Jerimaya 10:12 - Ạḍinya Iigbia

¹² Ọmoogh-we phọ kụ ạlhem de phọ esi ịikpo phọ ọdi; esi olegheri-ịyaar phọ ọdi ọdi ạlhem aḅirini phọ ạḅile amitiom okuaḍio phọ.

Jerimaya 10:12 Iomraidhean Croise

Emiighom 1:1

Emiighom mọ, Ẹnaan ịlhem ni kẹ phọ rꞌade phọ.

Emiighom 2:5

ịizupha ị́tol de phọ, kụ ikpo iimuma ísi ịdi eḍighi bọ Ọmoogh-we Ẹnaan phọ kőruom ọlophia, oye ọ́rol dị kaḅeph ozo.

1 Krọnikuls 16:26

Ạrumugh oomo ịpheri phọ areelhe phọ eḍighi ịkaaghineen ạrumugh kụ ọlo Ọmoogh-we phọ kụ ạlhem sịke phọ.

Job 26:7

Ẹnaan ẹetarion okuaḍio ephunom mọ, ẹḅile ekereri de phọ esi dị ịyaar ílho.

Job 37:18

Nạ katue ni ạloghonaan ḍịghaagh Ẹnaan phọ ọotarion okuaḍio phọ, ạḅile aḍighi ịlo kạkpar ạḅile ạmu ịdipho okuron ḍụghum?

Job 9:8

Oye ọ́lhoghonaan ḍịghaagh Ẹnaan phọ kụ ạatarion bọ sịke phọ, ọbo ọbo ạazeghi bọ ọman elhom ẹnam ọphiiny phọ.

Ạsuor 104:2

Nạ akpereghiom loor ạna ḍịḅaal. Nạ mạatarion kẹ phọ ịdipho otu ịmaam.

Ạsuor 104:24

Ọmoogh-we, nạ mạlhem ịbadibadi ạraraar. Rꞌolegheri ịyaar kụ ẹdi nạ ạlemom oomo phọ ịne. Ọlem mọ ạna bịn kụ amuza de phọ.

Ạsuor 119:90

Ịpe nạ maguanaan bọ nạ rábi ghan oghiil atum oghiil; nạ maseere de phọ esi ọrol, kụ kẹtol bịn.

Ạsuor 24:2

ịdi eḍighi bọ ọdi kụ aphighi de phọ ạnyu otu-ḅualhe phọ, ạḅile aḍighi ịdi ade phọ ẹmeera ạnyu ọphiiny.

Ạsuor 33:6

Ikpo ọnhu Ọmoogh-we phọ kụ ịlhem bọ kẹ phọ, kụ ookuugh ọnhu ọdi kụ amiteghom bọ oomo ạraraar phọ edi bọ kꞌạke.

Ạsuor 65:7

Nạ ạpoomi ḍịolho otu-ḅualhe phọ rꞌạḍiaḅa oologh phọ. Nạ aḍighi ịyaar dị eelhe kịrokiro ekpomori ọnhu ạbidi.

Ạsuor 78:69

Ịsiphe kụ ẹdi ọdi ạlogh Otu Ịiḅereghi ịdipho ạdol phọ ọdi kꞌạke; ọdi ạmaar ạkparami mụdi ade rꞌaloor, ẹmaar ẹrol kꞌagee-pọ.

Ạsuor 93:1

Ọmoogh-we phọ ọdaam. Igbogh rꞌịnyaam kụ iinmenan phọ ọdi mạkpologhian bọ. Ọdi ạkparami ni ephighiom aḅirini phọ dị kótue ogboton.

Asidogh 3:19

Ọmoogh-we phọ ạlemom de phọ rꞌologhi ọdi; esi olegheri ịyaar ọdi kụ ọdi aseere bọ okuaḍio esi phọ odi bọ.

Asidogh 30:4

Ạnhian kụ ọdi mạkar ghan alegheri olegheri ịyaar kꞌạke? Ạnhian kụ ọdi masiph ghan oghim ḍịghaagh ạkpaghatiom? Ọbo obọ aphurughiom mụum opoḍi ukpe? Ọbo ọbo amiteghom ịiku ade phọ? Ọdi ạnhian, eḍighi ịyaar dị nạ alegheri? Ọony ọdi ạnhian?

Azaya 37:16

“Ọkar Ogbogh Ọmoogh-we Ẹnaan phọ Ịzirel, ọpo ọrolomi bọ okupheriom ogbo ạruukpaany aghuḍuul phọ. Nạ bịn kụ Ẹnaan dị ạda oomo areelhe ịsien aḅirini phọ. Nạ kụ ụlhem bọ kẹ phọ rꞌade phọ.

Azaya 40:22

Ọpo ạlhem bọ kụ ạrolom bọ ạgada ọdaam mọ ọdi apeleghom de phọ atenom okuaḍio phọ; awe dị odi ude okomogh mụdi ịimara. Ọdi ạtara okuaḍio phọ ịdipho ukpe dị ọkpo osophom, ịdipho ogbogo dị kotugh.

Azaya 42:5

Ẹnaan ịlhem ni sịke phọ kụ ẹetarion ẹreghe; ọdi ạnighemi ni de phọ rꞌoomo ạraraar phọ ẹdi ghan bọ sịphe; ọdi ạngo ni ghuḍum rꞌaḍiphooghu oomo awe ịsien aḅirini phọ. Kụ nyịidipho Ọmoogh-we Ẹnaan phọ ạḅeni otelhedom mọ ọdi mọ,

Azaya 44:24

“Mị kụ Ọmoogh-we phọ, ọpelia phọ anyina. Mị kụ ọpo ịlhem bọ inyina. Mị kụ Ọmoogh-we phọ, ọlemom oomo ạraraar. Ogina ạmi kụ ụreghe bọ sịke phọ; mem mọ mị ạlhem bọ de phọ, oye ịmi ḍịghaagh ụ́loghonaan.

Azaya 45:12

Mị kụ ọpo ạlhem bọ de phọ kụ ạlhem oye mọ ạghelom; Mị ụsighe ịikpo ạmi kụ ạlhemom bọ sịke phọ; mị rạpamaghan ghan erumuḍio phọ, ụnwanyu phọ rꞌạraanaan phọ.

Azaya 45:18

Ọmoogh-we phọ ạlhem bọ sịke phọ — ọdi kụ ọpo aḍighi bọ Ẹnaan. Ọdi kụ ạḅol kụ ạlhem de phọ — ọdi ạkparami ịdi kebia. Ọdi óḍighi esi ọkpagha kụ aḍighi esi dị awe kọtol. Ọdi kụ rạḅem ghan mọ, “Mị kụ Ọmoogh-we phọ, kụ ẹnon ẹmugh ílho.

Azaya 48:13

Ạraghaagh ạmi kụ ịlhem bọ ephighiom ade phọ kụ ạreghe bọ sịke phọ. Mem lọ mị ạmagh de phọ rꞌokuaḍio phọ, bịdi rotu ghan ni egina amem koḍeenaan siloor ạbidi.

Azaya 49:8

Ọmoogh-we phọ rạḅeni ghan we phọ ọdi mọ, “Mem dị amem mọ ẹteeny ọphel anyina, mị kịlogh ni inyina ịse ạḅile ạnaghanan emoghi ẹloghonaan phọ anyina. Mị kịpham ni iiko inyina kụ ạtuan ẹmhu anyina kụ akiran ịyo rꞌawe oomo areelhe phọ. Mị kaḍighi ịdi nyina kẹḅile ẹmoogh dọl sịphe ade phọ anyina reten bọ ọkpagha.

Jerimaya 10:13

Ọdi ạto bịn ạmuum ẹpe okuaḍio phọ amoogha; ọdi ạsighe ọotu ẹpe aruukuna ade phọ atu. Ọdi kụ raḍighi ghan ịdi aḍio rẹmepheghian ghan mem dị ọlophia rạloph kạḅile ạsighe oghim aru.

Jerimaya 10:16

Ẹnaan phọ ạJekob ọ́ghigh bịdi; ọdi kụ ạlhem bọ oomo ạraraar phọ, kụ ọdi mạsaḅar Ịzirel mọ oḍighi weye ọdi. Ẹnaan Oomo Ịikpo Ọmoogh-we phọ kụ aḍien ọdi.

Jerimaya 14:22

Rꞌeniin eru areelhe phọ kétue ẹngo ọlophia; okuaḍio phọ rꞌaloor ọdi bịn kátue aḍighi ịdi ọlophia kạloph. Yoor mọsighe oḍuom ologhi ayoor ọkpasi esi ạna, Ọmoogh-we Ẹnaan phọ ayoor, loor esi dị nạ kụ raḍighi ghan bọ rạraar phọ ịphen.

Jerimaya 27:5

Esi igbogh ịikpo phọ ạmi rꞌịnyaam ạmi kụ mị ạlhem bọ aḅirini phọ, weye, rꞌịnam dị edi sịphe ade phọ; kụ ẹdi mị ạngo tọrobo oye lọ mị kụ ạsaḅar.

Jerimaya 32:17

“Ọkar Ogbogh Ọmoogh-we, nạ ụlhem de phọ rꞌokuaḍio phọ rꞌịikpo ạna rꞌịnyaam ạna; ịyaar ílho dị ẹkparanaan nyịna.

Zẹkaraya 12:1

Ḍịen kụ adom dị egbolomaam Ịzirel dị ẹḍua esi Ọmoogh-we phọ, Ọmoogh-we phọ ọpo ạatarion bọ okuaḍio phọ ạḅile ạlhem de phọ kụ ạngo oye ghuḍum. Ọdi ạḅem ịduon:

Elegh ạJon 1:3

Ekpo Ọnhu phọ kụ ẹdi Ẹnaan ẹsighe bọ ẹlemom oomo phọ ạraraar phọ. Ịphen edi bọ mụ́lem mọ ọdi múlho bọ.

Bụo ạKolosi 1:16

Esi ọdi rꞌịlo kụ ẹdi Ẹnaan ẹlhem bọ oomo ạraraar phọ edi bọ kꞌạke rꞌịsien ade phọ, ịdi rọmiin rꞌịlo rọ́miin, rꞌoomo ịkpana ạraraar ẹpe kꞌạke rꞌịsien ade phọ, mꞌạbudaam aruwaloor mꞌạraalha mꞌigbogh awe ạbidi — oomo ạraraar, ụsighe ḍịghaagh ọdi kụ ọlhemom bọ mọ eḍighi ịpe ọdi ạtooghi bọ.