Jerimaya 12:7 - Ạḍinya Iigbia

⁷ Ọmoogh-we phọ rạḅem mọ, “Mị mạḅitonaan Ịzirel; mị maghel eelhe phọ mị ạsaḅar bọ. Mị mạḅogh weye phọ mị ạphomoghian bọ ạlogh ḍịghaagh ẹpomoghian phọ ạbidi.

Jerimaya 12:7 Iomraidhean Croise

2 Ạbudaam 21:14

Kụ mị akel ịyal-ikpo ạbuphe osugha bọ kụ mị ạḅogh bịdi ạlogh ḍịghaagh ạbumulogh-ḍien phọ ạbidi. Bịdi kọkigh ịdipho ạraraar dị ọpham ẹgham kụ orighelom esi ạbumulogh-ḍien phọ ạbidi.

Ạsuor 106:40

Kụ iḍighi kụ Ọmoogh-we phọ ạghagham ologhi we phọ ọdi; kụ ạḅitonaan bụphe ọdi ạloghomaam bọ.

Ạsuor 78:62

Ọdi ạghagham we phọ ọdi ologhi kụ ạngo ọgel dị ạbumulogh-ḍien ạbidi ọze bịdi.

Azaya 2:6

Ẹnaan, nạ mạḅitonaan we phọ ạna, ẹemara ẹemara phọ ạJekob! Oḍighi yogh ịiḍaany dị rẹḍua ẹpe erumuḍio phọ remite ghan bọ rꞌẹpe aFilistia kụ keru memuza de phọ. Awe phọ rọdaph ghan eeruen eḍighinom ạraraar.

Jerimaya 11:15

Ọmoogh-we phọ ạḅem mọ, “Awe phọ mị ạphomoghian bọ roḍighi ịkaraph ạraraar. Ẹekpia eeghe kụ bịdi odi bọ sịphe Otu Ịiḅereghi phọ ạmi? Bịdi rogbiom ghan mọ bụno kotue ni oguanaan ruguan ọḅile ọsighe ịnam ọpinyonom rịkia bịn okpetenaan ịiḅaghami phọ retu bọ ḍụghum? Ịpe phọ ketue ni ẹngo bịdi ọḅaal ologhi ḍụghum?

Jerimaya 14:19

Ọmoogh-we, nạ mạkaraghi akel Juda ḍụghum? Awe phọ ạZayon okia ni nyịna ḍụghum? Eeghe kụ iḍighi kụ nạ muḍighi bọ iyoor ịyaar elegh dị ịlo ookonom ílho bọ? Yoor ụwa ghan ẹepho, kụ ọlo igey ílho; yoor uḍuom ghan ologhi ọmoogh eekonom, kụ ọlo aruugu kụ ạḅile ghụn aru.

Jerimaya 17:4

Kịkpianaan inyina ọwile ade phọ mị ịngo bọ inyina, ḅịle kẹn mị kaḍighi ịdi nyina kekumu ẹpomoghian phọ anyina rikpisi dị nyina ílegheri, loor esi dị ọghagh ologhi phọ ạmi ạkigh nịan dị kẹgber kꞌagee-pọ.”

Jerimaya 22:5

Kụ ọlo eḍighi ịyaar dị nyina ị́naghanan ịto phọ ạmi, pọ mị akunya ni rịngo inyina rạḅem ghan mọ ogiga phọ ọphon kameel li aagulaan. Mị, Ọmoogh-we phọ, kụ mạḅem.

Jerimaya 23:33

Ọmoogh-we phọ ụḅeni ịmi, “Jerimaya, mem lọ oniin oye phọ ạmi, mụghumo oyil, mụghumo oyil ạrikia kụ apuru nyịna mọ, ‘Eeghia kụ adom Ọmoogh-we phọ?’ nạ kạḅeni nyọdi, ‘Nạ aḍighi ni dool esi Ọmoogh-we phọ, kụ ọdi kamutonaan ni nyịna.’

Jerimaya 23:39

iikia ílho mị kạson ni bịdi atoph ạkele, bịdi ḅịle rꞌẹmha phọ mị ạngo bọ bịdi rꞌạburude ạburude phọ ạbidi.

Jerimaya 51:5

Mị Ọmoogh-we Egbogh Ẹnaan Oomo Ịikpo phọ kőghel Ịzirel rꞌaJuda, ghạlamo ịduon bịdi mụpioman bọ ni ịmi Oye Aruukuan phọ Ịzirel.

Jerimaya 7:14

Loor esi ịduon phọ, ịpe mị aḍighi bọ Sailo kụ ịdi mị kaḍighi Otu Ịiḅereghi phọ ạmi ọphon nyina ẹkpasi bọ emooph phọ anyina. Sịen phọ mị ạngo bọ bụrude ạburude phọ anyina ḅịle kẹn rꞌanyina, mị kaḍighi ni iniin ịpe mị aḍighi bọ Sailo.

Jerimaya 7:29

“Ịmoogh ọto, weye aJeruselem; ịsama yogh sịlaal anyina eroḅologhi. Ịmoor ḍụor amaḍi sịphe ạnyu ạraaḅaraph mọ, loor esi dị mị Ọmoogh-we phọ rạkagh ni ologhi kụ mạḅile akel weye phọ ạmi.

Izikiel 24:21

ịlo ọngo anyina Ịzirel dom mọ ạḍien: nyina epoophe loor esi ịikpo Otu Ịiḅereghi phọ. Ịḅeeraan inyina ophogh ghan rꞌọghi ghan ịsiphe, kụ ọlo Ọmoogh-we phọ kạapu ni esi phọ. Ḅịle bụbam ạbuo arughunotu phọ anyina bụphe ọwile bọ sịphe Jeruselem kọze ni erugh ẹgham.

Hosia 11:1

Ọmoogh-we phọ rạḅem ghan mọ, “Mem dị Ịzirel aḍighi ọbumoony, mị ụphomoghian nyọdi kụ ạmagh nyọdi ạsighe sịphe eelhe phọ Ijipt ịdipho ọony ạmi.

Hosia 9:15

Ọmoogh-we phọ ạḅem mọ, “Oomo ẹkaraph eḍighinom mọ ạbidi imiigh ni sịphe Gịlgal. Ịsiphe kụ ẹdi mị amiigh bọ ọlogh ạbidi ḍien phọ. Kụ loor esi ịkaraph phọ bịdi moḍighi bọ, mị kaporogh ni bịdi ạsighe sịphe ade phọ ạmi. Mị kạ́pomoghian mun bịdi; oomo abuḍiemiom ạbidi mọḅaar ẹmhu esi ạmi.

Joel 2:15

Pula eeḍue phọ ẹpe ẹeḅaraph ạZayon; tọ ạḅeni bịdi ọkaagh ẹḍogh kụ ạmagh ookpomoghan!

Joel 3:2

Mị kaakpomoghi oomo areelhe kụ ạpam bịdi atumom Eḍiiny Ọoruen. Sịphe kụ ẹdi mị kasoph ọoruen ạngo bịdi esi oomo ịpe bịdi moḍighi bọ we ạmi. Bịdi mophorogh we Ịzirel ọwalalami ịnon areelhe kụ ọbaayami Ịzirel, de phọ ạmi.

Elegh aLuk 21:24

Elhool ẹgham kụ kẹze bịdi kụ osiphi bịdi ọkasaghiom ọkimom oomo areelhe ịdipho ạbuo ikoli, kụ aruuruen phọ kọozeghi ni oomo aJeruselem, tụtu amem mọ ạbidi emunughan.”

Dutoronomi 33:12

Kụ ịlo eghun ạBenjamin ọdi ạḅem ịduon: “Phẹn kụ eghun dị Ọmoogh-we phọ ạphomoghian kụ ạmaar ạpham. Ọdi aḍighi okoriom ạbidi oomo aḍio, Kụ ọdi ạrolan ghan igbo ạbidi.”