Jerimaya 10:4 - Ạḍinya Iigbia

⁴ kụ ọsighe silva rꞌagol ọdamaghi. Kụ ọsighe iḍugh ọkanagh ọbo kameel ghan bọ.

Jerimaya 10:4 Iomraidhean Croise

Ạsuor 115:4

Ạranaan ạbidi oḍighinom silva rꞌagol, ạraghaagh oye kụ ịka.

Ạsuor 135:15

Ruru areelhe phọ oḍighinom silva rꞌagol; awe kụ ịkaaghi bịdi.

Azaya 44:12

Ọlhemom ạmama ạsighe opoḍi ạmama kụ ạazaghamiom nịan aḍighinom oḍighi ọdi. Aḍikakara ạḍighaagh phọ ọdi ephoophe ọkanam mọ kụ ẹgurogh ạmama phọ eelemi. Ịdipho ọdi raḍighi bọ, ọkoony rasiph, ạmuum rạpu kụ aloor medugh.

Azaya 46:6

Awe rokpenyon ghan rukuru ikpoki ạbidi kụ rooku ghan gol komitiom; bịdi ọḅamaghi silva esi olegheriom ẹemor phọ. Bịdi opir ọlemom agol mọ ạlhem ẹmugh agol kụ bịdi okpuḍian kụ ooseeny!

Azaya 46:7

Bịdi opoophe ọḅam rụpha ạbidi kụ ọgban; kụ esi lọ bịdi oseere bịn ạmeera, órue ọḍua esi phọ oseere bọ. Eḍighi ịyaar dị oye kụ ạaḅereghi aphoghomiom, kátue ạtagharan ọnhu ḅịle mꞌọphel ọdi ọsighe esi imananaan.

Hosia 13:2

Bịdi odi nịiniin roḍighi ịkaraph reten ọlhem ạmama kụ ooseeny — ịkaaghineen ạraraar asilva dị ologhi oye kụ agbiighi kụ ạraghaagh oye eḍighi. Kụ bịdi ọto ọḅem mọ, “Iḍighi rạraar aghuḍum ẹngo bịdi.” Ika kụ ịdi awe kọkpun ịkaaghineen ạraraar phọ ịpe — ịkaaghineen ạraraar dị ẹghigh ilephiri ạsinam!

Hạbakuk 2:19

Nyina mephe! Nyina ẹḅeni ekulha oreeny mọ, “Ḅetenu!” ḅịle mꞌekulha aḍighiigh mọ, “Mẹera!” Ẹkaaneen ịyaar ketue ni ẹkaaph ịyaar dị ẹeghian ịḅeni inyina ḍụghum? Iini okpoghom silva rꞌagol, kụ aghuḍum ólho loor.