Jerimaya 10:9 - Ạḍinya Iigbia

⁹ Ịkaaghineen aruru phọ ạbidi ọsighe silva dị ọsighe ẹpe Spen ḅịle kẹn rꞌagol dị ọsighe ẹpe Ufaz kụ ọdamaghiom, oomo phọ ịdi awe dị ọmaar mạka kụ ụkaaghi; Ọsighe rukpe oodor rꞌenu dị olo kụ ọmaar oonmenemi.

Jerimaya 10:9 Iomraidhean Croise

1 Ạbudaam 10:22

Ọdaam mọ ạmoogh rụnwunyaru ẹpe aTasis dị ọḅaram ịpe aHiram; ịraar ạsia mem, ạrunwunyaru phọ ịphen aTasis ịsighe ghan agol rꞌasilva rꞌạraphaal ọoma rꞌạrepeleeny rꞌọkolobu keruom ọdaam mọ.

2 Krọnikuls 9:21

Ọdi ạmoogh ni ḍita arughuugh dị ẹḅaram ịpe aHiram ọdaam mọ ẹzoghi ghan ẹpe Tasis kụ erigheleghu. Tọrobo ịraar ạsia arughuugh phọ ịphen rẹsighe ghan ni gol, silva, rạphaal ọoma, rꞌạrepeleeny keruom ọdaam mọ.

Ạsuor 115:4

Ạranaan ạbidi oḍighinom silva rꞌagol, ạraghaagh oye kụ ịka.

Ạsuor 72:10

Ạbudaam mọ aSpen rꞌạbuphe odi bọ iigbom ạriphiiny phọ kọngo nyọdi ruunmo; ạbudaam mọ Arebia rꞌaSeba kọsighe rạraar otuomaan nyọdi.

Azaya 23:6

Imoghi ẹkananaam, nyina awe phọ aFinisia. Ịkpar osuma ogheel aSpen.

Azaya 40:19

Ọdi ọ́ghigh ẹmugh dị oye kụ ạka, kụ awe ọlhem okpoghom gol kụ eeḍian ẹtolom mọ asilva.

Izikiel 27:12

“Nạ umuul ghan ḍighi ẹpe Spen kụ ạsighe silva, okuron, ạmama, rꞌạleezu kụ ạkpiom ịbalabala aruphua.

Izikiel 27:7

Rukpe arughuugh ịzoghi phọ uḍighinom ọnemeneme ukpe, ịnemeneme arukpe dị olho dị ọsighe ẹpe Ijipt, dị kꞌẹekela bịn kọlogh ni elegh. Rukpe ookpereghiom ạraraar uḍighinom ọkar ịma ukpe ozu oghozo dị ạḍua ekpu-ogbo phọ ạSaipros.

Dạniel 10:5

Mị uphogh ni ạnyu kụ ạmiin oye dị ạkpologhian ịyegheyeghe arukpe rꞌokuughaam ogey agol.

Hosia 8:6

Oye ẹmaar ọnyo Ịzirel kụ ạlhem bọ mọony aghuḍuul phọ, kụ kẹ́naan rꞌẹnum. Aḍilephiri ạnam agol phọ rooseeny ghan bọ ẹpe Sameria kootughuḍi ni eten ịpherepe!

Jona 1:3

Kpạripe rọghi, aJona ạḅile anyeene ni ẹnon ạga, ọbo ọdi akpetenaan ipẹ Ọmoogh-we phọ arom bọ nyọdi. Ọdi ạghi asi Jọpa, kụ ẹpe phọ ọdi ạmiin ụnwunyaru dị rạki Spen. Ọdi ạkpe ikpoki bịn aḍighan bịdi ọghi aani aSpen, ekpisi ọḍua aghisigh Ọmoogh-we phọ.

Hạbakuk 2:19

Nyina mephe! Nyina ẹḅeni ekulha oreeny mọ, “Ḅetenu!” ḅịle mꞌekulha aḍighiigh mọ, “Mẹera!” Ẹkaaneen ịyaar ketue ni ẹkaaph ịyaar dị ẹeghian ịḅeni inyina ḍụghum? Iini okpoghom silva rꞌagol, kụ aghuḍum ólho loor.