Jerimaya 10:16 - Ạḍinya Iigbia

¹⁶ Ẹnaan phọ ạJekob ọ́ghigh bịdi; ọdi kụ ạlhem bọ oomo ạraraar phọ, kụ ọdi mạsaḅar Ịzirel mọ oḍighi weye ọdi. Ẹnaan Oomo Ịikpo Ọmoogh-we phọ kụ aḍien ọdi.

Jerimaya 10:16 Iomraidhean Croise

Ạsuor 119:57

Nạ bịn kụ ẹdi mị rạwa, Ọmoogh-we; mị aguanaan ọnaghanan ghan iilogh phọ ạna.

Ạsuor 135:4

Ọdi ạsaḅar Jẹkob oḍighi ọlo aloor ọdi, we phọ Ịzirel oḍighi ạbuo ọdi.

Ạsuor 142:5

Ọmoogh-we, mị amoghiom nyịna mọ tue ụlhoghonaan ịmi ḍịghaagh; nạ Ọmoogh-we kụ ọpelia ạmi, nạ bịn kụ oomo ịdi mị rạwa sịen mị odi bọ eye phọ.

Ạsuor 33:6

Ikpo ọnhu Ọmoogh-we phọ kụ ịlhem bọ kẹ phọ, kụ ookuugh ọnhu ọdi kụ amiteghom bọ oomo ạraraar phọ edi bọ kꞌạke.

Ạsuor 73:26

Ologhi ạmi rꞌaloor ạmi ketue ni edugh, kụ ọlo Ẹnaan kụ ịnyaam ạmi; ọdi bịn kụ ẹdi mị ạwa.

Ạsuor 74:2

Tụutughian bụphe nạ ạsaḅar bọ aseerian kꞌaḍiodiidi phọ, bụphe nạ amitiom bọ dọl ạrebene oḍighi awe phọ ạna. Tụutughian Eegum mọ ạZayon, esi phọ nạ mạrol ghan bọ ni mem.

Ẹḍua 19:5

Nyịidipho eru mạar dị nyina kẹnaghanan ni ẹḍogh phọ ạmi, kụ eeko ịyo phọ ạmi, pọ nyina keḍighi ni we ạmi, ịdi eḍighi bọ mị ịsaḅar inyina esi oomo ạbueri phọ awe phọ ạsighe.

Ẹḍua 34:9

kụ ạḅem mọ, “Obo ụmoogh ịmi, eru mạar dị nạ ạmoogh ni ghụsan esi ạmi, mị rạaḅereghi ni nyịna, ụdaph ni iyoor ạghi aani. Ghạlamo awe phọ ạbuo ịgbagharan, sạr ụwilenaan igborion phọ rꞌạsipioghom mọ rꞌịkaraph phọ ayoor, kụ ụsighe iyoor mọ awe ạna.”

Asidogh 16:4

Tọrobo ịyaar lọ Ọmoogh-we phọ ạlhem ẹmoogh ni ọda, kụ ọda awe ẹkaraph eḍighinom ịyaar amuphe.

Azaya 19:25

Ọmoogh-we Oomo Ịikpo phọ kạseph ni bịdi kụ ạḅem mọ, “Mị kạseph ni nyịna Ijipt awe phọ ạmi rꞌạna Asiria ọpo mị ạlhem bọ, ḅịle rꞌạna Ịzirel we phọ ạmi mị ạsaḅar bọ.”

Azaya 45:7

Mị ạlhem ḍịḅaal rꞌufiri; mị ạngo ḍịseph rꞌịiḅaghami. Mị Ọmoogh-we phọ kụ uḍighi oomo ạraraar phọ ịphen.

Azaya 47:4

Ẹnaan Iigbia phọ Ịzirel ruseere ghan iyoor ẹereegh — aḍien ọdi Ọmoogh-we Oomo Ịikpo phọ.

Azaya 47:6

Mị ụghagham ni ologhi we phọ ạmi; mị uḍighi ni mụdi kạ́buo ạmi mun: Mị ạlogh bịdi eeḍian ịikpo phọ ạna kụ ọlo nạ óḍeenaan bịdi ọnma ighirigiir; ghạlamo rꞌikumoor awe phọ bịn, nạ ụkporoghom ni.

Azaya 51:15

“Mị kụ Ọmoogh-we Ẹnaan phọ anyina; mị kụ raḅunyon ghan bọ ọphiiny phọ kụ aḍighi ịdi oologh phọ kamoogha. Ḍien ạmi ughol mọ Ọmoogh-we oomo ịikpo phọ!

Azaya 54:5

Ọlemia phọ ạna kaḍighi ịdipho olhom esi ạna — Ọmoogh-we oomo ịikpo phọ kụ aḍien ọdi. Ẹnaan Iigbia phọ Ịzirel kẹphel li nyịna — ọdi kụ ạda bọ oomo aḅirini phọ.

Jerimaya 10:12

Ọmoogh-we phọ kụ ạlhem de phọ esi ịikpo phọ ọdi; esi olegheri-ịyaar phọ ọdi ọdi ạlhem aḅirini phọ ạḅile amitiom okuaḍio phọ.

Jerimaya 10:6

Ọmoogh-we, oye dị ạghigh nyịna ólho; nạ kụ ogbogh, ḅịle kẹn aḍien phọ ạna ẹbugh ẹḅile ẹmoogh ịikpo.

Jerimaya 31:35

Ọmoogh-we phọ amitiom erumuḍio ọngo ghan ạḍiḅaal ootaany, ụnwanyu phọ rꞌạraanaan phọ ọmu ghan aḍughul. Ọdi apighemi ọphiiny phọ kụ amitiom ḍiboom ạḍiaḅa; aḍien ọdi Ẹnaan Oomo Ịikpo Ọmoogh-we phọ.

Jerimaya 32:18

Nạ maḍeenaan ẹphomoghian dị rébi ghan ạngo ịbadi ạsimuunir, kụ ọlo mạḅile kẹn ni ạliom weye loor ịkaraph ạburude rꞌaburunhiin phọ ạbidi. Nạ kụ Egbogh Ẹnaan dị ẹmoogh ịikpo, Ọmoogh-we phọ.

Jerimaya 33:2

Ọmoogh-we phọ, ọpo ạlhem bọ de phọ, ọpo amitiom bọ de phọ kụ aseere esi dị ẹkpe, ụḅaanaan ni ịmi. Ọdi phọ aḍien phọ ọdi eḍighi bọ Ọmoogh-we phọ ạḅem:

Jerimaya 46:18

Mị Ẹnaan Oomo Ịikpo Ọmoogh-we phọ, mị kụ ọdaam. Mị kụ Ẹnaan phọ edi ghan bọ. Ịdipho Eegum aTabor epeleghom bọ rạaḅaraph phọ kụ Eegum ạKarmel ephoph bọ epeleghom ọphiiny phọ, ịdipho kụ ẹdi ịikpo ọpo kizuom bọ inyina kẹtol.

Jerimaya 50:34

Kụ ọlo ọpo kạtagharan bọ bịdi ạmoogh ịnyaam — aḍien ọdi, Ẹnaan Oomo Ịikpo Ọmoogh-we phọ. Ọdi kaḍighan ni rꞌạbidi kụ ạsighe ẹepho atu sịen ade phọ, kụ ịiḅaghami kesoorom ni Bạbilonia.”

Jerimaya 51:19

Ẹnaan phọ ạJekob ị́kigh ịdipho ạbidi; ọdi kụ ọpo ạlhem bọ oomo ạraraar, kụ ọdi mạsaḅar Ịzirel oḍighi ọkar awe ọdi. Ẹnaan Oomo Ịikpo Ọmoogh-we phọ kụ aḍien ọdi.

Ịkunuma 3:24

Ọmoogh-we phọ bịn kụ ịyaar dị mị ạmoogh, kụ ịduon phọ mị ạkpasaghi oḍuom ologhi ạmi loor ọdi.

Ẹmos 4:13

Ẹnaan phọ kụ ạlhem rạaḅaraph phọ kụ ạḅile ạlhem ookuugh phọ. Ọdi ragananami ghan ni ịitughian phọ kạḅeni we; Ọdi ranme ghan ni ootaany katene ḍughul. Ọdi ratelhe ghan ạnyu ariikpisi phọ ịpe ephoph bọ sịen ade phọ; Ḍịen kụ aḍien ọdi: Ọmoogh-we Ẹnaan Oomo Ịikpo phọ!

Zẹkaraya 2:12

AJuda kạḅile kẹn ni aḍighi ẹmha phọ Ọmoogh-we phọ ạsaḅar bọ sịen ade iigbia phọ ọdi, kụ aJeruselem kaḍighi ni ẹmha phọ ọdi ạkar bọ ạphomoghian.

Dutoronomi 32:9

Abin mụo Ọmoogh-we phọ, pọ awe phọ ọdi. ẠJekob kụ abin erua ẹlo ọdi.