Jerimaya 12:4 - Ạḍinya Iigbia

⁴ Ade phọ kẹkaraghar ịduon phọ kꞌạpur-aḍio, ḅịle kẹn ạroogho phọ kạnuughi ịduon phọ kꞌạpur-aḍio? Ịnam mọ rꞌịnun phọ remuughu loor esi ẹkaraph eḍighinom ịyaar awe phọ ayira, weye dị rọḅem ghan mọ, ‘Ẹnaan rẹ́miin ghan ịphen yoor roḍighi bọ.’”

Jerimaya 12:4 Iomraidhean Croise

Ạsuor 107:34

Ọdi aḍighi ịdi ade ẹnuum eten ẹyaghaghaany ade rꞌaboph bịn loor esi ẹkaraph eḍighinom ịyaar ạbuphe ọrol bọ sịphe phọ.

Ạsuor 50:21

Nạ raḍighi yogh ghan ịphen phọ kụ mị aḅoronom ghan nyịna; kụ nạ ragbiom ghan mọ mị ạghigh nyịna. Kụ ọlo nyịidipho mị ạkpalham nyịna ạḅile agananami ọghaaph phọ ạḅeni nyịna.

Azaya 24:4

Ade phọ ẹkara kụ ẹgbaal, oomo aḅirini phọ ạkporokporo, ade rꞌokuaḍio phọ ẹḅor.

Azaya 24:6

Esi ịduon phọ Ẹnaan mesu ọnhu de phọ. Awe phọ ọdi rọmoogh ịikpia esi ịpe bịdi moḍighi bọ. Iikoma ni bịn kụ odi eye.

Jerimaya 12:11

Bịdi mọsighe otene ọkpagha; ade phọ edi ni oopho bịn risigh ạmi. Oomo phọ ade phọ meḍighi ophugh, bịn kụ oye óphogh.

Jerimaya 14:2

“AJuda odi esi ọto; ạramha phọ ọdi remuughu, awe phọ ọdi ọmina oopho ude esi ọto, kụ aJeruselem ramoghi ghan kạwa ọloghonaan ạḍighaagh.

Jerimaya 23:10

Awe dị Ọmoogh-we phọ ụ́pamanam omuza sịen ade phọ; bịdi odi ghan dọl ịkaraph, ọḅile ọsighe ịikpo phọ ạbidi roḍighinom ịlo ẹḅeeraan. Loor ịdi Ọmoogh-we phọ maronyon, ade phọ edimom ọto ḅịle kẹn ạroogho phọ mạnuughi.

Jerimaya 4:25

Mị ụmiin mọ awe úlho; ghạlamo ịnun phọ bịn mẹphepheghu ẹḍua.

Jerimaya 4:28

Ade phọ kẹto ni ọto; okuaḍio phọ kabil li. Ọmoogh-we phọ mạḅem kụ kánme ologhi phọ ọdi. Ọdi magbiighi ịpe ọdi kaḍighi bọ kụ káḅula ọman.

Jerimaya 5:13

Bịdi mọḅem mọ ariil phọ Ẹnaan ụkigh ịdipho arukuru dị ọloghoḍi ookuugh bịninin, ḅịle kẹn ụ́moogh dom dị ẹḍua ḍịghaagh Ọmoogh-we phọ kụ eru. Egbogh Ẹnaan Oomo Ịikpo Ọmoogh-we phọ ụḅeni ni ịmi mọ, “Jerimaya, loor esi dị awe phọ ạbuen mọghaaph bọ rạraar phọ ịphen, mị kaḍighi ịdi ikpo ọnhu phọ ạmi kẹkigh ịdipho ạnian sịphe ọnhu phọ ạna. Awe phọ kọkigh ịdipho ịpe, kụ ạnian phọ kele ni bịdi ẹman.”

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Jerimaya 7:20

Kụ iḍighi kụ mị Ọkar Ogbogh Ọmoogh-we phọ kaakuom ni ogbogh ọghagh ologhi phọ ạmi Otu Ịiḅereghi phọ ọphon. Mị kaakuom ni weye phọ rꞌịnam mọ iniin phọ, ghạlamo kẹn ireeny phọ rꞌịizupha phọ. Ọghagh ologhi phọ ạmi kạkigh ịdipho ạnian dị oye kátue aḍime.

Jerimaya 9:10

Mị ụḅem mọ, “Mị kamoghinaan ruugum mọ, ḅịle kẹn rꞌạroogho phọ, loor esi dị bịdi mẹnuughi ḅịle kẹn oye ráten ghan mun ẹpe phọ. Rọ́naghan ghan mun ẹḍogh ịnam; ịnun rꞌilhom ịnam mesumughu.”

Jerimaya 9:9

Mịna kạ́liom bịdi loor esi ạraraar phọ ịphen phọ ḍụghum? Mịna káḅulemian ịkaraph eelhe dị ẹrol ịduon phọ? Mị Ọmoogh-we phọ kụ mạḅem.”

Hosia 4:3

Kụ iḍighi kụ ade phọ kẹkaraghar, ḅịle tọrobo ịyaar lọ edi sịphe kemugh ni. Oomo ịnam rꞌịnun ghạlamo rꞌina kemuughu ni.”

Joel 1:18

Ạsinam reḅeela loor ọkoony loor esi dị ạroogho ọraal ólhoonaan bịdi; asita iyool-ịga phọ kẹn rẹmiinom.

Ẹmos 1:2

Ẹmos ạḅem mọ, “Ọmoogh-we phọ ramoogha ghan ẹpe Eegum ạZayon; Ẹḍogh phọ ọdi reeka ẹpe Jeruselem. Ạraraar olhe ịnam mọ mẹgharaghar kụ ạroogho phọ Eegum ạKarmel mekitonu ẹkiakia.”

Hạbakuk 3:17

Ghạlamo ireeny ạfig phọ ị́moogh mun rughuuny kụ iimuma ị́tol loor iizin avain phọ, ghạlamo ireeny ọliv phọ ímitiom mun mụnum kụ iizo phọ ímuum mun ịbiakpa, ghạlamo oomo iyool-ịga imuughu ni kụ ịyaar ílho sịphe ạsidol ạsinam,

Zẹkaraya 1:12

Pọ kụ amem dị ọokpaany phọ ạḅem mọ, “Ọmoogh-we Oomo Ịikpo, nạ mạghagham ni ologhi Jeruselem rꞌạramha phọ aJuda sịen oḍualdi ạsia. Kẹḅile ẹteeny ḍighen kụ nạ agbi oḍeenaan ạbidi ọnma ighirigiir?”

Bụo aRom 8:22

Yira olegheri ni mọ kꞌạnyiidipho phọ ni oomo ạraraar phọ ọlhem bọ rẹkuph ni ịkuph eephina mụdi ạnir dị oghun-aḍien rakun.