Jerimaya 11:4 - Ạḍinya Iigbia

⁴ Ịphen kụ ịyo phọ mị aghiran bọ rꞌạburude ạburude phọ ạbidi mem mọ mị ạsighe bọ bịdi amitiom ẹpe Ijipt, de phọ ạḍiphe ẹghigh bọ egu ạnian esi ạbidi. Mị ụḅeni bịdi mọ ụnaghanan ịmi ọḅile oḍighi tọrotoro ịyaar lọ mị mạto. Mị ụḅeni ni bịdi mọ eḍighi ịyaar lọ bịdi ọnaghanan, bịdi koḍighi ni weye ạmi ḅịle kẹn mị kaḍighi Ẹnaan ạbidi.

Jerimaya 11:4 Iomraidhean Croise

Emiighom 17:8

Mị kạngo nyịna rꞌẹemara ẹemara phọ ạna de phọ ạḍien nạ aḍighi bọ ooruen nyịidipho; oomo ade phọ aKenan keḍighi ḍịo ana kꞌagee-pọ kụ mị aḍighi Ẹnaan ạbidi.”

1 Ạbudaam 8:51

loor esi dị bịdi phọ awe phọ ạna rꞌẹmoogh ạna, bụphe nạ ạsighe bọ ẹpe eelhe phọ Ijipt ạḍuanam ogbo ẹghologhol ooni ạnian phọ.

2 Ạbudaam 18:6

Ọdi aḍighom ni Ọmoogh-we phọ. Rꞌamem dị ọdi ạgbatanaan ọdaph Ọmoogh-we phọ ị́tol. Ọdi aako ghan ni iilogh phọ Ọmoogh-we phọ ạlogh bọ ạngo Mozis.

Ẹḍua 20:6

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

Azaya 30:6

Ḍịen kụ adom Ẹnaan ịlo ịnam ade ịisaar ẹpe esoorom mọ: “Abutelhedom mọ urelhe ọḅeeny eelhe aḍuugh-aḍuugh, ekpisi dị ạnam-dịka ediighi, ekpisi dị ilhom ạrakaraph-ạraraar rꞌịpheepheeny asinonom edi ghan. Ịnam adool rꞌạsikamel ạbidi ịsaany ghan ruunmo dị ẹman ikpoki ọghiom eelhe dị kẹ́ngo bịdi rꞌẹnum ọloghonaan ạḍighaagh.

Azaya 48:10

Mị miphoghom ni inyina nịan ịminimiin, ịdipho ọḅile ghan bọ kụ roselemi silva ologhi ạnian. Kụ mị mạmiin mọ nyina ị́moogh ịyaar oḍighinom.

Jerimaya 11:7

Mem mọ mị ạsighe bọ bụrude ạburude phọ ạbidi amitiom ẹpe Ijipt, mị ụphur ri bịdi rụru mọ bịdi ụnaghanan ịmi, kụ mị rạpur ghan ni rụru awe phọ tụtu kꞌarodon.

Jerimaya 24:7

Mị kạngo ni bịdi ḍịḅeeraan olegheriom mọ mị kụ Ọmoogh-we phọ kụ bịdi ogbi oḍighi awe ạmi, kụ mị aḍighi Ẹnaan ạbidi, loor esi dị bịdi kotighelom ni esi ạmi rꞌoomo ologhi phọ ạbidi.

Jerimaya 26:13

Ẹkpianaan dị nyina kenme dọl phọ nyina edi bọ ḅịle rꞌạraraar phọ nyina reḍighi bọ, ẹnaghanan ghụn Ọmoogh-we Ẹnaan phọ anyina. Eḍighi ịyaar lọ nyina ekiton, ọdi kanme ni ologhi phọ ọdi esi ịpe ọdi ạḅem bọ mọ ọno kiigulemi inyina phọ.

Jerimaya 32:28

Mị kạḅogh ni ẹmha phọ ẹphen ạngo Nẹbukadnezar ogbogh ọdaam mọ ạBabilon rꞌawe ẹgham ọdi; bịdi kọsighe ni

Jerimaya 38:20

Mị ạḅem mọ, “Kọ́ḅogh nyịna ọngo bịdi. Mị ạaḅereghi ni nyịna ọnaghanan adom Ọmoogh-we phọ; bịn kẹnighenaan ni nyịna kụ oye kạ́ḅogh ghuḍum ạna.

Izikiel 11:20

Pọ kụ amem dị bịdi kooko iilogh phọ ạmi, ọḅile ọnaghanan oomo ịtooghi phọ ạmi rꞌoomo iloghi ạbidi. Bịdi koḍighi we ạmi, kụ mị aḍighi Ẹnaan ạbidi.

Izikiel 14:11

Mị kaḍighi ịphen phọ okikimaam awe Ịzirel esi ọwile ạmi, rꞌọḅile ọsighiogh asiloor ạbidi esi ịkaraph phọ ạbidi. Bịdi koḍighi we ạmi, kụ mị kaḍighi Ẹnaan ạbidi.” Ọmoogh-we dị ạmoogh oomo ịikpo kụ mạḅem.

Izikiel 36:28

Kụ nyina ẹtol de phọ mị ạngo bọ bụrude ạburude phọ anyina. Nyina keḍighi weye ạmi, kụ mị aḍighi Ẹnaan anyina.

Izikiel 37:23

Bịdi kọ́puenaan mun siloor ạbidi rꞌịḅoria ịkaaghineen ạrumugh, kọ́sighe ịkaraph ọpuenaan siloor ạbidi. Mị kaḍighi ịdi bịdi kokpetenaan oomo areten ạsipioghom mọ bịdi ruaal ghan bọ ịmi. Mị kaselemi bịdi; bịdi koḍighi weye ạmi kụ mị aḍighi Ẹnaan ạbidi.

Izikiel 37:27

Mị kạtol sịphe rꞌạbidi; mị kaḍighi Ẹnaan ạbidi kụ bịdi oḍighi weye ạmi.

Dạniel 3:26

Esi ịduon phọ kụ ẹdi ạNebukadnezar ạghi esi dị etuman ọnhu-aḍibuo ooni ạnian phọ reemor bọ kụ ạmagh mọ, “Sạdrak! Mẹsak! Abed Nego! Butelhedom Ọkaraghi Egbogh Ẹnaan phọ, ipunughu!” Kụ bịdi ophunughu egina amem.

Lịvitikos 26:12

Kụ mị atelhe yogh ghan sịphe ogbo phọ anyina, kụ mị aḍighi Ẹnaan anyina, kụ nyina eḍighi we ạmi.

Lịvitikos 26:3

“Eru mạar dị nyina ẹphamanam ni ịtooghi phọ ạmi rꞌịiruen phọ ạmi kụ ẹdaph eḍighinom,

Zẹkaraya 13:9

Ḅịle kẹn, mị kạdegh ni apogh bin phọ ạmuphe asugha bọ kụ mị aselemi bịdi ịdipho rọsighe ghan bọ nịan koselemiom silva. Mị kạkar ri apogh bịdi ịdipho ropogh ghan bọ gol. Kụ bịdi ogbi ọoḅereghi ghan ọngo ạmi, kụ mị kạpagharanaan ghan ni bịdi. Mị kạḅeni ni bịdi mọ bịdi awe ạmi ni, ḅịle kẹn bịdi kọkaaph ghan ni omitiom mọ mị kụ Ẹnaan phọ ạbidi.”

Zẹkaraya 6:15

Awe dị orugh rikpisi dị ẹkel kotu ni kụ ọloghonaan ḍịghaagh ọḅile ọlogh Otu Ịiḅereghi Ọmoogh-we phọ. Kụ mem dị mọlhogh ọmadan, nyina kelegheri ni mọ Ọmoogh-we Oomo Ịikpo kụ urom ịmi oru ọteeny anyina. Oomo phọ ịphen phọ kemite ni eḍighi ịyaar lọ nyina ẹkaraghi ẹnaghanan ịtooghi Ọmoogh-we Ẹnaan phọ anyina.

Zẹkaraya 8:8

kụ mị ạsighe bịdi ẹpe erumuḍio phọ remite ghan bọ rꞌẹpe erumuḍio phọ remeel ghan bọ kụ mị aḅulemi mọ orugh sịen Jeruselem. Bịdi koḍighi weye ạmi, kụ mị aḍighi Ẹnaan ạbidi dị kạda bịdi asophonaan ghan iiḅi ịiruen.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

2 Bụo ạKorint 6:16

Otu ịiḅereghi phọ Ẹnaan rꞌạnmuny aghuḍuul ạbuo aruru phọ kọpomoghian bọ ika? Yira phọ kụ otu ịiḅereghi Ẹnaan phọ edi ghan bọ ni. Ịdipho Ẹnaan rꞌaloor ọdi kụ ẹḅem bọ mọ, “Mị kaḍighi bịdi marugh phọ ạmi, ạḅile atugh sịphe ogbo phọ ạbidi. Mị kaḍighi Ẹnaan ạbidi, bịdi oḍighi weye ạmi.”

Dutoronomi 11:27

ḍịseph, eru mạar dị nyina ẹnaghanan iilogh Ọmoogh-we phọ Ẹnaan phọ anyina ịpe mị ạlogh bọ rịngo inyina rodon;

Dutoronomi 4:20

kụ nyina awe dị Ọmoogh-we phọ ạtagharan ẹpe Ijipt sịphe aḍiboom ạnian phọ reemor bọ. Ọdi imitiom inyina dị nyina eḍighi we ọdi, ịduon nyina edi bọ rodon.

Dutoronomi 5:6

‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

Bụo aHibru 5:9

Ọdi rọkar bọ roseleman bịn aḍighi zin ạpeleeny kꞌagee-pọ phọ oomo ạbulo ọnaghanan nyọdi kọmoogh bọ.

1 Sạmuel 15:22

Kụ ạSamuel apuru Sọl mọ, “Eeghe kụ ịḅeeraan Ọmoogh-we phọ epu: ọnaghanan ọdi ḍụghum kụ ọphinyon ạrikia? Ọnaghanan ọdi kụ ạnighe apu ọsighe ogbogh odughuna ọphighiron ẹkia ọngo ọdi.