Jerimaya 11:7 - Ạḍinya Iigbia

⁷ Mem mọ mị ạsighe bọ bụrude ạburude phọ ạbidi amitiom ẹpe Ijipt, mị ụphur ri bịdi rụru mọ bịdi ụnaghanan ịmi, kụ mị rạpur ghan ni rụru awe phọ tụtu kꞌarodon.

Jerimaya 11:7 Iomraidhean Croise

2 Ạbudaam 17:13

Ọmoogh-we phọ arom ghan rụukpaany rꞌariil mọ ọḅeni Ịzirel rꞌaJuda mọ, “Ịbile ẹkaraph eḍighinom ạraraar phọ anyina eeko ghan iilogh phọ ạmi rꞌịtooghi phọ ạmi, ẹdaph oomo Ologh phọ ọpo mị ạlogh bọ ạngo bụrude phọ anyina, ịpe mị arom bọ butelhedom mọ ạmi riil phọ mọ oru ịḅeni inyina.”

2 Krọnikuls 36:15

Oomo amem Ọmoogh-we Ẹnaan ạburude ạburude phọ ạbidi arom ghan ni riil ọphur ạruru we phọ ọdi, loor esi dị ọdi ạwa ọphel ạbidi rꞌOtu Ịiḅereghi phọ.

Ẹḍua 15:26

Ọdi ạḅem mọ, “Eḍighi ịyaar lọ nyina kesereghian ni ẹnaghanan ẹḍogh ạmi, kụ eḍighi ghan ịlo ẹnighe, kụ eeko ghan iilogh phọ ạmi rꞌịtooghi phọ ạmi, pọ mị kị́lhiom inyina rꞌeniin ọdo ẹzegh phọ mị ạlhiomom bọ we Ijipt, ịdi eḍighi bọ mị kụ Ọmoogh-we phọ, ọpo raakonom bọ rẹezegh phọ anyina.”

Jerimaya 11:4

Ịphen kụ ịyo phọ mị aghiran bọ rꞌạburude ạburude phọ ạbidi mem mọ mị ạsighe bọ bịdi amitiom ẹpe Ijipt, de phọ ạḍiphe ẹghigh bọ egu ạnian esi ạbidi. Mị ụḅeni bịdi mọ ụnaghanan ịmi ọḅile oḍighi tọrotoro ịyaar lọ mị mạto. Mị ụḅeni ni bịdi mọ eḍighi ịyaar lọ bịdi ọnaghanan, bịdi koḍighi ni weye ạmi ḅịle kẹn mị kaḍighi Ẹnaan ạbidi.

Jerimaya 25:3

“Esi 23 ạsia, emiigh lhạ dị emuneniom ḍioph rꞌịraar dị aJosaya ọony Ạmon mạda bọ Juda kụ ẹteeny rodon, Ọmoogh-we phọ rụḅaanaan ghan ni ịmi kụ mị kọ̋wile ghan ọḅeni anyina ịlo ọdi ạḅem. Kụ ọlo nyina ímeera ị́naghan.

Jerimaya 25:4

Nyina ímeera íler rụru ghạlamo ịduon Ọmoogh-we phọ rạsighe ghan bọ ni karu butelhedom mọ ọdi, riil phọ.

Jerimaya 31:32

Kẹ́kigh ịpe mị aghiran bọ rꞌạbugbogh ạburude phọ ạbidi, ḍio phọ mị ạpham bọ bịdi ḍịghaagh phọ ạbidi oḍiemiom ạbidi ọḍua eelhe phọ Ijipt. Ghạlamo ịduon mị aḍighi bọ ịdipho olhom ạbidi, bịdi ụ́daph ịyo phọ.

Jerimaya 32:23

Kụ mem dị bịdi osi sịen ade phọ ạḍien rọmoogh, bịn bịdi ụ́naghanan mun ịtooghi phọ ạna, ụ́ḅile ụ́daph ịtughemi phọ ạna; bịdi úḍighi rꞌeniin ịyaar lọ nạ ạto ạḅeni bịdi mọ oḍighi. Loor ịduon phọ kụ nạ ạsighe oomo oogulaan phọ ọphon aruomaan bịdi.

Jerimaya 34:14

tọrobo amem dị ẹman oḍual ạsia bịdi koseere ghan dọl ẹereegh tọrobo ẹbene ọnyo aHibru dị maḍighinaan rꞌạbidi odiiny ạsia, kụ ạburude ạburude anyina úler rụru ụ́naghanan ịmi ḅịle mꞌọnaghan ịlo mị ạḅem.

Jerimaya 35:14

Ạnmuny ạnmuny ạJonadab mọdaphan ịto phọ ọdi mọ miim kụ́pughol ghan, kụ kꞌaḍio phọ kꞌarodon rꞌoniin ọnyo ạbidi kạ́pughol miim. Kụ ọlo mị odi ghan ni rịḅeni inyina kụ nyina ịmi kị̋naghanan.

Jerimaya 35:15

Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.

Jerimaya 7:13

Nyina meḍighi oomo ịkaraph phọ ịphen, kụ ghạlamo ịduon mị mịḅeni bọ ni inyina ạḅile ạḅeni, nyina ímeera ị́naghanan. Mị ạmagh, nyina ímeera.

Hosia 4:1

Ọmoogh-we phọ ạmoogh ni ọkpalhagham awe phọ odi bọ sịen ade phọ ạḍien. Iler rụru ịpe ọdi rạkaaph bọ: “Ọmeeraam ḅịle rꞌẹphomoghian ílho sịen ade phọ ạḍien, ḅịle awe phọ ịmi ụ́sighe mọ Ẹnaan.

Hosia 5:1

“Ịnaghan ịphen phọ, nyina ariil ạrikia phọ! Iler rụru, weye Ịzirel! Ịnaghan, nyina ọto kꞌọdaam mọ. Nyina ẹkpe oogbo ghan iiḅi ịiruen — ịduon phọ ịiruen kịteeny aani bọ inyina. Nyina meten ḍiphil ẹpe Mizpa, ọseki dị oler Eegum aTabor,

Zẹkaraya 1:4

Kẹ́kigh bụrude ạburude phọ anyina. Mem dị mẹkel iboom, ariil phọ ụngo ghan ni bịdi dom ạmi, ọḅeni ghan bịdi mọ kụ́tolom mun sịdol ịkaraph rꞌạsipioghom. Kụ ọlo bịdi úler rụru, ịmi ụ́naghanan.

Bụo ạEfesos 4:17

Esi aḍien Ọmoogh-we phọ, mị rạḅem ni kạkpaariom mọ kẹ́tol mun dọl ạbuo aruru phọ ịitughian ụ́moogh bọ,

Dutoronomi 12:32

“Tọrobo ịpe mị ạlogh bọ ologh ịngo inyina, ịpamanam ghan ịpe phọ kụ ẹdaph ghan eḍighinom. Ị́sighe ghan ịnon ẹḅaram, ḅịle kẹn ípiemi ghan.

Dutoronomi 30:20

Ịpomoghian Ọmoogh-we Ẹnaan phọ anyina, ẹnaghanan ghan ẹḍogh phọ ọdi, eḍighom nyọdi, ịdi eḍigh bọ dị kụ aghuḍum mọ anyina rꞌạḍikpo phọ anyina, ọbo erugh sịphe ade phọ ạḍiphe Ọmoogh-we phọ aghunya bọ ạngo bụrude phọ anyina Ebraham, Ạizik rꞌạJekob ọngo ạbidi.”

Dutoronomi 4:6

Iiko ghan ẹdaph ghan eḍighi ịphen phọ. Awe ịnon areelhe phọ kolegheriom olegheri ịyaar rꞌọnaghan ạḍughum mọ anyina; kọnaghan oomo iilogh phọ kụ ọḅem ghan mọ, ‘Phọn eeghe olegheri ịyaar rꞌọnaghan ạḍughum dị eboom eelhe phọ ẹphen ẹmoogh!’

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Dutoronomi 8:6

Kụ iḍighi, kụ iiko ghan iilogh phọ ịpe Ọmoogh-we Ẹnaan phọ anyina, ẹdaph ghan reten phọ ọdi kụ erelhe ghan, ẹnaghanan nyọdi.

2 Bụo ạTesalonika 3:12

Esi aḍien phọ ạJizos Kraist Ọmoogh-we phọ, yoor ọto ni rọpurom rụru, ịdo awe phọ ạbuen mọ bịdi osereghian oḍighi ghan oḍighi, ọbo bịdi ọmoogh ghan ịyaar ole.

1 Sạmuel 8:9

Kụ iḍighi kụ nạghanan bịdi, kụ ọlo pụr bịdi rụru ạḅile ạmaaghi ịpe ạbudaam mọ koḍighi bọ bịdi.”