Biblia Todo Logo
Bìoball air-loidhne

- Sanasan -




Jerimaya 11:8 - Ạḍinya Iigbia

8 Kụ ọlo bịdi ụ́naghanan ḅịle ụ́daph. Kpạripe ghụn, tọrotoro oye abeeph ạḅile ạḅaar ẹmhu bịn kụ odimom ghan. Mị mạto ni ạngo bịdi mọ ọmaar ọpham ịyo phọ, kụ ọlo bịdi úmeera. Kụ iḍighi kụ mị ạlhiom bọ bịdi ạdaphan ịdipho ịyo phọ ẹḅem bọ.”

Faic an caibideil Dèan lethbhreac




Jerimaya 11:8
31 Iomraidhean Croise  

“Kụ awe phọ ạna ụḅaar ri ẹmhu kụ ụ́naghanan nyịna; bịdi ụgumom ni ọman Ologh phọ ạna. Bịdi ụze ni riil phọ ọphur ghan bọ bịdi rụru, bụphe ọḅeni ghan bọ bịdi mọ okiton osoman nyịna. Bịdi ụgilaam ni nyịna mem etum mem,


Nạ ụphur ri bịdi rụru mọ ọnaghanan ịtughemi phọ ạna, kụ esi ologhoma igbogh, bịdi ughel li iilogh phọ ạna, ọbo, ooko ghan Ologh phọ ạna kụ eten aghuḍum. Kụ esi ọḅaar ẹmhu rꞌẹ́naghanan, bịdi ughel li ọnaghanan.


Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.


Mem dị ẹteeny mem mọ ạmuphe phọ, kokol Jeruselem mọ ‘Ạgada Ọdaam Ẹmha Ọmoogh-we phọ’, ḅịle kẹn, oomo areelhe phọ kookpomoghan ghan ẹpe phọ kụ ụuḅereghi ịmi. Bịdi kóḍighi ghan mun ịlo ịkaraph iloghi rꞌoḅom ẹmhu phọ ạbidi ạḅeni bịdi.


Kẹ́kigh ịpe mị aghiran bọ rꞌạbugbogh ạburude phọ ạbidi, ḍio phọ mị ạpham bọ bịdi ḍịghaagh phọ ạbidi oḍiemiom ạbidi ọḍua eelhe phọ Ijipt. Ghạlamo ịduon mị aḍighi bọ ịdipho olhom ạbidi, bịdi ụ́daph ịyo phọ.


Kụ mem dị bịdi osi sịen ade phọ ạḍien rọmoogh, bịn bịdi ụ́naghanan mun ịtooghi phọ ạna, ụ́ḅile ụ́daph ịtughemi phọ ạna; bịdi úḍighi rꞌeniin ịyaar lọ nạ ạto ạḅeni bịdi mọ oḍighi. Loor ịduon phọ kụ nạ ạsighe oomo oogulaan phọ ọphon aruomaan bịdi.


tọrobo amem dị ẹman oḍual ạsia bịdi koseere ghan dọl ẹereegh tọrobo ẹbene ọnyo aHibru dị maḍighinaan rꞌạbidi odiiny ạsia, kụ ạburude ạburude anyina úler rụru ụ́naghanan ịmi ḅịle mꞌọnaghan ịlo mị ạḅem.


Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.


Kụ nyịidipho mị Ọmoogh-we Egbogh Ẹnaan phọ Ịzirel kiruomaan inyina awe phọ aJuda rꞌaJeruselem oomo oogulemi phọ mị aguanaan bọ. Mị kaḍighi ni ịphen phọ loor esi dị nyina rẹ́naghanan ghan mem lọ mị ạḅem, kụ ẹḅile rémegheron ghan mem lọ mị ịmagh inyina.”


Mị ạḅem mọ, “Kọ́ḅogh nyịna ọngo bịdi. Mị ạaḅereghi ni nyịna ọnaghanan adom Ọmoogh-we phọ; bịn kẹnighenaan ni nyịna kụ oye kạ́ḅogh ghuḍum ạna.


“Yoor úmeera ụ́naghan ịpe nạ ụḅeni bọ iyoor esi aḍien Ọmoogh-we phọ.


Yoor koḍighi ni tọrobo ịyaar lọ yoor mọḅem mọ yoor koḍighi. Yoor koḍighi rạraar aghuḍum ọngo um-ạke ayoor, Ogbogh Ạnir kꞌẠke, kụ yoor omoor miim ọngo nyọdi, ịdipho yoor rꞌạburude ạburude ayoor, ọolha-ẹmha phọ ayoor rꞌabuḍiemiom mọ ayoor, oḍighi ghan bọ ẹpe rạmha phọ aJuda rꞌaroḅodo aJeruselem. Kụ yoor ọmoogh ghan bọ eboom eḍien olhe, yoor ọmoogh bọ ẹelha ḅịle kẹn yoor ịiḅaghami ụ́moogh ghan.


Kụ ọlo nyina íler rụru ịnaghanan. Nyina ímeera ịbile ẹkaraph eḍighinom ạraraar phọ anyina oḍighi ghan ạrikia ọngo ịkaaghineen ạrumugh.


Nyina meḍighi oomo ịkaraph phọ ịphen, kụ ghạlamo ịduon mị mịḅeni bọ ni inyina ạḅile ạḅeni, nyina ímeera ị́naghanan. Mị ạmagh, nyina ímeera.


Kụ bịdi ụ́naghanan. Kpạripe ghụn bịdi uḍighi ghan tọrotoro ịlo ịkaraph iloghi phọ ạbidi ẹḅeni bịdi oḍighi, ḅịle kẹn bịdi eeph ni ọloghori kpạripe rꞌọnighe.


Kụ ọlo rꞌoniin oye ọ́naghanan. Kpạripe ghụn, nyina ịḅile ghụn bịn kụ ẹḅaar ẹmhu epu bụrude ạburude phọ anyina.


Kụ ọlo bịdi ụupu ịmi kụ oghel olher ạruru. Bịdi útoḅologhi ịkaaghineen ạrumugh isa phọ ạbidi mꞌọwile ạrumugh phọ Ijipt. Mị uukolobian ni ịlo omeera bịdi kologhoma oomo ịikpo ọghagh ologhi phọ ạmi ẹpe ologhi Ijipt.


Kẹ́kigh bụrude ạburude phọ anyina. Mem dị mẹkel iboom, ariil phọ ụngo ghan ni bịdi dom ạmi, ọḅeni ghan bịdi mọ kụ́tolom mun sịdol ịkaraph rꞌạsipioghom. Kụ ọlo bịdi úler rụru, ịmi ụ́naghanan.


“Kụ ọlo awe phọ ạmi ụ́ḅaar ri ẹmhu iboom kụ úmeera ụ́naghanan. Bịdi ụkparami ni iloghi


Lean sinn:

Sanasan


Sanasan