Jerimaya 11:9 - Ạḍinya Iigbia

⁹ Kụ Ọmoogh-we phọ ụḅeni ịmi mọ, “Awe phọ aJuda rꞌaJeruselem romitenom ẹkaraph ezue ghuḍum ạmi.

Jerimaya 11:9 Iomraidhean Croise

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Jerimaya 6:13

Tọrotoro oye, bugbogh rꞌạbubam, robianan ghan ọmoogh ikpoki ịkaraph areten; ghạlamo ariil Ẹnaan phọ rꞌariil ạrikia phọ bịn roogbegheḍiom ni weye phọ.

Jerimaya 8:10

Kụ iḍighi kụ mị kạsighe iizo phọ ạbidi ạngo bumoom awe, ạḅile ạsighe nmạriir phọ ạbidi ạngo bụnon awe. Tọrotoro oye, mꞌogbogh mꞌọbam, rabianan ghan ọmoogh ikpoki ịkaraph areten. Ghạlamo ariil phọ ḅịle rꞌariil ạrikia phọ kẹn bịn roogbegheḍiom ni weye.

Hosia 6:9

Ariil ạrikia phọ ọkigh ḍita ạruḅa dị ọḅona eten ogon oye. Ghạlamo reten ọghi osi esi iigbia ẹpe Sẹkem bịn bịdi rọze ni weye. Kụ oomo ạsipioghom mọ bịdi olegheri ghan ni kụ roḍighi!

Maika 3:11

Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

Matiu 26:15

kụ apuru bịdi mọ, “Nyina kịngo ịmi eeghe, mị usiph Jịzos ịngo inyina?” Kụ bịdi ạal ịraardi ipoḍi asilva ọngo nyọdi.

Elegh ạJon 11:53

Emiigh kꞌaḍio phọ ạḍiphe phọ, ạbuo ạrumhu phọ ụḅoph ni ọnhu oosophoghian ghan ịlo oghiigh ọdi.