Jerimaya 12:6 - Ạḍinya Iigbia

⁶ Ghạlamo abumor phọ ạna, bụo asiya phọ ạna, bịn mookeleghi nyịna; bịdi mọghi oḍighan ozuom ạna ẹgham. Káḍuom bịdi ologhi, ghạlamo ịduon bịdi rọkaaph bọ ni ịlo ạrighiri phọ.”

Jerimaya 12:6 Iomraidhean Croise

Job 6:15

Kụ ọlo nyina phọ, ạrighiri phọ ạmi, nyina riikeleghi ghan ịmi ịdipho asikol ạmuum dị rẹkaraghar ghan mem lọ ọlophia ụ́loph.

Ạsuor 12:2

Oniin rạgbaam ghan nyoniin ọkpe bịn. Ịidoronhu ootumeniom rꞌẹḍim ologhi kụ ạraghaaph phọ ạbidi.

Ạsuor 12:3

Ọmoogh-we, kpomori yogh sinem iitunyan rꞌiituma phọ ịpe! Kpereghi rụnhu ạbuphe rọḅem ghan bọ mọ,

Ạsuor 69:8

Mị ạkigh ooruen esi abumor ạmi, mụdi ọlo ẹnon eelhe sịphe ogbo eghunotu ạmi.

Asidogh 23:8

Nạ kazuughi ni ịpe nạ malhe bọ kụ oomo iitumani phọ ạna kepe ni.

Asidogh 26:25

Kẹdugh ni ọnaghan, kụ kámeeraam nyọdi, loor esi dị ologhi phọ ọdi aḍikia kụ imuza ẹepheleghian.

Azaya 31:4

Ọmoogh-we phọ ụḅeni ịmi mọ, “Tọrobo ịlo abukoriom iyool-ịga ọlooghi ọḅile omoogha, bịdi kótue oporogh ạnam-dịka mọ ạwile ẹnam dị ọdi maghiigh; kụ iḍighi ịdi ịyaar ílho dị kikikima ịmi Ogbogh Ọmoogh-we phọ ophogh Eegum ạZayon.

Jerimaya 11:19

Mị ụghigh ịdipho ọony oyool-ọga dị rọki oghiigh, kụ mị úlegheri mọ pọ ụtuan ịmi kụ rogbiighi bọ oḍighi ịkaraph phọ ịpe phọ. Bịdi ụḅem ghan mọ, “Ịgua obenogh oreeny phọ olher sịen ọdi odi bọ gbadaam mọ; ịgua oghiigh nyọdi bịn oye kạ́atughian mun nyọdi.”

Jerimaya 11:21

Awe phọ Anatot rụwa ghan ịmi oghiigh, ḅịle kẹn bịdi ụḅeni ni ịmi mọ bụno kughiigh ni ịmi eḍighi ịyaar lọ mị agbeelom dom Ọmoogh-we phọ ạghiom risigh.

Jerimaya 20:10

Mị ạnaghan ni dị awe roophola yogh, “Aruugu odi ni tọrotoro esi! Kụ iḍighi kụ ịgua ọghi ọghaaph ịkaraph ịlo ọdi ọḅeni bụo ịtooghi phọ!” Ghạlamo ọkaraghi ạrighiri ạmi bịn rokori ghan ọmiin emeel ạmi. Bịdi rọḅem ghan mọ, “Iini yira kotue ni ookeleghi nyọdi, osiph oḍighi oḅulemian.”

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Jerimaya 9:3

Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Jerimaya 9:4

Ẹkpe ni dị tọrotoro oye kagona loor esi ọyaghiri ọdi, ḅịle kẹn oye umor ọdi óḍuom mun ologhi, loor esi dị tọrotoro umor aḍighi oye areekeleghian ịdipho ạJekob, ḅịle kẹn tọrobo oye rạgbaanaan ni ịkaraph rịghiri ọdi.

Jerimaya 9:5

Oomo phọ ạbidi rookeleghi ghan ni rịghiri ạbidi, ḅịle kẹn oye rạ́gba ghan mun igey phọ; Bịdi mọtughemi sinem mọ ạbidi ọgba ghan ọkpe ḅịle kẹn bịdi kótue ọbile ịkaraph. Bịdi roḍighi ghan iniin ịkaraph bịn kotum ịnon, ḅịle kẹn iniin areekeleghian retum ghan ịnon bịn. Ọmoogh-we phọ ạḅem mọ awe phọ ọno moghel nyịno.

Matiu 10:21

“Umor katorori ni umor ạlogh esi aḍuugh; ọde kạtuugh ni ịdipho aḍighi aani mọony ọdi; ạnmuny phọ kọmoogh ni oḅom ẹmhu ọḅogh bụphe ọmar bọ bịdi ọlogh esi aḍuugh.

Elegh ạMak 12:12

Kụ ạbuo ạrumhu aJu phọ oogonoghian Jịzos osiph, ịdi eḍighi bọ ulegheri ni mọ aḍidogh phọ ẹkpulughiom bụno, kụ bịdi ughiilaan ni we phọ kụ ọwile nyọdi ọḍuaghu.

Elegh ạJon 7:5

(Rꞌabumor phọ ọdi bịn nyọdi úmeeraam.)

Iiḍighi 16:22

Kụ aḍita awe phọ oḍighan aani oruphiom bịdi. Kụ abuugboom ịiruen phọ ọkporion rụsuoma Pọl rꞌạSailas ọphanyi, kụ ọto mọ ọguroghom bịdi ịkpara.

Iiḍighi 18:12

Mem dị ạbuo ịtooghi aRom ọma Galio mọ aḍighi uwo ẹmhu Ạkaya, ạbuo aJu phọ ụḅoph ni ọnhu osiph Pọl ọsighe ọghi otu ịiruen,