Jerimaya 11:10 - Ạḍinya Iigbia

¹⁰ Bịdi moḅula ọḅile roḍighi yogh ịkaraph ạburude ạburude phọ ạbidi, bụphe úmeera bọ úḍighi ịpe mị ạḅem bọ; bịdi mọoḅereghi ịnon ạrumugh. Ịzirel rꞌaJuda mọka ịyo phọ mị aghiran bọ rꞌạburude ạburude phọ ạbidi.

Jerimaya 11:10 Iomraidhean Croise

Ạsuor 78:57

kụ ụḅaar ghan ẹmhu ọḅile ọrol ẹnaghanan ịdipho ạburude phọ ạbidi, úḍuom ologhi mụdi ẹkpina dị eḍogha.

Azaya 24:5

Awe phọ mọopu de phọ loor ọkaaghi iilogh phọ Ẹnaan, mꞌoghonyonaan ịyo phọ ọdi aghiran bọ mọ ẹrol kꞌagee-pọ phọ.

Jerimaya 13:10

Ạbukaraph awe phọ ạbuen phọ úmeera ụ́naghanan ịmi. Bịdi odimom ni ọḅaar ẹmhu phọ ạbidi ḅịle kẹn rọoḅereghi, ọḅile okumu ịnon ạrumugh. Kụ iḍighi kụ bịdi kọtol ịduon asinika phọ ịphen phọ ị́moogh mun bọ ịyaar oḍighinom mọ.

Jerimaya 17:23

Ạburude ạburude phọ ạbidi ịmi ụ́naghanan. Kpạripe ghụn bịdi ụḅaar ẹmhu; bịdi ịmi ụ́naghanan mụghumo ọtuugha esi ạmi.

Jerimaya 22:9

Kụ bịdi ogbi ọphagharanaan mọ ụtuan dị nyina mẹḅitonaan ịyo phọ nyina eghiran bọ rꞌạmi Ẹnaan phọ anyina bịn ẹḅile rẹeḅereghi ghan kẹḅile ekumu ịnon ạrumugh.”

Jerimaya 31:32

Kẹ́kigh ịpe mị aghiran bọ rꞌạbugbogh ạburude phọ ạbidi, ḍio phọ mị ạpham bọ bịdi ḍịghaagh phọ ạbidi oḍiemiom ạbidi ọḍua eelhe phọ Ijipt. Ghạlamo ịduon mị aḍighi bọ ịdipho olhom ạbidi, bịdi ụ́daph ịyo phọ.

Jerimaya 44:16

“Yoor úmeera ụ́naghan ịpe nạ ụḅeni bọ iyoor esi aḍien Ọmoogh-we phọ.

Jerimaya 44:5

Kụ ọlo nyina íler rụru ịnaghanan. Nyina ímeera ịbile ẹkaraph eḍighinom ạraraar phọ anyina oḍighi ghan ạrikia ọngo ịkaaghineen ạrumugh.

Jerimaya 7:28

Nạ kạḅeni ni bịdi mọ eelhe phọ ạbidi ụ́naghanan ịmi Ẹnaan phọ ạbidi Ọmoogh-we phọ ḅịle kẹn bịdi úpogh ịpe ọliom bọ bịdi ọsighe olegheriom. Omeeraam mamugh. Oye rạ́kaaph ghan mun kaghol.

Izikiel 16:59

Ọmoogh-we dị ạmoogh oomo ịikpo ạḅem mọ, “Mị kaḍighi nyịna ịpe nạ ạkpianaan bọ, ịdi eḍighi bọ nạ mạgunom ruguanaan ạna ạḅile ạka ịyo phọ.

Izikiel 44:7

Bịdi mọopu Otu Ịiḅereghi phọ ạmi ịdipho bịdi ọngo bọ ọgel kụ aruuruen dị úḍuna, awe dị ịmi ụ́naghanan, kụ oḍigh Otu Ịiḅereghi phọ mem mọ ọphinyon ghan bọ ẹnuum rꞌịḅaal ạrikia mọ rụngo ịmi. Ịduon phọ pọ awe phọ ạmi mogbonyon ịyo phọ ạmi esi oomo ạraraar isa phọ bịdi moḍighi yogh ghan bọ.

Izikiel 5:6

Kụ ọlo aJeruselem ạḅaar ẹmhu esi ịtooghi phọ ạmi kụ aḍeenaan mọ ọno kụ eeph apu ịpheri phọ areelhe phọ, ạḅile aḍighi ẹ́naghanan apu reelhe phọ ekoom bọ nyịno. AJeruselem aghel ịtooghi ạmi kụ ómeera ooko iilogh phọ ạmi.

Hosia 6:4

Kụ ọlo, Ọmoogh-we phọ ạḅem mọ, “Weye Ịzirel rꞌaJuda, mị kiḍighinom bọ inyina eeghe? Ẹphomoghian phọ anyina esi ạmi ọnyam-ọḅatan bịn ụ́miin mun ịdipho ọotu ạḍiroor; rábia ghan mụdi ooto eḅon ạḍiroor.

Hosia 6:7

“Kụ bịdi roḍigh eelhe phọ Ạdam, bịn bịdi ọopu ịyo phọ mị rꞌạbidi oghiran bọ.

Hosia 7:16

Bịdi rọḍua ghan loor ạmi kọghi ooseeny ẹmugh dị ịikpo ị́moogh. Bịdi awe dị ologhi kőḍuom ịdipho ạkumugh dị akula. Loor esi dị abuḍiemiom ạbidi rọkaaph ghan rꞌophoophe aloor, bịdi komugh ḍuugh ekperenom, kụ awe phọ Ijipt ọmilogh.”

Lịvitikos 26:15

eru mạar dị nyina ẹḅitonaan ịtooghi phọ ạmi, kụ uwaloor anyina aphogh ịiruen phọ ạmi ạḅitonaan, kụ nyina íiko oomo phọ iilogh phọ ạmi, pọ nyina mẹka ịyo phọ mị maghiran bọ rꞌanyina.

Zẹfanaya 1:6

Mị kapiemi bụphe mọgum bọ ọman kụ ịmi ụ́daph mun bọ, bụphe útu mun bọ esi ạmi ḅịle ịmi ụ́ḅeni mun bọ mọ ọmaar ooko bịdi.”

Zẹkaraya 1:4

Kẹ́kigh bụrude ạburude phọ anyina. Mem dị mẹkel iboom, ariil phọ ụngo ghan ni bịdi dom ạmi, ọḅeni ghan bịdi mọ kụ́tolom mun sịdol ịkaraph rꞌạsipioghom. Kụ ọlo bịdi úler rụru, ịmi ụ́naghanan.

Zẹkaraya 7:11

“Kụ ọlo awe phọ ạmi ụ́ḅaar ri ẹmhu iboom kụ úmeera ụ́naghanan. Bịdi ụkparami ni iloghi

Zẹkaraya 7:13

Loor esi dị bịdi úmeera bọ úler rụru mem mọ mị ạghaaph bọ, mị ụ́pagharanaan mun mem mọ bịdi ọoḅereghi bọ.

Dutoronomi 31:16

Kụ Ọmoogh-we phọ ạḅeni Mozis mọ, “Rẹteeny dị nạ kạnaani rꞌạburude phọ ạna, kụ awe phọ ạbuen kụwile ịmi oyeela ọdaph rụmugh aruuruen ade phọ ạḍiphe bịdi rọki bọ ọḅophoghan phọ, kụ ughel ịmi kụ ọphue ịyo phọ ạmi ịpe mị rꞌạbidi oghiran bọ,

Dutoronomi 9:7

“Ịitughian ghan ịpe nyina eḍighi bọ kụ ẹtu bọ ẹghagh ologhi Ọmoogh-we Ẹnaan phọ anyina ẹpe ẹdala phọ. Emiigh kꞌaḍio phọ ạḍiphe nyina ẹḍua bọ ẹpe ade phọ Ijipt eru esi sịen, nyina ẹmoogh oḅom ẹmhu esi Ọmoogh-we phọ.

Bụo aHibru 8:9

Kẹ́kigh ịpe mị aghiran bọ rꞌabugbogh ạburude phọ ạbidi, ḍio phọ mị ạpham bọ ḍịghaagh phọ ạbidi oḍiemiom ạbidi ọḍua eelhe phọ Ijipt. Bịdi ụ́tolom ọnhu ịyo phọ mị aghiran bọ rꞌạbidi, kụ mị ạḅitonaan bọ bịdi.

Bụo Ịiruen 2:11

Kụ awe phọ Ịzirel oḍighi yogh ịdi ị́nighe risigh Ọmoogh-we phọ ooseeny ghan rụmugh aBaal.

Bụo Ịiruen 2:17

Kụ bịdi ụ́naghanan kẹn ni bụo ịiruen phọ ạbidi. Kụ bịdi oyeela yogh rọdaph ghan ịnon ạrumugh, okpuḍian rọoḅereghi. Bịdi ọwile ọdaph areten phọ ịpe ạburude phọ ạbidi orelhe bọ, bụphe ọnaghanam bọ iilogh Ọmoogh-we phọ. Bịdi ụ́daph ịpe phọ kụ roḍighi.

Bụo Ịiruen 2:19

Kụ tọrobo amem lọ oye ịiruen phọ amugh bịn bịdi mokiton roḍighi yogh ọdorodo dị epu ịpe ạburude phọ ạbidi. Bịdi ụ́bile ẹkaraph eḍighinom mọ ạbidi rꞌoḅom ẹmhu phọ ạbidi.

1 Sạmuel 15:11

“Ologhi ạmi ọ́ḅaal mun ịduon mị ạsighe bọ Sọl aḍighi ọdaam ẹmha phọ; ọdi mụḅitonaan ịmi, ḅịle kẹn ọ́naghanan mun ịlo mị ạto.” Iphin ni ologhi ạSamuel iboom kụ ọdi ạaḅereghian ghan Ọmoogh-we phọ oomo aḍughul phọ.