Jerimaya 12:12 - Ạḍinya Iigbia

¹² Awe ẹgham mọghi eten ẹdala phọ rẹḅeeny bọ roogbolom mọ kụ role uruur rạraar ade phọ. Mị marom mọ ẹgham ẹghi eegulemi de phọ; oye ólho dị kạtolom rꞌẹepho.

Jerimaya 12:12 Iomraidhean Croise

Azaya 34:6

Elhool ẹgham mọ ọdi kẹetoghoḍiom ịḅaal rꞌẹnuum mọ ạbidi, ịdipho ịḅaal rꞌẹnuum ạnmuny iyool-ịga rꞌạrutu-ịga dị ọphighironom ẹkia. Ọmoogh-we phọ kạpighiron ẹkia phọ ẹphen sịphe ẹmha phọ aBozra; ọdi kaḍighi ẹmha phọ ẹphen egbogh esi ọze ghan ịnam sịphe ade phọ Idom.

Azaya 57:21

Ọmoogh-we phọ rạḅem ghan mọ, “Ạdol ẹereegh ílhoonaan buḍighinom ịkaraph.”

Jerimaya 15:2

Mem lọ bịdi opuru nyịna ekpisi phọ ẹpe bịdi kọki bọ, ḅẹni bịdi mọ mị mạḅem mọ: “Buniin mọḅogh ọngo mọ omuughu esi ẹzegh — ẹpe kụ esi dị bịdi kọki! Bụnon mọḅogh ọngo mọ omuughu erugh ẹgham — ẹpe kụ esi dị bịdi kọki! Buniin mọḅogh ọngo mọ omuughu esi ọkoony — ẹpe kụ esi dị bịdi kọki! Bụnon mọḅogh ọngo dị kosiphi bịdi odoghoḍi ikoli — ẹpe kụ esi dị bịdi kọki!

Jerimaya 16:5

“Otu lọ ọto odi úḍigh ghan. Kạ́tuan oye ámoghi. Mị kạ́sephom mun weye phọ ạmi rꞌẹepho mụghumo oḍeenaan ạbidi ẹphomoghian rꞌọnma ighirigiir.

Jerimaya 25:11

Oomo phọ ade phọ ạḍien keegulaan bịn kụ ẹtolom kụ eḍigh ruugu ọmiin ghan, kụ areelhe phọ ịpe etuman bọ kekumu ni ọdaam-ẹmha phọ ạBabilon oḍualdi ạsia.

Jerimaya 3:2

Pogh aani ạnyu aroogbolom mọ. Esi esugha ni dị nạ úḍighi ịdipho ọnyo akunakuna ḍụghum? Nạ ukori ghan rụga phọ ạna ẹpe ọgbal eten phọ, ịdipho oye ọlo Arebia rakori ghan bọ oye lọ ọdi kaḍighi ịkaraph ẹpe ẹdala phọ. Nạ mạapu de phọ loor esi olhe-ẹmha phọ ạna.

Jerimaya 3:21

Ọyugh odi ni ẹpe ạnyu ạraaḅaraph phọ: awe phọ Ịzirel kụ romoghi kọḅile ọoḅereghian, loor esi dị bịdi mọrol dọl ịkaraph ọḅile obula Ẹnaan phọ ạbidi Ọmoogh-we.

Jerimaya 30:5

“Mị ụnaghan ni emoghi aḍiigu, emoghi oghiilaan, kẹ́lo ẹepho.

Jerimaya 34:17

Kụ nyịidipho, mị, Ọmoogh-we phọ, ạḅem mọ nyina mẹḅaar ẹmhu esi ạmi; nyina ke̋sereghi bumor phọ anyina we Ịzirel phọ dọl ẹereegh. Ọkar agey, mẹteeny mị kịngo inyina dọl ẹereegh: ẹereegh omugh esi ẹgham, ẹzegh rꞌọkoony. Mị kaḍighi ịdi tọrobo eelhe ịsien aḅirini phọ kokiilaan ọmiin ịpe mị iḍighi bọ inyina.

Jerimaya 4:27

(Ọmoogh-we phọ mạḅem mọ oomo phọ ade phọ keḍighi ẹdala, kụ ọlo mọ ọno káagulemi ạmadan.)

Jerimaya 46:10

Arodon kụ aḍio Ọkar Ogbogh Ọmoogh-we Oomo Ịikpo phọ: rodon ọdi kaḅulemian; rodon ọdi kạliom bụmulogh-ḍien phọ ọdi. Elhool ẹgham ọdi kẹze bịdi kụ ẹper, kụ ẹpughol ịḅaal ạbidi tụtu ẹgbaanyan. Rodon Ẹnaan Oomo Ịikpo reḍighinom ịyaar aghuḍum bụphe ọdi mạteeny bọ ẹpe ephunom mọ, ọgbal aYufratis.

Jerimaya 47:6

Ịlo ẹmagh, ‘Elhool ẹgham Ọmoogh-we phọ! Nạ kạtol obeneghan ghan bịn kꞌapuraḍio? Ḅula loor aḍiphul ạna, Tọl sịphe aphooghian!’

Jerimaya 48:2

Ẹnighe phọ ạMoab mephe. Ẹpomoghian phọ mọsighe Hesbon kụ roopuruan ophiemi eelhe phọ ạMoab. Ẹmha phọ aMadmen kokpomori ọnhu; Awe ẹgham kotu ni ozuom.

Jerimaya 8:15

Yira uḍuom ni ologhi ọmoogh ẹepho ḅịle kẹn rꞌamem arookonom, kụ ọlo aruugu ghụn kụ ạḅile aru.

Ịkunuma 3:17

Mị mawula ịyaar lọ omoon aloor rꞌẹepho rꞌọḅaal ologhi aru.

Izikiel 14:17

“Ịdipho oḍighom ịyaar kụ mị aruom ẹgham sịphe eelhe phọ ẹpe kụ arom rẹenema ịlo ogbuurogh ọsighe awe rꞌịnam igina phọ,

Izikiel 21:28

“Oye dị kamugh ni, mịinaan. Ḅẹni ịpe Ọmoogh-we dị ạmoogh oomo ịikpo phọ rạḅeni bọ bụo Amon phọ, bụphe rọgilaam bọ Ịzirel. Ḅẹni bịdi mọ, “‘Elhool ẹgham eekolobian ni ịlo ophiemi; elhool phọ ogbuur ịlo oghiigh, ịlo ọraphan ịdipho ọnmem.

Izikiel 21:4

Mị kaḍighinom elhool ẹgham ạmi ịkaraph tọrobo oye emiigh ẹpe ephunom mọ esi ẹphen esoorom mọ.

Izikiel 21:8

Ọmoogh-we phọ ụḅeni ịmi mọ,

Izikiel 21:9

“Oye dị kamugh ni, mịinaan. Ḅẹni we phọ ịpe mị Ọmoogh-we phọ rạkaaph bọ: “Elhool ẹgham, elhool ẹgham moghola kụ ogbuur

Izikiel 5:2

Sụ nịan muniin abin sịphe ẹmha phọ mem dị oghoonyom mọ maten. Sịghe mụnon abin ạkiriph rꞌelhool ạna mem dị nạ ratelhe yogh ọgbal ẹmha phọ. Wạawalami mụphe osugha bọ ạngo ookuugh; kụ mị aporoghom rꞌelhool ạmi.

Lịvitikos 26:33

Kụ mị ịwalalami inyina aleenye oomo areelhe, kụ mị ạsighe elhool ẹgham iphoroghom inyina, kụ ade phọ anyina eguul, kụ ạramha phọ anyina epe.

Ẹmos 9:4

Mụghumo ẹpomoghian mạsighe ni bịdi akeelom ẹnon eelhe ọmiinom ạdol iiruen, pọ mị kạḅeni ni mọ ọze bịdi. Mị ạnya ni ophiemi ạbidi, kọ́lhoghonaan ạḍighaagh.”

Zẹfanaya 2:12

Ọmoogh-we phọ kạze aani ni weye Ẹtiopia.

Dutoronomi 32:42

Ịkpina phọ ạmi kẹtephom ịḅaal, kụ elhool ẹgham mọ ạmi ẹze bụphe ụ́wa bọ ọmiin ạmi. Mị rásugheeny rꞌoniin ọlo ueenan ịmi ghạlamo ạbulo oḍighima yogh rạraar rꞌạbulo osiphi yogh ologhi ikoli komuughu ni.’

Ogonanami Phọ 6:4

Kụ ọtogh-tọgh ạsu aru amite. Ụngo ni nyọpo aḍigh bọ ạsu phọ ịikpo mọ alher ẹgham sịen aḅirini phọ, mọ awe ọzian siloor. Ụngo kẹn ni nyọdi eboom elhool ẹgham.