Jerimaya 12:3 - Ạḍinya Iigbia

³ Kụ ạri, Ọmoogh-we, nạ ulegheri ni ịmi; nạ rạmiin ghan ni ịlo mị aḍighi, ḅịle kẹn rꞌịpe mị ạphomoghian bọ nyịna. Kọgh bụkaraph awe phọ ạbuen amitiom ịdipho iyool-ịga lọ rọki ọze; ḅạaḅaki bịdi aseere tụtu ẹteeny mem lọ kọkanyan bọ bịdi.

Jerimaya 12:3 Iomraidhean Croise

2 Ạbudaam 20:3

“Ọmoogh-we, seseeny, tụutughian nyịidipho mọ mị mạdaph ni nyịna rꞌoomo ologhi ạmi kụ mị ụkparagha ni oḍighi ghan ịdi eseleman risigh ạna.” Kụ ọdi amiigh omoghi yogh.

1 Krọnikuls 29:17

Mị alegheri ni mọ nạ rạaḅeghion ghan ni ịitughian iloghi ạtorobo oye kụ ogey oye ạḅeeraan ni nyịna. Esi ọkar ọghaaph, rꞌịpe eru bọ igey, mị ạngoom nyịna oomo phọ ịphen rꞌophooph ologhi, kụ mị mạmiin ni mọ awe phọ ạna ookpomoghan bọ sịen ọmoogh ni ọḅaal ologhi ọpham inmo oruom ạna.

Job 23:10

Ghạlamo ịduon phọ ni Ẹnaan elegheri ni oomo ịgbaranuom aruwol ạmi; eḍighi ịyaar dị ọdi uphogh ịmi, ọdi kạmiin ni mọ mị aseleman ni.

Ạsuor 11:5

Ọmoogh-we phọ rạaḅeghion ghan ni bụo aruukuan rꞌạbuo ạsipioghom mọ kaphogh, ạsighe oomo ologhi phọ ọdi akelom bụphe iilogh róoko bọ.

Ạsuor 139:23

Ụuḅeghion ịmi, Ẹnaan, kụ alegheri ologhi ạmi; pogh ologhi ạmi ạḅile ạwaaghi ịitughian ạmi.

Ạsuor 17:3

Nạ alegheri ni ịitughian phọ ạmi. Nạ maru ụteeny ịmi ḍughul phọ; Nạ mạaḅeghion oomo ologhi ạmi apogh kụ nạ ọ́miin sịpioghom.

Ạsuor 26:1

Ọmoogh-we, soph ọoruen ạmi, ịdi eḍighi bọ mị ratelhe ghan kọl kọl kọl, ạḅile aḍuom nyịna ologhi ạmadan.

Ạsuor 7:9

Nạ kụ Ẹnaan aruukuan dị rạaḅeghion ghan iloghi rꞌạruuphua awe. Seseeny, ḍighi ịdi ạsipioghom abuḍighinom ịkaraph phọ kekunughian, kụ ạkpeeghi aḅulemian bụo aruukuan phọ ịpe bịdi oḍighi bọ.

Jerimaya 15:15

Kụ mị ạḅem mọ, “Ọmoogh-we, nạ ạnaghanan ni. Ụutughian ni ịmi ạḅile ụlhoghonaan ịmi ḍịghaagh. Meera ni mị uḍighi uḅulemian bụphe ụgbiphoghom bọ ịmi. Káḅoronom mun bịdi ọbo bịdi kughiigh ghan bọ ịmi. Tụutughian ni mọ ụtuan ẹmhu ạna kụ uḍighi bọ ịmi ọdorodo phọ.

Jerimaya 17:16

Ọmoogh-we, mị nyịna ụ́kpuughiom oogulemi ạbidi; mị ụ́wa mọ ịiḅaghami ẹteeny bịdi. Ọmoogh-we, nạ alegheri ni ịphen phọ; nạ alegheri ni ịphen mị mạḅem bọ.

Jerimaya 17:18

Muton eephoogh bụphe rụgbiphoghom bọ ịmi, kụ ọlo ụgur ịmi ạsighe, Ọmoogh-we. Muzeḍinaan bịdi ruugu, kụ ọlo kúḍighi ịmi ịlo aruugu. Ḅomoghi bịdi ạḅile aagulemi bịdi.

Jerimaya 20:12

Kụ ọlo, Egbogh Ẹnaan Oomo Ịikpo Ọmoogh-we phọ, nạ kụ rapogh ghan ọkaraghi ịpe awe ọrol bọ; nạ kụ ulegheri ịpe edi bọ sịphe iloghi phọ ạbidi rꞌịitughian phọ ạbidi. Kụ iḍighi kụ mị rạwa ni ọmiin ịpe nạ kaḅulemian bọ ẹpomoghian phọ ạmi, loor esi dị mị mạḅogh ḍighiton phọ ạmi ạlogh rạghaagh ạna.

Jerimaya 48:15

Mọab rꞌạramha phọ ọdi mophiemi; ọkar ịma ugheel ạnmuny phọ mobenogh ọze. Mị kụ ọdaam mọ, Ẹnaan Oomo Ịikpo Ọmoogh-we phọ, kụ mị mạḅem.

Jerimaya 50:27

Ịze oomo ạbuo ẹgham ạbidi! Ịkanyan bịdi! Awe phọ ạBabilon mophe! Amem mọ mẹteeny dị kọliom bịdi!”

Jerimaya 51:4

Koḍighi yogh ni bịdi rạraar kụ omuughu ẹpe reten ạramha phọ ạbidi.

Elegh ạJon 21:17

Ọdi apuru amuneniom ịraar amem mọ, “Saimon, ọony phọ ạJon, nạ ụphomoghian ni ịmi?” Kụ aloor aPita eḅonyonu ịdipho ọdi apuru bọ nyọdi amuneniom ịraar amem mọ mọ, “Nạ ụphomoghian ịmi?” kụ ọdi mọ, “Ọmoogh-we, nạ alegheri ni mọ mị ạphomoghian ni nyịna.” Kụ ạJizos mọ, “Ngọ eḍien iyool-ịga phọ ạmi.

Jems 5:5

Nyina mẹrol ḍịwalawala ạdol, ele ghan uruur sịen aḅirini phọ; nyina melhe ẹbughogh ịdipho ạsinam, kụ mẹteeny ọze anyina.

2 Pita 2:12

Kụ awe phọ ạbuen odimom ghan dọl ạruuphua, ịdipho ilhom ịnam mọ ọmar bọ oseere mọ osiphi ghan ọze phọ. Bụen phọ rotonyon ghan rạraar lọ epelom olegheri ịyaar phọ ạbidi. Ịḅoria ạroozo phọ ạbidi kepiemi ni bịdi.