịḅaal phọ!

Azaya 59:10

kụ yoor rookula ghan ịdipho awe ikpom ariḍien. Yoor rokpeteghaan ni ootaany, mụdi aḍughul, ẹkigh mụdi yoor odi ọmar iḍim.

Azaya 59:9

Awe phọ rọḅem ghan mọ, “Nyịidipho yoor molhegheri ẹmhu phọ eḍighi bọ kụ Ẹnaan iyoor rị́phel bọ kẹ́sighe esi ạbuphe rụkpiloghom bọ iyoor. Yoor uḍuom ologhi ḍịḅaal orelhiom, kụ ufiri bịn kụ odi,

Azaya 60:2

Ufiri kụ kạtol ịnon areelhe, Kụ loor ạna ạḍiḅaal Ọmoogh-we phọ kụ kesoorom; Ẹmueneen aloor phọ ọdi kẹtolan ni rꞌạna.

Azaya 8:22

mꞌọghughe ade phọ kụ ịyaar bịdi kọ́miin emuton ịiḅaghami rꞌufiri, ufiri eegu dị roporogh bịdi kọlogh.

Jerimaya 14:19

Ọmoogh-we, nạ mạkaraghi akel Juda ḍụghum? Awe phọ ạZayon okia ni nyịna ḍụghum? Eeghe kụ iḍighi kụ nạ muḍighi bọ iyoor ịyaar elegh dị ịlo ookonom ílho bọ? Yoor ụwa ghan ẹepho, kụ ọlo igey ílho; yoor uḍuom ghan ologhi ọmoogh eekonom, kụ ọlo aruugu kụ ạḅile ghụn aru.

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 23:12

Areten phọ ạbidi kẹkorom ni ẹḅile ebil; mị kaḍighi ịdi bịdi kokpetaan omeel. Mị kaagulemi bịdi; amem ọliom ạbidi retu ni. Mị, Ọmoogh-we phọ, kụ mạḅem.

Jerimaya 4:23

Mị uphogh ni de phọ — eḍighi ọkpagha; mị aphogh okuaḍio phọ — ạḍiḅaal ị́tol.

Jerimaya 50:6

“Awe ạmi ọkigh iyool-ịga dị abukoriom mọ mọwile kụ ophe ẹpe aruugum mọ. Bịdi moyeela ịdipho iyool-ịga dị ẹḍua eegum ẹgba eegum, kụ mewula esi ạdol phọ ạbidi.

Jerimaya 6:21

Kụ iḍighi kụ mị kaḍighi ịdi awe phọ ạbuen kokpeghaan omeleghu. Ạburude rꞌạnmuny phọ ạbidi komuughu ni, ịduon kẹn kụ ịdi ạrighiri rꞌamatuman komuughu.”

Jerimaya 8:15

Yira uḍuom ni ologhi ọmoogh ẹepho ḅịle kẹn rꞌamem arookonom, kụ ọlo aruugu ghụn kụ ạḅile aru.

Ịkunuma 4:17

Yoor ogon tụtu yoor útue mun úgon pẹleeny dị rátu. Yoor okori ghan ọmoogh ọloghonaan ạḍighaagh esi eelhe dị ị́moogh ẹlo ọngo.

Izikiel 21:15

Ọdi raḍighi ghan ịdi awe ạmi kotoph ạkpo ologhi kụ okpetaan omeel. Mị rạpaarogh ni ẹmha phọ ạbidi rꞌelhool dị rẹtaphan ịdipho ọnmem kụ eekolobian ni ịlo oghiigh.

Izikiel 34:12

ịdipho opoghom kạwa bọ iyool-ịga ọdi dị ẹwalala kụ ạḅile aakpomoghi oomo ariisi lọ bịdi ọwalala ḍio ufiri dị ị́nighe.

Izikiel 36:15

Ade phọ kẹ́naghanan mun reelhe phọ dị rẹnmoghoghoom ḅịle rꞌọmiin aweye phọ dị ọnmir ophogh. Ade phọ kẹ́ze mun nmụny areelhe phọ. Mị Ọmoogh-we dị ạmoogh oomo ịikpo kụ mạḅem.”

Joel 2:2

Aḍio phọ keḍighi ufiri kụ ebeeph, kebil kụ ẹmoogh ọotu. Aḍigbogh aḍita igurubia phọ retu mụdi ufiri kụ eleeny rạaḅaraph phọ. Ọdo ịyaar lọ ẹrol ịduon kẹ̋rol ghan kụ kẹ́tol mun bịninin.

Ẹmos 4:13

Ẹnaan phọ kụ ạlhem rạaḅaraph phọ kụ ạḅile ạlhem ookuugh phọ. Ọdi ragananami ghan ni ịitughian phọ kạḅeni we; Ọdi ranme ghan ni ootaany katene ḍughul. Ọdi ratelhe ghan ạnyu ariikpisi phọ ịpe ephoph bọ sịen ade phọ; Ḍịen kụ aḍien ọdi: Ọmoogh-we Ẹnaan Oomo Ịikpo phọ!

Ẹmos 5:18

Pọ eeghe ịminimiin dị kịrolonaan inyina phọ rekori ghan bọ ḍio Ọmoogh-we phọ! Eeghe ịma kụ ẹdi aḍio phọ ạḍiphe kiḍighi inyina? Keḍighi ḍio dị kịngo inyina ufiri kạ́ḍiḅaal.

Malakai 2:2

Nyina ẹmoogh ni oghueni ạmi esi ạraraar phọ ịpe nyina reḍighi bọ. Eḍighi ịyaar dị nyina ị́naghanan ịphen mị rạḅem bọ, pọ mị kironyon ni inyina. Mị katonyon ni rạraar phọ ịpe nyina rẹmoogh ghan bọ ọsighe ọrolom mọ. Kụ ịduon phọ kẹn bịn, mị maronyon ni rạraar phọ, loor esi dị ịtooghi phọ ạmi nyina ị́sighe ị́manami ịyaar.

Elegh ạJon 12:35

Kụ ạJizos mọ, “Esugha mọony amem bịn ạḍiḅaal phọ kẹ́tol mun sịphe ogbo phọ anyina. Ịmaar erelhe sịen nyina ẹmoogh bọ ḍịḅaal phọ, ọbo ufiri phọ kiikpereghiom ghan bọ inyina, ịdi eḍighi bọ oye lọ ratelhe esi ufiri rálegheri ghan ekpisi lọ ọdi rạki.

Josua 7:19

AJosua ạḅeni Akan mọ, “Mọony ạmi, seseeny, ngọ rughuenian Ọmoogh-we phọ Ẹnaan phọ Ịzirel ạseph nyọdi. Kạaph amitiom ịpe nạ aḍighi bọ, kạ́booghi.”

1 Pita 2:8

ḅịle kẹn “Ẹko dị reḍighi ịdi awe kokpetaan ghan rꞌaḍighiigh dị keḍighi ịdi bịdi komeleghu.” Bịdi rookpeteghaan ghan, ịdi eḍighi bọ bịdi ụ́naghanan ọghaaph phọ Ẹnaan, ịdipho ọgianaan bọ bịdi.

1 Sạmuel 6:5

Ịlemogh ruuḅulha phọ rꞌiwo phọ ịphen repiemi bọ de phọ anyina, ẹḅile ẹngo rughuenian Ẹnaan awe Ịzirel phọ. Iini ọdi kạbile ni ọliom weye phọ rꞌaruru phọ rꞌade phọ anyina ọghiom arisigh.