Jerimaya 12:2 - Ạḍinya Iigbia

² Nạ ạzuph bịdi, kụ bịdi ọmoogh sịni; Bịdi opoph kụ omuum iimuma. Bịdi rọkaaph ghan ni ịma ịlo ạna oomo amem, kụ ọlo bịdi ụ́kar ụ́moogh ịyaar oḍighinom ạna.

Jerimaya 12:2 Iomraidhean Croise

Job 24:12

Ẹpe igbogh ạramha phọ awe dị oḍighi yogh rạraar elegh kụ romuughu ọlooghi, kụ Ẹnaan ẹḅitonaan ịiḅereghi phọ ạbidi.

Job 5:3

Mị mạmiin ghan ni rolologhi dị ẹghi mụdi ịyaar rẹ́eḅaghami kụ ọlo mị uronyon ni iloghi aruutu phọ ạbidi.

Ạsuor 37:35

Mị mạmiin ghan ni oye ạsipioghom dị rạadaraghu rꞌiboom ịikpo, kụ apoph ịdipho ọsaga ạLebanon.

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 3:10

Kụ mem dị oomo ịphen phọ meten, aJuda umarani phọ Ịzirel ologhi róḍuom ghan bọ akue bịn mọ ọno marigheel ḍịghaagh ạmi; ọdi órighelom rꞌeekuna ologhi ọdi. Mị Ọmoogh-we phọ kụ ụḅem.”

Jerimaya 45:4

“Kụ ọlo mị Ọmoogh-we phọ ralereghi ịpe mị mạlhoghoḍi bọ kụ ratuph ịpe mị mạzuph bọ. Mị kaḍighi ịphen phọ oomo ade phọ.

Izikiel 33:31

Esi ịduon phọ ịbadi awe ookpomoghan ọnaghan ịlo nạ kạkaaph, kụ ọlo bịdi róḍighi ịlo nạ ạḅeni bịdi oḍighi. Ikpo ọnhu ẹphomoghian edi ịidoronhu ạbidi, kụ ọlo bịdi omeeraam dị bịdi bịn kụ kole ẹper.

Hosia 7:14

Bịdi ịmi ụ́uḅereghi rꞌoomo ologhi; kpạripe bịdi oḅololo ude kụ ọlooghi ịdipho awe dị Ẹnaan úlegheri roḍighi ghan bọ. Mem lọ bịdi ọoḅereghi ọmoogh ịbiakpa rꞌamiim, bịdi obenegha siloor ịdipho awe dị Ẹnaan úlegheri roḍighi ghan bọ. Pọ eeghe awe ọḅaar ẹmhu bịdi phọ!

Hạbakuk 1:13

Kụ ika kụ ịdi nạ katue ạmerenyan weye dị eeph ịduon rꞌareekeleghian? Ariḍien ạna eḍighi ịlo aruukuan ẹpughan ọmiin ịkaraph kụ nạ kátue ạmerenyan we dị roḍighi ịkaraph. Kụ eeghe kụ nạ aḅoorian bọ kụ bịdi ropiemi weye dị odi dọl aruukuan opu bịdi?

Matiu 15:8

“‘Ẹnaan ẹḅem mọ awe phọ ạbuen ọsighe ịidoronhu ạbidi bịn kụ rughueniom ghan ịmi, kụ iloghi ạbidi ịkelan ni ịmi iboom.

Elegh ạMak 7:6

Kụ ọdi ạphagharanaan bịdi mọ, “Azaya ọ́pioman ịmiin phọ dị ạmiin bọ ịlo anyina kụ ạge bọ, mọ nyina awe ịyal asinem, kụ ạḅem mọ, “‘Ẹnaan ẹḅem mọ awe phọ ạbuen ọsighe ịidoronhu ạbidi bịn kụ rughueniom ghan ịmi, iloghi ạbidi ịkelan ni ịmi iboom.

Tạitos 1:16

Bịdi rọḅem ghan mọ bụno olegheri ni Ẹnaan, kụ eḍighinom ịyaar phọ ạbidi íḍeenaan. Bịdi awe dị moghel, ọḅile ọḅaar ẹmhu, dị rꞌeniin egey ịyaar lọ kotue oḍighi ílho mun.