Jerimaya 10:3 - Ạḍinya Iigbia

³ Ịiḅereghi awe phọ ạbuen phọ ị́moogh ịyaar oḍighinom. Oler oreeny ẹpe ẹekpua phọ; ọkaam-ạmaka phọ ạsighe rạraar oḍighi phọ ọdi kụ ạkaam,

Jerimaya 10:3 Iomraidhean Croise

Ạsuor 115:4

Ạranaan ạbidi oḍighinom silva rꞌagol, ạraghaagh oye kụ ịka.

Azaya 45:20

Ọmoogh-we phọ rạḅem ghan mọ, “Iikpomoghan, weye areelhe phọ, oomo ạbuphe okpetenaan bọ mem mọ emeel ọmar phọ, emiteghom siloor anyina esoor erugh ịiruen! Bụphe rọsaram bọ ịkaaghineen ạrumugh phọ ạbidi kụ rọoḅereghi ghan rụmugh dị kétue ẹpel bịdi — awe phọ ạbuphe ịyaar úlegheri rꞌẹnum!

Jerimaya 1:16

Mị kạliom ni weye phọ ạmi loor esi dị bịdi moḍighi ịkaraph; bịdi mụḅitonaan ịmi kụ rọpinyon ghan rịkia kọngo ruru, ọḅile ọkaaghi nmụny aghuḍuul kụ rọoḅereghi ghan.

Jerimaya 10:8

Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 14:22

Rꞌeniin eru areelhe phọ kétue ẹngo ọlophia; okuaḍio phọ rꞌaloor ọdi bịn kátue aḍighi ịdi ọlophia kạloph. Yoor mọsighe oḍuom ologhi ayoor ọkpasi esi ạna, Ọmoogh-we Ẹnaan phọ ayoor, loor esi dị nạ kụ raḍighi ghan bọ rạraar phọ ịphen.

Jerimaya 16:19

Ọmoogh-we, nạ kụ oye phọ ruuko bọ ịmi kạḅile ụngo ịmi ịnyaam; nạ ụlhoghonaan ịmi ḍịghaagh mem ịiḅaghami. Areelhe kọḍua ni ẹpe aruukuna ade phọ kụ ọḅem ghan mọ, “Ạburude ạburude phọ ayoor ụ́moogh ịyaar omuton rụmugh ọkpe, rꞌaruru dị ị́moogh ịyaar oḍighinom.

Jerimaya 2:5

Ọmoogh-we phọ rapuru ghan mọ, “Ạburude ạburude phọ anyina ụmiin eeghe ịkaraph loor ạmi? Eeghe kụ iḍighi kụ bịdi ọḍua bọ esi ạmi? Bịdi ụuḅereghi ghan ruru dị ị́moogh ịyaar oḍighinom bịn bịdi phọ kẹn ụ́moogh mun ịyaar oḍighinom.

Lịvitikos 18:30

“Kụ iḍighi, ịmaar eeko iilogh phọ ạmi rꞌiigbia phọ ạmi ịphen, ọbo nyina kéle ghan bọ muniin ạḅaphanya, ịdipho bụphe odi bọ risigh anyina oḍighi yogh bọ, ẹepuan siloor anyina. Mị kụ Ọmoogh-we Ẹnaan phọ anyina.”

Matiu 6:7

“Kụ mem lọ nyina rẹeḅereghi, képu ghan ịyaar bịn ẹḅem eeḅula, ịdipho awe aruru rọoḅereghi ghan bọ. Bịdi rogbiom ghan ologhi mọ Ẹnaan kẹtuan ịidoony ịiḅereghi phọ ạbuno kụ ẹnaghanan.

Iiḍighi 19:26

Nyina rẹmiin ni kẹnaghan ịphen ạPol raḍighi bọ. Rạḅem ghan mọ ạrumugh dị ọsighe rạghaagh kụ ọkaaghiom ị́moogh ghuḍum. Maakeleghi akirion bụminighan awe, kẹ́phen Ẹfesos bịn, esugha ẹnum ọbo oomo phọ Esia ni.

Bụo aRom 1:21

Bịdi olegheri ni Ẹnaan kụ rọ́ngo ghan nyọdi eghuan phọ ọdi, ḅịle kẹn nyọdi rọ́seph ghan. Loor ịphen phọ, oomo ịitughian phọ ạbidi, epe ni oopho, ḅịle ufiri kụ mamuza ipokoro iloghi phọ ạbidi.

1 Pita 1:18

Tọ nyina elegheri ni ịdi ophiemi kụ ịtagharanam bọ inyina sịphe ạdol isa phọ ạburude ạburude phọ anyina ịrolomi bọ inyina. Úḍighinom ịyaar dị kẹḅuura ịdipho asilva rꞌagol.