Jerimaya 10:8 - Ạḍinya Iigbia

⁸ Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 10:8 Iomraidhean Croise

Ạsuor 115:8

Oomo ạbuphe ọkaaghi bọ ọḅile rooseeny ghan rạraar phọ ịphen kọkighogh ni rạraar phọ bịdi ọka bọ!

Ạsuor 135:18

Eḍighi ịdi oomo ạbuphe ọkaaghi bọ bịdi kụ ọkpasaghi emooph esi ạbidi kọkigh ịkaaghineen ạraraar phọ bịdi ọkaaghi bọ!

Azaya 41:29

Oomo ạrumugh phọ ịphen oopho ni bịn; bịdi kótue oḍighi ịyaar rꞌẹnum, ịkaaghineen ạrumugh phọ ịphen edugh kụ ịikpo ị́moogh.”

Azaya 44:18

Ọdo awe phọ ạbuphe ọmoogh elologhi dị úlegheri ịpe bịdi roḍighi bọ. Bịdi opua riḍien ọsighe iloghi ạbidi esi igey phọ.

Azaya 44:19

Ọpo rạka ghan bọ ẹmugh phọ ọ́moogh epul rꞌọony ologhi ọḅem mọ, “Iniin ikulha ireeny phọ mị uguom nịan aḍighinom ạbred iiḅu ạnian kụ mị ạphophoghiom ritigh ẹnam kụ ạa. Kụ ịpheri arukulha phọ mị ạkaam ẹmugh ooseeny. Sịen phọ mị azumeri ẹmhu rạngo ẹbogolo ekulha oreeny!”

Jerimaya 10:14

Awe phọ rọmiin ịphen phọ bịn moḍighi bụo arolologhi; bụphe rọka ghan bọ rạraar kọoḅereghi moyegele, loor esi dị ạrumugh phọ bịdi ọka bọ kígey ḅịle kẹn ị́moogh ghuḍum.

Jerimaya 2:27

Koofolomi ni oomo anyina — nyina phọ ẹḅem bọ mọ oreeny kụ ọde anyina ḅịle mọ aḍighiigh kụ onhiin anyina. Ịphen phọ kemite loor esi dị nyina mẹḍua esi ạmi kpạripe rꞌoru esi ạmi. Kụ ạri mem lọ nyina edi esi ịiḅaghami, nyina rịmagh ghan ịmi oru ọphel anyina.

Jerimaya 3:9

kụ umugholoor nyọdi rásiph ghan. Ọdi mạapu de phọ, ḅịle ọdi malhe ẹmha esi ọoḅereghi ireeny rꞌasighiigh.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:4

Kụ mị ạatughian mọ, “Bụen phọ arukulom mọ ḅịle rꞌạbuphe ịyaar úlegheri bọ. Bịdi roḅo ghan ịlo arolologhi; bịdi úlegheri ịpe Ẹnaan phọ ạbidi rạwa bọ, ịpe Ọmoogh-we phọ rạwa bọ mọ bịdi oḍighi ghan phọ.

Hosia 4:12

Bịdi rọlom ghan olegheri ịlo ạaghian loor ekulha ạḍipe! Oreeny kụ rạḅeni bịdi ịlo bịdi ọwa olegheri. Bịdi mụwile ịmi. Mụdi ạnir dị maḍighi ọlo erelhe, bịdi mọḅogh siloor ạbidi ọngo ịnon ạrumugh.

Jona 2:8

Bụphe rọoḅereghi ghan bọ ịkaaghineen ạrumugh phọ ị́moogh bọ mạar oḍighinom mọ moghel ọḅogh aloor ạbidi ọngo ạna.

Hạbakuk 2:18

Ẹkaaneen ẹmugh koḍighinom eeghe? Eḍighi ịyaar dị oye kụ aḍighi, kụ inyina egey ịyaar kị́ḅeni emuton ọkpe. Eeghe ạsuo kụ ẹdi keḍighinaan nyọpo aḍighi bọ kụ ẹkpe bọ omeeraam mọ — ẹnaan dị kétue kẹn ẹḅa!

Zẹkaraya 10:2

Awe rọki ghan idike esi ịkaaghineen ạraraar ḅịle rꞌesi ạpiiph-pịiph, kụ ọlo ọphagharanaan dị bịdi rọmoogh ghan eḍighi ọkpe dị ụ́moogh ịyaar oḍighinom. Buniin rọgba ghan mạlha lọ oye ạmalha, kụ ọlo riikeleghi ghan ni inyina bịn; ịidereghi phọ bịdi rọngo ghan bọ ị́moogh ịyaar oḍighinom. Kụ iḍighi kụ awe phọ royeela ghan bọ mụdi iyool-ịga dị mephe. Bịdi odi esi ịiḅaghami ịdi eḍighi bọ bịdi ụ́moogh oḍiemiom.