Jerimaya 12:13 - Ạḍinya Iigbia

¹³ Awe phọ ạmi ụzuph ni ịbiakpa, kụ ọlo ọku rọogho; bịdi ukumuan ni agey, kụ ọlo ụ́moogh ịyaar esi oḍighi phọ. Loor esi ogbogh ọghagh ologhi phọ ạmi ịizupha phọ ạbidi íḍum.”

Jerimaya 12:13 Iomraidhean Croise

Ạsuor 78:62

Ọdi ạghagham we phọ ọdi ologhi kụ ạngo ọgel dị ạbumulogh-ḍien ạbidi ọze bịdi.

Azaya 55:2

Eeghe kụ nạ kaliom ikpoki esi ịyaar dị pẹreeny kẹ́ngo? Eeghe kụ nạ kaliom ikpoki ạna kụ ọkoony ạḅile rasiph nyịna? Ụnaghanan ịmi aḍighi ịlo mị ạḅem, bịn nạ kale eḍien dị ẹdugh epu oomo ariiḍien.

Jerimaya 17:10

Mị Ọmoogh-we phọ kụ rạwaaghi ghan ịitughian phọ kạḅile aphogh iloghi phọ awe. Mị raḍighi ghan kạngo oye ọdaphan dọl phọ ọdi rꞌịpe ọdi raḍighi bọ.”

Jerimaya 4:26

Ade ẹnuum mọ meten ophugh; igbogh ạramha phọ ọdi meegulaan loor ogbogh ọghagh ologhi Ọmoogh-we phọ.

Jerimaya 9:5

Oomo phọ ạbidi rookeleghi ghan ni rịghiri ạbidi, ḅịle kẹn oye rạ́gba ghan mun igey phọ; Bịdi mọtughemi sinem mọ ạbidi ọgba ghan ọkpe ḅịle kẹn bịdi kótue ọbile ịkaraph. Bịdi roḍighi ghan iniin ịkaraph bịn kotum ịnon, ḅịle kẹn iniin areekeleghian retum ghan ịnon bịn. Ọmoogh-we phọ ạḅem mọ awe phọ ọno moghel nyịno.

Hosia 8:7

Mem dị bịdi ọzuph ookuugh, bịdi kobugha oghim! Ozo ịbiakpa dị ị́karaghar kémuum iimuma. Kụ ghạlamo emuum ni, aruuruen phọ kụ kole ọman.

Lịvitikos 26:16

Mị kịliom inyina. Mị kịngo inyina ilhom ịiḅaghami dị ketu izuom inyina ịmooph inyina, rẹezegh dị kótue ookonom rꞌosipheeny dị kạaḅaghami riḍien anyina, kụ aḍighi ịdi aghuḍum anyina kaguul ape. Nyina ẹpu ghan bịn ẹzuph ịizupha phọ anyina, dị ạbumulogh-ḍien kụ kole ghan ịpe nyina mẹzuph bọ.

Lịvitikos 26:20

Kụ ịnyaam mọ anyina ẹpu bịn eminonom yogh. Ade phọ anyina késoor mun eḍien, kụ ireeny ịsiphe ade phọ kémuum mun rughuuny.

Maika 6:15

Nyina kẹzuph ni ịbiakpa, kụ kẹ́ku ịizupha phọ. Nyina kemiim ni mụnum loor ọliv, kụ kétue eḍighinom ịyaar. Nyina kẹsa ni miim, kụ kẹ́pughol.

Hạbakuk 2:13

Areelhe phọ nyina ẹkpar bọ epu asiloor eminenom loor ịḅoria arukumuan, kụ oomo ịlo bịdi odoghoḍi ạnian kụ ile. Ọmoogh-we Oomo Ịikpo phọ kụ maḍighi ịphen.

Hagai 1:6

Nyina mẹzuph iboom ịbiakpa, kụ rẹku ọony ẹnum bịn. Nyina ẹmoogh ni eḍien olhe, kụ ọlo ị́manam ọpher oye. Nyina ẹmoogh ni miim ọphughol, kụ ọlo ógeni dị kakiigh oye! Nyina ẹmoogh ni rukpe, kụ ọlo ígeni ọngo anyina ẹghologhol. Ḅịle kẹn bụphe odiighi bọ sidom mọ róle ghan ikpoki dị egeni ọrolom.

Hagai 1:9

“Nyina iḍuom ghan ologhi ọmoogh igbogh ibugha, kụ ẹḅile ghụn eḍighi ịbam. Ḅịle kẹn mem lọ nyina ẹsighe ibugha phọ erighelom otu, mị rapula ghan bịn kạsighiogh. Eeghe kụ iḍighi kụ mị aḍighi bọ ịdipho phọ? Ụtuan dị Otu Ịiḅereghi phọ ạmi aagulaan bịn odi ghan mem dị tọrotoro ọnyo anyina ạkururu bịn rạlogh ghan otu ọlo ọdi.

Bụo aRom 6:21

Nyina eḍighi yogh ghan bọ rạraar phọ nyina rekiilom bọ umugholoor phọ nyịidipho, nyina ịmooghom eeghe ạsuo? Aḍuugh kụ ạsuo ạraraar phọ ịpe phọ.

Dutoronomi 28:38

“Nyina keḅephogh ghan ni ẹminighan eḍien sịphe iizo phọ anyina, kụ nyina ebugha ghan ẹphurukpu bịn. Igurubia kụ kele ghan eḍien phọ anyina ephiemi.