Jerimaya 12:10 - Ạḍinya Iigbia

¹⁰ Ịbadi ạbudaam iiruen areelhe moogulemi ozo amiim avain phọ ạmi; bịdi mọozeghi iizo phọ ạmi, bịdi mokiton ịma phọ ade phọ ạmi otene ẹdala.

Jerimaya 12:10 Iomraidhean Croise

Azaya 3:14

Ọmoogh-we phọ ạsighe ni ikumoor awe phọ rꞌabuḍiemiom awe phọ ọdi rasoorom erugh. Ọdi asiph bịdi ologh phọ ọphon: “Nyina mẹsighe iizo iimuma avain, kụ ạraraar dị nyina mezirion ạanyi rukulom mọ emuza sịphe aruutu phọ anyina.

Azaya 43:28

kụ ạbudaam anyina ụupu ni dọl iigbia phọ ạmi. Ịduon kụ iḍighi kụ mị aphiemi bọ Ịzirel; mị ạngo ọgel mọ oronyon yogh we phọ ạmi.”

Azaya 63:18

Ạbumulogh-ḍien uphorogh ni iyoor we iigbia phọ ạna omiteghom ẹnum amem. Bịdi ọozeghi dọl iigbia phọ ạna.

Jerimaya 23:1

Ịpe eeghia ịdi ịiruen Ọmoogh-we phọ kebeeph esi ạbuphe mophiemi bọ kụ ọḅile rọwalalami weye phọ ọdi!

Jerimaya 25:38

Ọmoogh-we phọ mạḅitonaan weye phọ ọdi ịdipho ạnam-dịka lọ mẹḅitonaan epogh ọdi. Ạraraar aruugu ẹgham mọ ḅịle kẹn rꞌoboom ọghagh ologhi Ọmoogh-we phọ mekiton ẹmha phọ etene de ophugh.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 3:19

Ọmoogh-we phọ ạḅem mọ, “Ịzirel, mị ụwa ghan ọsighe ạna oḍighi ọony ạmi ḅịle rꞌọngo ạna ịma ade, de dị ẹkaraghi ẹnighe sịen oomo aḅirini phọ. Mị ụwa ghan mọ nạ ụmagh ịmi mọ ọde, ḅịle amem kị́tol mun dị nạ kạḍua ḍịghaagh ạmi.

Jerimaya 39:3

(Mem dị mọsighe bọ Jeruselem, oomo abugbogh ạbuo iiḍighi ọdaam mọ ạBabilon uru ni kụ ọrologhu ude sịphe Ọnhu-aḍibuo Ogbo phọ — sịphe ogbo ạbidi aNegal Sarezer, ạSamgar Nebo, aSaasekim rꞌọnon aNegal Sarezer.)

Jerimaya 6:3

ạbudaam rꞌawe ẹgham ạbidi kụ kotugh. Bịdi kodoghoḍi rugbogo ẹgham kụ okoonyom ẹmha phọ, kụ tọrotoro ọnyo ạbidi katugh ghan esi lọ ẹḅeeraan nyọdi.

Jerimaya 9:10

Mị ụḅem mọ, “Mị kamoghinaan ruugum mọ, ḅịle kẹn rꞌạroogho phọ, loor esi dị bịdi mẹnuughi ḅịle kẹn oye ráten ghan mun ẹpe phọ. Rọ́naghan ghan mun ẹḍogh ịnam; ịnun rꞌilhom ịnam mesumughu.”

Izikiel 34:2

Ọdi ạḅem mọ, “Oye dị kamugh ni, ḅạaghiom buḍiemiom mọ Ịzirel. Mịinaan bịdi kụ ạḅeni bịdi ịphen mị Ọkar Ogbogh Ọmoogh-we phọ ạḅeni bọ bịdi: nyina mepheeghu, nyina abupoghom iyool-ịga phọ Ịzirel! Nyina ẹpama siloor anyina kụ iyool-ịga phọ nyina ípogh.

Izikiel 34:5

Loor esi dị iyool-ịga phọ ị́moogh bọ opoghom, bịdi ịwalala ni, kụ ilhom ịnam ẹze bịdi ạa.

Dạniel 8:13

Kụ mị ạnaghan dị oniin ọokpaany kꞌạke apuru ghan nyoniin, “Ạraraar phọ ịphen phọ ọmiin bọ uḍien phọ kẹtol kꞌạpur amem? Ịkaraph dị ẹloghori ịduon phọ kẹsighe esi ạrikia aḍio etum ḍio phọ kꞌạpur amem? Kọozeghi ghan we ẹgham kꞌạke phọ rꞌOtu Ịiḅereghi phọ kꞌạpur amem?”

Zẹkaraya 7:14

Mị uḍighi ịdipho oghim kụ aḅeer bịdi ạsighe ạghi iiruen areelhe. Ịma phọ ade phọ ạḍien ịrol bịn eten ẹekpua dị oye útugh.”

Elegh aLuk 21:14

Ịpur ịkpuku, kékaphian ghan oomiigh ịlo nyina kẹgba ọphelaam ạrumhu phọ anyina,

Ogonanami Phọ 11:2

kụ ọlo ụ́loghom ghan erugh phọ, ịdi eḍighi bọ mọḅogh ọngo ruuruen dị kọozeghi ẹmha iigbia phọ inyadi rꞌịyal ụnwanyu.