Jerimaya 10:7 - Ạḍinya Iigbia

⁷ Ạnhian kụ ẹdi nyịna kákueni bọ, ọdaam oomo areelhe phọ? Nạ ạkpe ni oghueni. Oye dị kọtomaam nyịna ólho esi oomo awe olegheri-ịyaar areelhe phọ mụghumo ạbudaam mọ ạbidi.

Jerimaya 10:7 Iomraidhean Croise

2 Ạbudaam 17:39

Ikiilaan Ọmoogh-we Ẹnaan phọ anyina, kụ mị kịtagharan ni inyina ạsighe ḍịghaagh ạbumulogh-ḍien phọ anyina.”

1 Krọnikuls 16:25

Ọmoogh-we phọ ạbugh ni iboom kụ ạkpe ni ooseeny iboom; ọdi ạkpe oghueni opuemi oomo ạrumugh.

Esta 1:13

Ọdaam mọ rapuru ghan ni ịlo ẹkaraghi eeleeny esi asipuru ịlo ịtooghi rꞌiilogh. Esi ịduon phọ ọdi ạmagh bụo oroma ọdi, bụdi kolegheri ịlo koḍighi.

Ạsuor 147:5

Ogbogh dị ạmanam kụ Ọmoogh-we phọ ayira. Ologhi ọdi kótue ọtooghi.

Ạsuor 22:28

Ọmoogh-we phọ ọdaam ḅịle ọdi kụ ạda reelhe phọ.

Ạsuor 47:3

Ọdi maḍighi ịdi yira mọkpar opu oomo awe. Ọdi maḍighi ịdi yira kụ kọtooghi ghan ịtooghi ọngo oomo areelhe phọ.

Ạsuor 72:11

Oomo ạbudaam mọ kokpuḍughian risigh ọdi; kụ bụo oomo areelhe phọ okumu ghan nyọdi.

Ạsuor 76:7

Kụ ọlo nạ, Ọmoogh-we, oomo awe roghiilaan ghan ni nyịna. Ạnhian kụ kạmeera bọ egbodo ạna mem dị ịyaar repin ologhi ạna.

Ạsuor 86:8

Ẹnaan lọ ẹrol ịdipho ạna ílho, Ọmoogh-we; rꞌoniin kőḍighi ghan ịpe nạ maḍighi bọ.

Ạsuor 86:9

Oomo areelhe phọ ịpe nạ mạlhem bọ kotu okpuḍughian risigh ạna; bịdi koboom igbogh phọ ạna.

Ạsuor 89:6

Rꞌoniin ólho kꞌạke dị ạghigh nyịna, Ọmoogh-we; rꞌoniin sịphe ạruukpaany phọ odi bọ kꞌạke óoleeny nyịna.

Ẹḍua 8:10

Kụ ọdi ạḅem mọ, “Iḍue.” AMozis ameera mọ, “Ẹrol li ịdipho nạ ạḅem bọ, ọbo nạ alegheri mọ ẹnon ẹnaan dị epu Ọmoogh-we phọ Ẹnaan phọ ayoor ílho.

Ẹḍua 9:14

Egi phọ ẹphen mị kạ́liom we iiḍighi phọ ạna rꞌawe eelhe phọ ạna bịn, mị kạḅaram ni nyịna ọbo nạ alegheri mọ ọnon ọlo uuleeny ịmi sịen aḅirini phọ ólho.

Azaya 2:4

Ọdi kakunughi ịgbaragbara igbo igbogh areelhe. Bịdi kọgurogh rolhool ẹgham ạbidi otene rụsua, rọosoph ạbidi otene rolhool ọsam. Areelhe rꞌamem kóbe mun ẹgham, kóokolobian mun eeghi ẹgham.

Jerimaya 10:6

Ọmoogh-we, oye dị ạghigh nyịna ólho; nạ kụ ogbogh, ḅịle kẹn aḍien phọ ạna ẹbugh ẹḅile ẹmoogh ịikpo.

Jerimaya 5:22

Mị kụ Ọmoogh-we phọ; eeghe kụ iḍighi kụ nyina ịmi íghiilaan bọ? Eeghe kụ nyina íkpereghaan bọ risigh ạmi? Mị ạsighe ịisaar kụ ạloghom ọku ạngo otu-ḅualhe phọ, ọku dị odi ghan bịn dị ọdi kátue ạḅeeny. Ọphiiny ạbazi phọ katue ni apiigha, kụ ọlo kátue ạḅeeny sịphe ọku phọ; oologh phọ katue ni amite, kụ ọlo kátue ạ́ḅeeny.

Dạniel 2:27

ẠDaniel ạphagharanaan mọ, “Nạ ọdaam mọ. Ọḅaghama ólho, oye ịiḍaany ólho, oyil ịmiin ólho, ḅịle oye dị ạal ghan ạraanaan ólho dị katue ạḅeni nyịna ịphen phọ.

Dạniel 2:28

Kụ ọlo eniin Ẹnaan edi ni kꞌạke dị regananami ghan rạraar ịbooghian. Ọdi mạḅeni ọdaam mọ rạraar dị kemite risigh. Nyịidipho mị kạḅeni nyịna mạlha phọ nạ ạmalha bọ mem mọ nạ ạnaani bọ.

Hạbakuk 3:2

Ọmoogh-we, mị mạnaghan ni ịpe nạ maḍighi bọ, kụ eḍigh ḍiigu esi ạmi. Nyịidipho ḅịle aḍighi sịen amem mọ ayoor iboom ạraraar phọ nạ aḍighi ghan bọ. Mọogh ọnma ighirigiir ghạlamo ịyaar repin ologhi ạna.

Zẹkaraya 2:11

Mem mọ ạmuphe phọ awe ịbadi areelhe kotu ni esi Ọmoogh-we phọ kụ oḍighi weye ọdi. Ọdi katugh ni sịphe igbo phọ anyina, ḅịle kẹn nyina kelegheri ni mọ ọdi kụ urom ni ịmi oru ọteeny anyina.

Malakai 1:11

Awe aḅirini phọ emiigh eniin eekuna ẹghi esi ẹpheri phọ rụngo ghan ni ịmi rughuenian. Tọrotoro ekpisi bịdi rọsu ghan ni ịmuwa kụngo ịmi kọḅile ọphinyon igey ạrikia kụ ụngo ịmi. Oomo phọ ạbidi rụngo ghan ni ịmi rughuenian!

Elegh aLuk 12:5

Mị kiḍeenaan ni inyina nyọpo ạkpe bọ oghiilaan phọ. Ikiilaan ghan ghụn ni nyọpo ạmoogh bọ ịikpo osumeeny ạbidi ooni ạnian phọ. Mị rịḅeni ni inyina, ọdi ạkpe ni oghiilaan ghan.

1 Bụo ạKorint 8:6

yira ọmoogh bọ eniin Ẹnaan bịn, Ọde phọ ạlhemogh bọ oomo ạraraar phọ, ọpo roḍighi bọ oḍighi phọ kọngo; ḅịle kẹn yira ọmoogh bọ oniin Ọmoogh-we ạJizos Kraist, ọpo ọtuan bọ kụ ọlem oomo ạraraar phọ, ọpo aḍighi bọ ịyaar phọ yira odi bọ.

Josua 4:24

Loor ịphen phọ oomo awe ịsien aḅirini phọ kolegheri ḍịghaagh phọ Ọmoogh-we phọ mọ ọdi ạbugh ni; ọbo nyina eghiilaan ghan Ọmoogh-we Ẹnaan phọ anyina kꞌagee-pọ.”

Ogonanami Phọ 11:15

Ọokpaany phọ Ẹnaan amuneniom bọ oḍual phọ aphula ọkuodu phọ ọdi, kụ otebe ịlooghi ameel kꞌạke mọ, “Ịikpo ọdaam aḅirini phọ nyịidipho meḍigh ḍịghaagh Ọmoogh-we phọ ayira rꞌaKraist phọ ọdi, kụ ọdi kạda ni kꞌagee-pọ kꞌagee-pọ.”

Ogonanami Phọ 15:4

Ọmoogh-we, ạnhian kụ ọdi nyịna kághiilaan bọ? Ạnhian kụ kakel bọ ọghaaph ịlo igbogh phọ ạna omitiom, ịdipho nạ bịn kụ aḍighi bọ oye aruukuan phọ? Oomo phọ areelhe phọ kotu ni okpuḍian ooseeny nyịna, ịdi eḍighi bọ aḍita phọ kụ rọmiin ni iiḍighi aruukuan phọ ạna.”