Jerimaya 12:5 - Ạḍinya Iigbia

⁵ Ọmoogh-we phọ ạḅem mọ, “Jerimaya, eḍighi ịyaar dị mẹpher nyịna ophorogh awe, nạ kaḍighi bọ ika kụ atue aporogh rụsu? Eḍighi ịyaar dị nạ kátue ạmeera sịphe ạḍiyaghaghaany ade phọ, nạ kaḍighi bọ ika kụ atue ạmerenyan ẹekpua phọ edi bọ ọgbal ạJodan?

Jerimaya 12:5 Iomraidhean Croise

1 Krọnikuls 12:15

Ọḅel ụnwanyu aḍiniin ạlha, mem dị ạmuum Ọphiiny ạJodan awooph iigbom mọ, bịdi ụḅeeny ọphiiny phọ, ọowalami we phọ orughogh bọ sịphe ariḍiiny phọ ẹpe ạga emitenom rꞌạga emeelom erumuḍio ọphiiny phọ.

Ạsuor 42:7

Aḍigher ẹmagh ḍigher, loor ẹḍogh okiilian ạmuum mọ ạna. Oomo arookpoogh oologh phọ ạna miikpereghiom ịmi.

Asidogh 24:10

Eḍighi mạar dị nạ adugh mem igbogh ịiḅaghami, pọ nạ ạkar ri adugh.

Asidogh 3:11

Mọony ạmi, mem lọ Ọmoogh-we phọ aaleminaan nyịna, mạar alher rụru. Kạ́sighe ghan mụdi ịyaar ị́man.

Jerimaya 11:21

Awe phọ Anatot rụwa ghan ịmi oghiigh, ḅịle kẹn bịdi ụḅeni ni ịmi mọ bụno kughiigh ni ịmi eḍighi ịyaar lọ mị agbeelom dom Ọmoogh-we phọ ạghiom risigh.

Jerimaya 26:8

kụ ịduon mị rọghaaph bọ rọmadan ịpe Ọmoogh-we phọ ạto bọ mọ mị ụkaaph phọ, bịn bịdi usiph ịmi bịn ọlooghi ghan mọ, “Nạ mạkpe oghiigh loor esi ịphen phọ!

Jerimaya 36:26

Kụ ọdi ạto ạḅeni Jerameel ọkpana ọdi rꞌaSeraya ọony Ạzriel rꞌaSelemaya ọony Ạbdeel mọ oru usiph ịmi rꞌaBaruk ọgeeghia phọ ạmi. Kụ ọlo Ọmoogh-we phọ museere iyoor esi ịbooghian.

Jerimaya 49:19

Ịdipho ạnam-dịka dị ẹḍua emite rụukpua phọ ịpe edi bọ ọgbal ạJodan kụ rẹki de ạroogho, kụ ẹdi mị katu aḍighi ịdi awe Idom kokiil ekperenom ọḍua sịphe eelhe phọ ạbidi. Kụ oḍiemiom mọ ọpo mị ạsaḅar bọ kạda ni eelhe phọ. Ạnhian kụ ẹdi kụtomaam ịmi nụun? Ạnhian kụ kạmeera ghisigh ạmi? Ọghen ọdaam ẹmha kụ katue apogh egbodo ạmi?

Jerimaya 50:44

“Ịdipho ạnam-dịka dị ẹḍua emite kꞌạruukpua phọ ịpe edi bọ ọgbal ạJodan kụ rẹki de ạroogho, kụ ịdi mị Ọmoogh-we phọ katu kụ aporogh we ạBabilon ekperenom sịphe ẹmha phọ ạbidi. Pọ kụ amem dị oḍiemiom mọ mị ạsaḅar bọ kạda eelhe phọ. Ạnhian kụ ẹdi kụtomaam ịmi nụun? Ạnhian kụ kạmeera ghisigh ạmi? Ọghen ọdaam ẹmha kụ katue apogh egbodo ạmi?

1 Pita 4:12

Iiḅi asiya, eephina ạnian ịminimiin phọ nyina rẹmiinom bọ kíḍighi iikia esi anyina, mụdi ịdi ologhi úḍuom mọ kemite!