Jerimaya 12:11 - Ạḍinya Iigbia

¹¹ Bịdi mọsighe otene ọkpagha; ade phọ edi ni oopho bịn risigh ạmi. Oomo phọ ade phọ meḍighi ophugh, bịn kụ oye óphogh.

Jerimaya 12:11 Iomraidhean Croise

Jerimaya 23:10

Awe dị Ọmoogh-we phọ ụ́pamanam omuza sịen ade phọ; bịdi odi ghan dọl ịkaraph, ọḅile ọsighe ịikpo phọ ạbidi roḍighinom ịlo ẹḅeeraan. Loor ịdi Ọmoogh-we phọ maronyon, ade phọ edimom ọto ḅịle kẹn ạroogho phọ mạnuughi.

Azaya 42:25

Loor ịphen phọ, ọdi aḍighi ịdi yira ologhoma ịdi ophin ologhi ọdi ạman kụ ọmiinom ịminimiin igirigiri ẹgham. Mụdi ạnian, ọghagh ologhi phọ ọdi aamor oomo Ịzirel, kụ ọlo yoor úlegheri ịlo remite. Ịyaar lọ yoor ọtuugha esi ịphen phọ ị́tol.

Jerimaya 14:2

“AJuda odi esi ọto; ạramha phọ ọdi remuughu, awe phọ ọdi ọmina oopho ude esi ọto, kụ aJeruselem ramoghi ghan kạwa ọloghonaan ạḍighaagh.

Malakai 2:2

Nyina ẹmoogh ni oghueni ạmi esi ạraraar phọ ịpe nyina reḍighi bọ. Eḍighi ịyaar dị nyina ị́naghanan ịphen mị rạḅem bọ, pọ mị kironyon ni inyina. Mị katonyon ni rạraar phọ ịpe nyina rẹmoogh ghan bọ ọsighe ọrolom mọ. Kụ ịduon phọ kẹn bịn, mị maronyon ni rạraar phọ, loor esi dị ịtooghi phọ ạmi nyina ị́sighe ị́manami ịyaar.

Zẹkaraya 7:5

Ọdi ạḅem mọ, “Ḅẹni weye ade phọ rꞌariil ạrikia phọ mọ mem mọ ọpo bịdi ọkaagh bọ ẹḍogh phọ ọḅile ọrol esi ọto rụnwanyu dị emuneniom oogh rꞌoḍual sịen oḍualdi ạsia phọ ịphen, nyina íḍighi ghan ịphen phọ oghueniom ạmi.

Jerimaya 19:8

Ịdi mị kaagulemi bọ ẹmha phọ ẹphen tọrotoro oye lọ aten ạmiin kabughaan ghan ni kụ amaghagha.

Jerimaya 10:25

Kiton ghẹlhe phọ ạna asomori reelhe phọ ạbuphe nyịna rọ́oḅereghi bọ ḅịle kẹn rꞌesi awe phọ ạbuphe ọḅitonaan bọ nyịna. Bịdi mọze weye phọ ạna; bịdi muugulemi iyoor ọmadan ọḅile opiemi eelhe phọ.

Jerimaya 10:22

Iler aḅeri! Ịinaghan meru! Iboom ịlooghi edi ni eniin eelhe ẹpe ephunom mọ; awe ẹgham mọ ạbidi kọsighe ni rạmha phọ aJuda otene de ophugh, ekpisi dị ạsino bịn kụ erugh.”

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Jerimaya 6:8

Nyina aweye aJeruselem, ịiḅaghami phọ ịphen phọ ẹphur aḅeri anyina, ịduon kụ ílho pọ mị kịḅitonaan inyina; mị kakiton ẹmha phọ anyina atene de ophugh, esi dị oye kátugh mun.”

Azaya 57:1

Abugey awe omugh kụ oye ọ́naghan ḅịle ụ́sighe mọ ịyaar emite ni. Kụ ọlo, mem dị bịdi omugh, imananaan bịdi kéḍighi ịyaar.

Ọtughemia Phọ 7:2

Ẹnighe epu ọghi otu dị emoghi kụ edi rꞌọghi esi dị ọḍe kụ odi, loor esi dị ẹkpianaan bụphe odi bọ eye ọotughianam ghan asiloor ạbidi mọ aḍuugh rekori ni oomo ayira.

Bụo aRom 8:22

Yira olegheri ni mọ kꞌạnyiidipho phọ ni oomo ạraraar phọ ọlhem bọ rẹkuph ni ịkuph eephina mụdi ạnir dị oghun-aḍien rakun.

Lịvitikos 26:32

Kụ mị apiemi de phọ kụ ạbumulogh-ḍien phọ anyina orugh ghan bọ sịphe ade phọ ookia ghan.

Jerimaya 4:20

Iniin ịiḅaghami ẹdaph ịnon; oomo phọ ẹmha phọ meguul. Mophiemi rugbogo phọ ayira ekperenom, mọphanyi rukpe eghuugh phọ.

Jerimaya 4:27

(Ọmoogh-we phọ mạḅem mọ oomo phọ ade phọ keḍighi ẹdala, kụ ọlo mọ ọno káagulemi ạmadan.)

Jerimaya 4:28

Ade phọ kẹto ni ọto; okuaḍio phọ kabil li. Ọmoogh-we phọ mạḅem kụ kánme ologhi phọ ọdi. Ọdi magbiighi ịpe ọdi kaḍighi bọ kụ káḅula ọman.

Jerimaya 25:11

Oomo phọ ade phọ ạḍien keegulaan bịn kụ ẹtolom kụ eḍigh ruugu ọmiin ghan, kụ areelhe phọ ịpe etuman bọ kekumu ni ọdaam-ẹmha phọ ạBabilon oḍualdi ạsia.

Joel 1:10

Iizo phọ ịyaar ílho mun; Ade phọ remoghi loor esi dị mophiemi ịbiakpa phọ, iimuma ireeny avain phọ mẹgharaghar, kụ ireeny ọliv phọ megheel ọnam.

Jerimaya 9:9

Mịna kạ́liom bịdi loor esi ạraraar phọ ịphen phọ ḍụghum? Mịna káḅulemian ịkaraph eelhe dị ẹrol ịduon phọ? Mị Ọmoogh-we phọ kụ mạḅem.”

Jerimaya 9:10

Mị ụḅem mọ, “Mị kamoghinaan ruugum mọ, ḅịle kẹn rꞌạroogho phọ, loor esi dị bịdi mẹnuughi ḅịle kẹn oye ráten ghan mun ẹpe phọ. Rọ́naghan ghan mun ẹḍogh ịnam; ịnun rꞌilhom ịnam mesumughu.”