Jerimaya 10:5 - Ạḍinya Iigbia

⁵ Ọdo ịkaaghineen ạraraar phọ ịphen phọ ẹkigh ịyaar dị ophune esi ozo egusi ophoroghom ịnun; bịdi kétue ẹḅa, bịdi kétue etelhe emuton lọ oye aphophe. Kékiilaan ghan bịdi; bịdi inyina ịyaar kétue eḍighi, ḅịle kẹn bịdi igey inyina kétue eḍighi.”

Jerimaya 10:5 Iomraidhean Croise

1 Ạbudaam 18:26

Kụ bịdi ọsighe ḍịo ạbidi ọkanyan oselemi ọḅam ạnyu ịpe phọ. Kụ bịdi omiigh kꞌạḍiroor ẹteeny kꞌootaany ọmagh ghan ḍien phọ aBaal, kụ ọḅem ghan mọ, “Baal, ụphagharanaan iyoor.” Ẹḍogh ụ́naghan ọ́phagharanaan bịdi, kụ bịdi opeleghu ọsiiny ạnyu enmeny ạrikia phọ bịdi ọkan bọ.

2 Krọnikuls 25:15

Ịphen phọ iphin ologhi Ọmoogh-we phọ, kụ ọdi arom oyil ạghiomaan Amazaya. Oyil phọ apuru mọ, “Eeghe kụ iḍighi kụ nạ maaseeny bọ iiruen ạrumugh dị ítue ị́pel we ạbidi bịn ẹsighe esi ịikpo ạna?”

Azaya 16:12

Awe phọ ạMoab roḍulha siloor ọghi ghan ịiḅereghi ẹpe ạraphan ẹeḅaraph phọ ạbidi rꞌẹpe arubughotu aruru phọ ạbidi, kụ ḍịghaagh kẹ́logh.

Azaya 45:20

Ọmoogh-we phọ rạḅem ghan mọ, “Iikpomoghan, weye areelhe phọ, oomo ạbuphe okpetenaan bọ mem mọ emeel ọmar phọ, emiteghom siloor anyina esoor erugh ịiruen! Bụphe rọsaram bọ ịkaaghineen ạrumugh phọ ạbidi kụ rọoḅereghi ghan rụmugh dị kétue ẹpel bịdi — awe phọ ạbuphe ịyaar úlegheri rꞌẹnum!

Azaya 46:1

“Ịsien kụ ekureriom ạrumugh phọ ạBabilon! Amem ịrol li dị ooseeny ghan Bẹl rꞌaNebo, kụ nyịidipho rọsaany ghan bịdi ọman ịnam adool, iboom ịiḅaghami ọman ịnam dị aloor medugh.

Azaya 46:7

Bịdi opoophe ọḅam rụpha ạbidi kụ ọgban; kụ esi lọ bịdi oseere bịn ạmeera, órue ọḍua esi phọ oseere bọ. Eḍighi ịyaar dị oye kụ ạaḅereghi aphoghomiom, kátue ạtagharan ọnhu ḅịle mꞌọphel ọdi ọsighe esi imananaan.

Jerimaya 10:14

Awe phọ rọmiin ịphen phọ bịn moḍighi bụo arolologhi; bụphe rọka ghan bọ rạraar kọoḅereghi moyegele, loor esi dị ạrumugh phọ bịdi ọka bọ kígey ḅịle kẹn ị́moogh ghuḍum.

Hạbakuk 2:19

Nyina mephe! Nyina ẹḅeni ekulha oreeny mọ, “Ḅetenu!” ḅịle mꞌekulha aḍighiigh mọ, “Mẹera!” Ẹkaaneen ịyaar ketue ni ẹkaaph ịyaar dị ẹeghian ịḅeni inyina ḍụghum? Iini okpoghom silva rꞌagol, kụ aghuḍum ólho loor.

1 Bụo ạKorint 12:2

Nyina elegheri ni mọ mem mọ nyina ẹrol bọ ẹku aruru phọ, ạnmuny aghuḍuul dị rẹ́ḅa ghan kụ ịmooghom inyina eekeleghi ghan.

1 Bụo ạKorint 8:4

Ọḅile nụun ophogh malhe ịsaraghi phọ! Yira olegheri ni mọ ạnmuny aghuḍuul phọ ị́moogh ḍiphooghu. Yira olegheri ni mọ edi bọ eniin phọ Ẹnaan bịn.

Dutoronomi 4:28

Ẹpe nyina kẹeḅereghi ghan rụmugh ekpisi phọ ẹpe phọ, ireeny dị awe kụ ọkaaghi, rꞌạrana dị rẹ́miin ghan eten, rẹ́naghan ghan ḍụghum, réle ghan eḍien, rẹ́naghan ghan eḍu ịyaar.