Jerimaya 12:9 - Ạḍinya Iigbia

⁹ Awe phọ mị ạsaḅar bọ ọkigh ẹnun dị aḍita ạroogho reesophoghian oghiigh. Ịmagh ilhom ịnam mọ eru eḍighan ạanyi!

Jerimaya 12:9 Iomraidhean Croise

2 Ạbudaam 24:2

Ọmoogh-we phọ arom ḍita awe kịrokiro bụdi rozirion ghan we rạraar kọsighiogh, bụo ạBabilon rꞌạbuo ạSiria rꞌạbuo Mọab rꞌạbuo Amon mọ bịdi ọghi ozuom Juda ophiemi, ọdaph ikpo ọnhu phọ ịpe Ọmoogh-we phọ ạghaaph bọ ạḅeni butelhedom mọ ọdi riil phọ.

Azaya 2:11

Aḍio retu dị ophoophe aloor oye kasi eekuna ọḅile opiemi oobaga oye, kụ Ọmoogh-we phọ bịn kụ ọdi kokueni ḍio phọ ạḍiphe.

Azaya 2:12

Ḍio phọ ạḍiphe Ọmoogh-we oomo ịikpo phọ kasooromi ni loor ạtorobo ọlo ạmoogh ịikpo, rꞌạtorobo ọlo aphoophe loor kụ ragbi ghan mọ ọno ạpughan.

Azaya 56:9

Ọmoogh-we phọ mạḅeni iiruen areelhe phọ mọ oru ịdipho ịnam eḍum ạa we phọ ọdi.

Jerimaya 15:3

“Mị Ọmoogh-we phọ magbiighi ạman mọ inya ọdo iikia ịkaraph kụ kemitenaan bịdi: kọze bịdi erugh ẹgham; asuogh kụ kẹkogh ḍizu phọ ạbidi ẹḍuanam; ịnun kụ kẹba bịdi, ḅịle kẹn ilhom ịnam kụ kẹba ịyaar lọ esugha.

Jerimaya 2:15

Bịdi rogbophoghu ghan kophoghom nyọdi ịdipho ạnam-dịka; bịdi motene de phọ ọdi de ophugh, ḅịle ạramha phọ meegulaan, oomo awe phọ mosumughu.

Jerimaya 34:20

Mị kạḅogh bịdi ạngo bụmulogh-ḍien phọ ạbidi, bụphe rọwa bọ ọze ạbidi, kụ ruzu awe ạbidi dị momuughu ịnun rꞌilhom ịnam kụ kẹba.

Jerimaya 7:33

Aḍizu ạbuphe momuughu bọ keḍighi eḍien ịnun rꞌilhom ịnam, ḅịle kẹn oye kạ́tol ophorogh ạbidi.

Ịkunuma 1:17

“Mị asele rạghaagh ạmi, kụ rꞌoye ịmi ụ́loghonaan ḍịghaagh. Ọmoogh-we phọ mạamaghagh bụmulogh-ḍien dị ọḍua oomo ạga ozuom ạmi. Bịdi uphoghom ịmi ekpeḍien dị mị aḍighi oopho ịyaar bịn.

Izikiel 34:5

Loor esi dị iyool-ịga phọ ị́moogh bọ opoghom, bịdi ịwalala ni, kụ ilhom ịnam ẹze bịdi ạa.

Ogonanami Phọ 17:16

Ḍioph phọ ạraphaal phọ nạ ạmiin bọ rꞌelhom ẹnam mọ kọlogh ni ḍien oliom ẹmha phọ. Bịdi kọsighiogh ni oomo ạraraar lọ ọdi ạmoogh oseere nyọdi ẹdaḅa. Bịdi kọba ni iphulupul ọdi kụ opiemiom nyọdi nịan,