Jerimaya 10:2 - Ạḍinya Iigbia

² Ọdi ạḅem mọ, “Kẹ́daph reten ịnon areelhe; iikia ạraraar dị nyina kẹmiin ẹpe okuaḍio phọ inyina kị́iḅaghami, ghạlamo ịnon areelhe ughiilaan ni.

Jerimaya 10:2 Iomraidhean Croise

Emiighom 1:14

Kụ Ẹnaan ẹḅem mọ, “Mị ạto mọ ịtozi emite ẹpe kꞌạke phọ ẹgbatan ootaany phọ esi aḍughul phọ ẹḅile eḍeenaan ghan mem lọ asiḍughul-otu, rꞌạsia rꞌạrayaal kemiigh ghan;

Jerimaya 10:1

Weye phọ Ịzirel, ịnaghan dom dị Ọmoogh-we phọ kịḅeni inyina.

Izikiel 20:32

Nyina megbiighi ẹnya ọrol ịdipho ịnon areelhe, ịdipho awe phọ ạbuphe orugh bọ ịnon areelhe phọ kụ rooseeny ghan bọ ireeny rꞌasighiigh phọ. Kụ ọlo ịpe kétue emite.

Lịvitikos 18:3

Keḍighi yogh ịpe bịdi oḍighi yogh bọ ẹpe eelhe phọ Ijipt nyina ẹrol ghan bọ. Íḍighi ghan ịpe bụo aKenan phọ roḍighi yogh bọ, ẹpe mị ịsighe bọ inyina rẹki. Ị́daph ghan iilogh phọ ạbidi.

Lịvitikos 20:23

Ị́daph ghan rọozo eḍighinom ạraraar awe areelhe phọ ịpe edi bọ risigh anyina mị kaporogh bọ ạwalalami, ịdi eḍighi bọ bịdi roḍighi yogh ghan idaleghe kịrokiro kụ mị ạtu bọ ạḅitonaan bịdi.

Dutoronomi 18:9

“Mem lọ nyina ẹghi esi ẹpe ade phọ Ọmoogh-we Ẹnaan phọ anyina rịngo bọ inyina, ị́daph ghan sịḅaphanya phọ ịpe areelhe phọ ạbidi roḍighi bọ eḍighi aani.

Bụo Ịiruen 6:10

Kụ ịḅeni inyina mọ, ‘Mị kụ Ọmoogh-we Ẹnaan phọ anyina. Íkiilaan ghan rụmugh Ạmorait phọ, bụen nyina erugh bọ sịphe ade phọ ạbidi nyịidipho.’ Kụ nyina ẹḍogh phọ ạmi ị́naghanan.”