Jerimaya 13:10 - Ạḍinya Iigbia

¹⁰ Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 13:10 Iomraidhean Croise

Ạsuor 78:8

Bịdi kọ́kigh bụrude ạburude ạbidi, we ọḅaar ẹmhu rꞌẹ́naghanan, we dị omeeraam mọ ạbidi esi Ẹnaan ụ́meera kikiki kụ úmeeraam nyọdi bịninin.

Ọtughemia Phọ 11:9

Bụo ịḍoogh, ịkelom ni mem ịḍoogh phọ anyina. Ịmoogh ọḅaal ologhi sịen nyina edi bọ ịḍoogh phọ. Iḍighi ịlo nyina rẹwa oḍighi, kụ ẹdaphan rụuphua iloghi phọ anyina. Kụ ọlo, ịitughian ni mọ Ẹnaan kesoph ni ọoruen ịngo inyina tọrobo ịlo nyina eḍighi.

Azaya 3:24

Kpạripe dị bịdi kogbula asimeri ịma eḍu, bịdi kopur ẹḅoria eḍu; kpạripe rꞌịma arukuughaam, bịdi komuunaam iburabura iḍigh; kpạripe dị bịdi kọmoogh ịma ạsilaal, ạrumhu ạbidi kekula yogh ni; kpạripe rꞌịma arukpe, bịdi koonmenan ịghelhe; ẹnighe phọ ạbidi kẹngo bịdi umugholoor.

Jerimaya 11:10

Bịdi moḅula ọḅile roḍighi yogh ịkaraph ạburude ạburude phọ ạbidi, bụphe úmeera bọ úḍighi ịpe mị ạḅem bọ; bịdi mọoḅereghi ịnon ạrumugh. Ịzirel rꞌaJuda mọka ịyo phọ mị aghiran bọ rꞌạburude ạburude phọ ạbidi.

Jerimaya 11:18

Ọmoogh-we phọ ụḅeni ni ịmi ịlo ịkaraph aruuzue dị ẹpomoghian phọ ạmi umitenom ịmi.

Jerimaya 13:7

Kụ mị aḅula, kụ mem dị mị ạwa bọ ạmiin esi phọ mị ạaghi bọ sinika phọ, mị ụmiin mọ rọbegh bịn rẹfunyonu bịn ị́moogh mun ịyaar oḍighinom.

Jerimaya 16:12

Kụ ọlo nyina meeph epu bụrude ạburude phọ anyina. Oomo phọ anyina ọḅaar ẹmhu, ḅịle kẹn nyina ịmi ị́naghanan.

Jerimaya 16:4

Ịkaraph ạreezegh kụ kẹze bịdi, ḅịle kẹn oye kámoghi bịdi mụghumo oḍiighi ạbidi. Aḍizu phọ ạbidi kẹmina yogh ịdipho egu ẹenir sịphe ade phọ. Bịdi komuughu erugh ẹgham mụghumo esi ọkoony, kụ aḍizu ạbidi eḍighi eḍien ịnun rꞌilhom ịnam.

Jerimaya 20:4

Ọmoogh-we phọ rꞌaloor kụ mạḅem: ‘Mị kaḍighi ịdi nạ kaḍighi ruugu ạngo loor phọ ạna ḅịle kẹn rꞌesi ạrighiri ạna, kụ nạ kạmiin ni dị elhool ẹgham ẹpomoghian phọ kẹze oomo phọ ạbidi. Mị kạḅogh oomo awe phọ aJuda ạlogh ḍịghaagh ọdaam-ẹmha phọ ạBabilon; ọdi kasiphi buniin aḍighi weye ikoli kụ ạpam akeelom ẹpe ẹmha phọ ọdi, kụ ọdi ạze buniin.

Jerimaya 22:21

Ọmoogh-we phọ ịḅeni ni inyina mem mọ ọpo edughom mọ ịrolonaan bọ inyina; kụ ọlo nyina ímeera ị́naghanan. Ịpe kụ ịdi nyina meḍighi bọ oomo aghuḍum mọ anyina; nyina ímeera ị́naghanan.

Jerimaya 23:17

Weye phọ ạbuphe úmeera bọ ụ́naghanan ịpe mị mạḅem bọ, bịdi rọḅeni ghan mọ ịiḅaghami ílho. Ḅịle kẹn bịdi rọḅeni ghan weye dị ọḅaar ẹmhu mọ ịiḅaghami kẹ́ḅogh bịdi.”

Jerimaya 3:17

Mem dị ẹteeny mem mọ ạmuphe phọ, kokol Jeruselem mọ ‘Ạgada Ọdaam Ẹmha Ọmoogh-we phọ’, ḅịle kẹn, oomo areelhe phọ kookpomoghan ghan ẹpe phọ kụ ụuḅereghi ịmi. Bịdi kóḍighi ghan mun ịlo ịkaraph iloghi rꞌoḅom ẹmhu phọ ạbidi ạḅeni bịdi.

Jerimaya 35:15

Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.

Jerimaya 44:16

“Yoor úmeera ụ́naghan ịpe nạ ụḅeni bọ iyoor esi aḍien Ọmoogh-we phọ.

Jerimaya 44:5

Kụ ọlo nyina íler rụru ịnaghanan. Nyina ímeera ịbile ẹkaraph eḍighinom ạraraar phọ anyina oḍighi ghan ạrikia ọngo ịkaaghineen ạrumugh.

Jerimaya 5:23

Kụ ọlo nyina awe phọ ạbuen! Nyina ịgbagara awe oḅom ẹmhu; nyina mẹḅitonaan ẹḅile ịwile ịmi.

Jerimaya 7:13

Nyina meḍighi oomo ịkaraph phọ ịphen, kụ ghạlamo ịduon mị mịḅeni bọ ni inyina ạḅile ạḅeni, nyina ímeera ị́naghanan. Mị ạmagh, nyina ímeera.

Jerimaya 7:6

Kẹ́tuan mọ oye phọ aḍighi ooruen, mꞌọnyigo ọony, mꞌekpukele ạnir bịn ephogh iniin eḍighi ghan bịdi. Kẹ́ze mun weye dị ịyaar ụ́piom sịen ade phọ aḍien. Kẹ́eḅereghi mun ịnon ạrumugh, ịphen phọ kiphiemi ni inyina.

Jerimaya 8:5

Eeghia kụ iḍighi bọ kụ nyina awe phọ ạmi ẹḍua bọ esi ạmi bịn réḅula mun bọ? Nyina ekuraam ịkaaghineen aruru phọ anyina bịn ímeera mun íḅula esi ạmi.

Jerimaya 9:13

Kụ Ọmoogh-we phọ ạphagharanaan mọ, “Ịphen phọ imite loor esi dị awe phọ ạmi mọwile ịpe mị ạtughemi bọ bịdi. Bịdi ịmi ụ́naghanan ḅịle úḍighi ịpe mị ạḅeni bọ bịdi.

Jerimaya 9:14

Kpạripe ghụn, bịdi ọḅaar ẹmhu kụ rọoḅereghi ghan eru phọ aBaal, ịdipho ạburude ạburude phọ ạbidi ọtughemi bọ bịdi.

Igbiighi 14:11

Kụ Ọmoogh-we phọ ạḅeni Mozis mọ, “Kꞌapuramem kụ ẹdi awe phọ ạbuen kọbile ọḅitonaan ghan ạmi? Kꞌapuramem kụ ẹdi awe phọ ạbuen kumeeraam ghan ịmi ghạlamo rꞌoomo areḍeenaan phọ ịpe mị raḍereghinaan ghan bọ bịdi?

Iiḍighi 7:51

“Nyina aweye oḅom ẹmhu rꞌịikpara iloghi dị ḍụghum rẹ́naghan ghan. Nyina rebeeghi ghan rꞌUwaloor Iigbia phọ oomo amem, ịdipho ạburude ạburude phọ anyina.

Bụo aHibru 12:25

Igona ni loor, íkel ghan ọnaghanan ọpo rạkaaph ghan bọ. Bụphe ọḅitonaan bọ nyọpo ạrol bọ sịen ade phọ ạghaaph dom mọ Ẹnaan, ụ́ḍua wororoph. Ika nụun kụ ẹdi yira kokpetenaan bọ ghẹlhe, eḍighi ịyaar lọ yira ọḅitonaan nyọpo odi bọ kꞌạke kụ rạkaaph?