Jerimaya 12:1 - Ạḍinya Iigbia

¹ “Ọmoogh-we, eḍighi ịyaar dị mị ạgba ḍighiton phọ ạmi rꞌạna, nạ kạmoogh ni akeel. Kụ ghạlamo ịduon phọ ni mị rạwa ni opuru ạna ịlo ạraraar dị egbolomaam iiḅi ịiruen. Eeghe kụ iḍighi kụ edughom edianaan ghan bọ bụkaraph awe? Eeghe kụ iḍighi kụ ạraraar rẹnighenaan ghan bọ reepheeny?

Jerimaya 12:1 Iomraidhean Croise

Emiighom 18:25

Ọkar igey nạ kạze bụo aruukuan rꞌạbuo ạsipioghom mọ. Kétue emite! Nạ káḍighi ịdipho. Nạ aḍighi ịdipho, pọ mọḅar bụo aruukuan rꞌạbuo ạsipioghom mọ kụ ọliom. Ịpe kétue emite. Oogboom ịiruen oomo aḅirini phọ ạkpe ni oḍighi ạraraar dị eeleeny?”

Ẹzra 9:15

Ọmoogh-we Ẹnaan phọ Ịzirel, nạ aseleman ni kụ nạ mameera mọ yoor oḍum. Yoor ootuma apum mọ ayoor ọngo nyịna: yoor ụ́moogh elhiom oru ịsiphe esomanan ạna.”

Nehemaya 9:33

Ịpe nạ ụliom bọ iyoor eḍighi ni ịne; nạ kőbi, ghạlamo ịduon yoor moḍighi bọ ni ịkaraph.

Job 12:6

Kụ ọlo ạruḅa rꞌawe dị Ẹnaan úlegheri odi ni rꞌẹepho ghạlamo ịduon ẹmugh phọ ạbidi kụ ịnyaam mọ ạbidi bịn.

Job 13:3

Kụ ọruonu phọ ạmi ọdi rꞌẸnaan Oomo Ịikpo, kạ́na. Mị rạwa ọgbaaghian rꞌọdi.

Job 24:12

Ẹpe igbogh ạramha phọ awe dị oḍighi yogh rạraar elegh kụ romuughu ọlooghi, kụ Ẹnaan ẹḅitonaan ịiḅereghi phọ ạbidi.

Job 24:23

Eeni amem Ẹnaan ẹbile ọdi ạtol dị ịiḅaghami ílho, kụ ọlo kepoghom ghan ni nyọdi eniin ekpeḍien oomo amem.

Job 8:17

Ạsini phọ ạbidi rẹpiiny ghan rạna phọ, ḅịle kẹn reḅol ghan kegheelom tọrotoro aḍighiigh.

Ạsuor 116:5

Ọmoogh-we phọ ogey oye ọnma ighirigiir; Ẹnaan ayira ạmoogh igbiririph.

Ạsuor 119:137

Nạ oye aruukuan ni, Ọmoogh-we, ḅịle iilogh phọ ạna eseleman ni.

Ạsuor 119:75

Mị alegheri ni mọ ịiruen phọ ạna eseleman ni, Ọmoogh-we, kụ nạ ụlhiom ịmi loor esi dị nạ raḍighi ghan ni ịpe nạ ạghaaph bọ.

Ạsuor 145:17

Ọmoogh-we phọ raḍighinom ghan ruukuan oomo ịlo ọdi aḍighi, rạnma ghan ighirigiir esi oomo eḍighinom ọdi.

Ạsuor 37:1

Kạ́aḅaghamian ologhi loor ẹmhu ạbuo ạsipioghom. Kágbeghe bụo igborion phọ,

Ạsuor 37:35

Mị mạmiin ghan ni oye ạsipioghom dị rạadaraghu rꞌiboom ịikpo, kụ apoph ịdipho ọsaga ạLebanon.

Ạsuor 51:4

Mị maḍighi ịkaraph esi ạna; ạḅile aḍighi ịdi eeph ghisigh ạna. Loor esi ịduon phọ nạ ạmoogh ni elhiom osoph ọoruen ọngo ạmi; nạ ọ́pioman oghel ạmi.

Ạsuor 51:6

Ogeny ologhi rꞌọgba igeny kụ ịdi nạ rạwa; muzeḍiom ologhi phọ ạmi olegheri ịyaar phọ ạna.

Ạsuor 92:7

Ghạlamo ịdipho ịkaraph awe kotue bọ ni opoph ịdipho ọmirimiir, bụphe oḍighi bọ ịkaraph oḍum, kotue ni oogulemi bịdi bịn kꞌagee-pọ,

Asidogh 1:32

Awe dị ariḍien ị́ḅaranu romugh ghan, loor esi dị bịdi okel ologhi. Ighiil awe ropiemian ghan siloor loor esi dị ụ́sighe ịyaar ụ́manami mạar.

Ọtughemia Phọ 8:14

Kụ kị́duon. Mịin ịpe remite bọ sịen aḅirini phọ: eeni amem awe aruukuan kụ rọmoogh ghan ghẹlhe abuḍighinom ịkaraph, kụ ịkaraph awe ọmoogh sụo awe aruukuan. Mị ạḅem mọ oopho ni bịn.

Azaya 41:21

Ọmoogh-we phọ, ọdaam mọ Ịzirel, kụ rạḅem ghan ịduon: “Nyina aruru areelhe phọ, ịgba ḍighiton phọ anyina. Ịgba emitiom ịkar igey ipakian lọ nyina ẹmoogh!

Azaya 48:8

Mị ulegheri ni mọ nyina ị́kpe oseere ologhi, mọ molhegheriom mọ nyina awe ọḅaar ẹmhu. Ịdipho kụ iḍighi kụ ighine bọ inyina ịphen phọ, kụ rꞌeniin ekpo ọnhu reḅeri anyina íḍigh bọ.

Jerimaya 11:20

Kụ mị ạaḅereghi mọ, “Ẹnaan Oomo Ịikpo Ọmoogh-we phọ, nạ oogboom iiḅi ịiruen; nạ rạmiin ghan ni ịitughian awe. Mị mạḅogh ḍighiton phọ ạmi ạlogh rạghaagh ạna; kụ iḍighi kụ mị odi ni ragon ọmiin dị nạ maḅulemian weye phọ ạbuen.”

Jerimaya 12:6

Ghạlamo abumor phọ ạna, bụo asiya phọ ạna, bịn mookeleghi nyịna; bịdi mọghi oḍighan ozuom ạna ẹgham. Káḍuom bịdi ologhi, ghạlamo ịduon bịdi rọkaaph bọ ni ịlo ạrighiri phọ.”

Jerimaya 3:20

Kụ ọlo nạ ạkigh ạnir dị ologhi kótue oḍuom, nạ ọ́ḅogh loor phọ ạna ụngo ịmi. Mị Ọmoogh-we phọ kụ ụḅem.”

Jerimaya 3:7

Mị ugbiom ghan mọ ọdi roḍighi oomo phọ ịphen phọ mọ ọdi kaḅula ni esi ạmi. Kụ ọlo ọdi óḅula, kụ umarani phọ ọdi Juda ọpo ologhi róḍuom ghan bọ ạmiin ni oomo phọ ịdi.

Jerimaya 32:16

Rọḅogh rịnya ibool ade phọ rọngo Baruk kụ mị ạaḅereghi mọ

Jerimaya 5:11

Awe phọ Ịzirel rꞌaJuda mubi ịmi. Mị Ọmoogh-we phọ kụ ụḅem.”

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Ịkunuma 1:18

“Mị mạḅaar ẹmhu esi Ọmoogh-we phọ kụ ọlo Ọmoogh-we phọ ạmoogh egey eḍighinom ịyaar. Iler rụru ẹnaghan, weye ạtorobo ekpisi; ịmiin ịmi rꞌeephina ạmi. Mosiphi ugheel ạnmuny ạmi rꞌạnmanyaan ọḍuanam oseere dọl ikoli.

Izikiel 18:25

“Kụ nyina ẹḅem mọ, ‘Ịpe Ọmoogh-we phọ aḍighi bọ ísel.’ Iler rụru ịngo ịmi, nyina ạbuo Ịzirel. Nyina ẹetughian mọ eḍighinom ịyaar phọ ạmi ísel ḍụghum? Eḍighinom ẹpe anyina ghụn kụ ẹdi ísel.

Dạniel 9:14

Nạ, Ọmoogh-we Ẹnaan phọ ayoor, uukolobian ni ọliom ayoor, kụ nạ aḍighi amitiom, ịdi eḍighi bọ oomo amem nạ raḍighi ghan ịdi ẹnighe, kụ yoor nyịna ụ́naghanan.

Dạniel 9:7

Nạ, Ọmoogh-we, raḍighi ghan ịdi ẹnighe oomo amem, kụ yoor romuton ghan eephoogh siloor ayoor. Ịphen phọ kụ edianaan oomo phọ ayoor ạbuphe odi ghan bọ Juda rꞌẹpe Jeruselem rꞌoomo awe phọ Ịzirel bụphe nạ ạwalalami bọ ạghiom rạmha lọ etuman ḅịle rꞌịlo ẹkelan, loor esi dị bịdi nyịna úmeeraam.

Hosia 6:7

“Kụ bịdi roḍigh eelhe phọ Ạdam, bịn bịdi ọopu ịyo phọ mị rꞌạbidi oghiran bọ.

Hạbakuk 1:4

Ologh phọ adugh kụ ọ́moogh ịyaar oḍighinom, kụ iiḅi ịiruen ílho mun. Ịkaraph awe ọkpiloghom opiemi weye aruukuan, kụ ịduon phọ motukelemi ịiruen.

Zẹfanaya 3:5

Kụ ọlo Ọmoogh-we phọ odi ni sịphe ẹmha phọ; ọdi raḍighi ghan ni ịlo ẹnighe, kị́lo eeph. Tọrobo ạḍiroor ọdi rạ́piom ghan, ọdi rạngo ghan iiḅi ịiruen weye ọdi. Kụ ghạlamo rꞌịduon phọ, awe ạsipioghom lọ odi roḍighi ni ịkaraph phọ kụ umugholoor ósiph.

Malakai 2:17

Mẹpher Ọmoogh-we phọ ọnaghan ọghaaph anyina. Kụ ọlo nyina repuru ghan mọ, “Ika kụ ẹdi ọghaaph ayoor mạpher bọ nyọdi?” Esi ọḅem ghan mọ, “Ọmoogh-we Oomo Ịikpo phọ ragbiom ghan mọ oomo abuḍighinom ịkaraph ọnighe ni; bịdi kụ ọkaraghi ghụn ọḅeeraan nyọdi.” Mụghumo esi opuru ghan mọ, “Ẹnaan phọ ọḅem bọ mọ rasoph ghan iiḅi ịiruen phọ odi ghan ẹghen?”

Malakai 3:15

Sịen yira rọmiin bọ, awe dị ophoophe loor kụ ạbudi ụmoogh ọḅaal ologhi. Ạbukaraph awe roḍum ghan kụ, esi ọḅaram, ọsighe ịkaraph iiḍighi phọ ạbidi rọdeghom ghan ọkparam mọ Ẹnaan bịn kụ ịyaar réḍighi ghan bịdi.’”

Dutoronomi 32:4

“Ọmoogh-we phọ kụ ogbogh ọsuaram anyina; oomo areten phọ ọdi eeleeny ni, Ẹnaan anyina oye rébi ghan, ịkaraph réḍighi ghan, eseleman ni kụ aaleeny.