Jerimaya 10:10 - Ạḍinya Iigbia

¹⁰ Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Jerimaya 10:10 Iomraidhean Croise

Emiighom 21:33

Ebraham ạzuph oreeny dị oghol mọ ạtamarisik sịphe Beersheba; kụ agholom ḍien Ọmoogh-we Ẹnaan phọ edi ghan bọ kꞌagee-pọ.

1 Ạbudaam 18:39

Kụ mem dị oomo awe phọ ọmiin bọ, kụ bịdi omeleghu ezuemi. Kụ bịdi ọḅem ghan mọ, “Ọmoogh-we phọ, ọdi kụ Ẹnaan phọ. Ọmoogh-we phọ, ọdi kụ Ẹnaan phọ.”

1 Ạbudaam 8:60

ọbo oomo awe ịsien aḅirini phọ olegheri mọ Ọmoogh-we phọ kụ Ẹnaan phọ, ẹnon ílho.

1 Krọnikuls 29:11

Nạ ạbugh ni kụ ạmoogh ịikpo, eegu, ẹnighe rꞌigbogh. Oomo ạraraar kꞌạke kꞌade ịlo ạna, kụ nạ ọdaam, ogbogh ọdi ạda oomo ạraraar.

2 Krọnikuls 15:3

Mebia ni Ịzirel ụ́tolan ghan ẹkar Ẹnaan phọ; ariil ạrikia ụ́tol ọtughemi ạbidi, kụ ologh ọ́rol.

Job 9:6

Ẹnaan epighemi de phọ iniin ariisi eḅomoghian; ọdi apighemi rọko phọ erool bọ de phọ.

Ạsuor 10:16

Ọmoogh-we phọ kụ ọdaam ẹmha phọ kꞌagee-pọ. Bụlo rọoḅereghi ịnon ạrumugh kope ni.

Ạsuor 100:3

Ilegheri mọ Ọmoogh-we phọ kụ Ẹnaan phọ ni. Ọdi kụ ụlhem bọ iyira. Yira awe ọdi, aḍita iyool-ịga dị ọdi rạngo ghan ịḅal.

Ạsuor 100:5

Ọmoogh-we phọ ạnighe ni. Ẹphomoghian phọ ọdi kẹtol li kꞌagee-pọ. Ọdi rábi ghan ruguan phọ ọdi, oghiil atum oghiil.

Ạsuor 104:32

Ọdi aphogh de phọ kụ ade phọ ephiigha; ọdi ạḅogh rạaḅaraph phọ, kụ emitiom mụghi.

Ạsuor 114:7

Nạ ade phọ, piigha mem dị Ọmoogh-we phọ ratu, egbodo Ẹnaan phọ ạJekob,

Ạsuor 145:13

Ịtooghi ạna edi ghan bịn, ḅịle nạ ọdaam kꞌagee-pọ. Ọmoogh-we phọ rábi ghan ịpe ọdi aguanaan bọ ḅịle ọnma ighirigiir odimom ni oomo ịpe ọdi aḍighi bọ.

Ạsuor 146:6

ọlemia ạke rꞌade rꞌọphiiny phọ rꞌoomo ịlo edi ologhi ạbidi. Ọdi rábi ghan ịpe ọdi maguanaan bọ.

Ạsuor 18:7

Ẹpe kụ esi dị ade phọ ephiigha ariphighiom ạraaḅaraph phọ ephiigha yogh, loor esi dị Ẹnaan rẹkagh ologhi.

Ạsuor 29:10

Ọmoogh-we phọ ạtol ạnyu ạmuum-aḍigho phọ; Ọmoogh-we phọ ạtolom ạgada ạbudaam kꞌagee-pọ.

Ạsuor 31:5

Mị ạḅogh uwaloor phọ ạmi ạlogh ḍịghaagh ạna. Nạ mụtagharan ịmi, Ọmoogh-we, Ẹnaan dị ọkpe rẹ́gba ghan.

Ạsuor 42:2

Ẹephua ạna rẹpu ghan uwaloor ạmi, nạ kụ Ẹnaan phọ ẹpe rémugh ghan bọ. Ạpur amem kụ ẹdi mị katu bọ aganana egbodo ạna?

Ạsuor 68:11

Ọmoogh-we phọ ạto ạngo, kụ ịbadi ạnmariir oleenye iphiligba phọ:

Ạsuor 68:8

ade phọ iphiigha ni, kụ okuaḍio asereghi ude ọlophia, loor ẹmhu eru Ẹnaan phọ aSainai, eru Ẹnaan phọ Ịzirel.

Ạsuor 74:12

Kụ ạri nạ maḍighi ọdaam mọ ayoor kꞌemiighom, Ẹnaan; nạ mụphel li iyoor ịbadi amem.

Ạsuor 76:7

Kụ ọlo nạ, Ọmoogh-we, oomo awe roghiilaan ghan ni nyịna. Ạnhian kụ kạmeera bọ egbodo ạna mem dị ịyaar repin ologhi ạna.

Ạsuor 76:8

Nạ ụrol kꞌạke kụ asoph ọoruen phọ ạna; aḅirini phọ aghiilaan kụ aḅoorian,

Ạsuor 77:18

Ẹḍogh ọomaany phọ ạna emite, kụ ọmepheghian phọ asoor aḅirini phọ ịdipho ọtozi; ade phọ ekpereghaan kụ ephiigha.

Ạsuor 84:2

Rịphu ni ịmi ọrol ịsiphe. Mị ạmoogh ni ẹephua ọrol ịsiphe Otu Ọmoogh-we phọ. Rꞌoomo aloor ạmi mị ạmoor sụor iboh ạngo Ẹnaan phọ ẹpe edi ghan bọ bịn.

Ạsuor 9:8

Ọdi kạsighe ruukuan kụ ạdaam aḅirini phọ, kụ aagbonaan we ịiruen dị eeleeny.

Ạsuor 90:11

Ạnhian kụ mạkar ghan aloghoma irighitiigh ophin-ologhi phọ ạna? Ạnhian kụ alegheri oghiilaan dị ogbogh ọghagh-ologhi phọ ạna katumom?

Ạsuor 90:2

Tụtu nạ kạlem bọ rạaḅaraph phọ mụghumo omitiom aḅirini phọ, nạ bịn kụ uḍighi Ẹnaan dị edi ghan kꞌagee-pọ kụ kaḍighi Ẹnaan kꞌagee-pọ.

Ạsuor 93:2

Ạgada igbogh phọ ạna, Ọmoogh-we, amiigh ni kpis kꞌemiighom mọ, ḅịle nạ odi ghan ni kụ amem egbi omiigh.

Ạsuor 97:4

Ọmepheghian phọ ọdi ạngo ḍịḅaal aḅirini phọ; ade phọ ẹmiin kụ ephiigha.

Azaya 37:17

Seseeny ni, Ọmoogh-we. Ụnaghanan iyoor kụ aphogh ịpe rimitenaan bọ iyoor. Ler rụru phọ ạna ạnaghan oomo ịpe ạSenakerib rạkaaph bọ ọgilaam ạna Ẹnaan phọ edi ghan bọ ni.

Azaya 37:4

Ogbogh ọdaam Asiria phọ marom uwo ẹmhu ọnyo oḍighi ọdi mọ ạgilaam Ẹnaan phọ edi ghan bọ ni. Eḍighi ni ịdi Ọmoogh-we Ẹnaan phọ ạna kạnaghan rịgilaam mọ ịphen kụ ạliom bụphe ọghaaph bọ ịphen phọ. Loor ịphen phọ, ḅẹeḅereghi ạngo bụphe osugha bọ sịphe aḍita awe phọ ayira.”

Azaya 40:15

Esi Ọmoogh-we phọ, areelhe aḅirini phọ kị́yaar, ị́bugh ipu mụum dị atephaan. Arukpu-ogbo arikpisi dị ẹkelogh eephoogh ịdipho ophugh.

Azaya 40:28

Nạ ólhegheri? Nạ kọ̋naghan? Ọmoogh-we phọ kụ Ẹnaan kꞌagee-pọ; ọdi kụ ạlhem oomo aḅirini phọ. Nyọdi rẹ́per ghan ḅịle rádugh ghan. Oye ólho dị alegheri ịitughian ọdi.

Azaya 57:15

“Mị kụ Ọkar Egbogh Ẹnaan Iigbia phọ, ọpo odi bọ kꞌagee-pọ. Mị atugh esi iigbia dị ephoph, kụ mị ạḅile odianan rꞌawe lọ osooromi loor kụ ọwile yogh oḍighi ịkaraph, ọbo mị aḅulemi omeeraam rꞌoḍuom ologhi ạbidi.

Azaya 65:16

Tọrobo oye lọ odi sịen ade phọ lọ ạwa ḍịseph kạlom mọ Ẹnaan phọ rébi ghan bọ ạseph nyịno. Tọrobo oye lọ aghunya kakunya ni rꞌaḍien Ẹnaan phọ rébi ghan bọ. Ịiḅaghami phọ ịpe emite bọ mem dị ebia, meten kụ obula.”

Jerimaya 23:36

Kụ iḍighi kụ bịdi kụ́ḅem ghan mun mọ ‘adool Ọmoogh-we phọ’, loor esi dị oye lọ ạḅem ịduon phọ, pọ mị kaḍighi ni ịdi adom mọ ạmi kẹkaraghi nụun eḍighi dool esi ọdi. Awe phọ mọopu ikpo ọnhu Ẹnaan phọ ạbidi, Ẹnaan phọ ẹpe edi ghan bọ bịn, Ẹnaan Oomo Ịikpo Ọmoogh-we phọ.

Jerimaya 4:2

pọ keḍighi ni sụo ịngo inyina dị nyina kekunya ghan rꞌaḍien ạmi. Pọ kụ amem dị oomo areelhe phọ kụlom ịmi ọseph ạbidi, ḅịle kẹn bịdi kuboom ni ịmi.”

Jerimaya 4:24

Mị uphogh ni ruugum mọ — bịdi repiigha yogh ni, ḅịle ạraaḅaraph phọ rẹpiphighaan kẹghi risigh rꞌọman.

Jerimaya 50:46

Mem dị ạBabilon ameel, aḍiboom ạḍiaḅa kẹtol li dị oomo ade phọ kepiigha ni, kụ ịnon areelhe kọnaghan ḍịaḅa ịlooghi ọmagham awe.”

Jerimaya 51:29

Ade phọ ekperenom kụ ephiigha loor esi dị Ọmoogh-we phọ raḍighi igbiighi phọ ọdi kamitiom otene ạBabilon de ịisaar, esi dị oye útugh.

Dạniel 4:3

“Ịpe eeghia iboom imananaan dị Ẹnaan riḍeenaan ghan iyira! Ịpe eeghia ịikpo dị edi esi ịiḍaany phọ ọdi! Ẹnaan kụ ọdaam kꞌagee-pọ; ọdi kụ kạda oomo amem.

Dạniel 4:34

“Mem dị oḍual ạsia phọ meten,” ọdaam mọ ạḅem mọ, “Mị uphogh ni okuaḍio phọ, kụ aloghoma loor. Mị agbi oboom Ọkaraghi Egbogh Ẹnaan phọ rꞌọngo ghan rughuenian rꞌigbogh nyọpo odi ghan bọ kꞌagee-pọ. “Ọdi kạda kꞌagee-pọ, kụ ọmar phọ ọdi ạtol ghan kꞌagee-pọ.

Dạniel 6:26

Mị ạto mọ sịen oomo arere phọ ạmi tọrobo oye aghiilaan ạḅile ạlogh eghuan Ẹnaan phọ ạDaniel. “Ọdi kụ Ẹnaan dị edi ghan bịn ḅịle ọdi kạda kꞌagee-pọ. Ọmar phọ ọdi kótue opiemi ḅịle ịikpo phọ ọdi kékureri.

Dạniel 6:27

Ọdi kụ rạpel ghan kạḅile ạtagharan; ọdi raḍighi ghan iikia rꞌịiḍaany ẹpe kꞌạke rꞌịsien ade phọ. Ọdi ạphel li Dạniel dị ạnam-dịka íkiigh.”

Dạniel 7:14

Ụngo nyọdi ạgada ịikpo, eghuan rꞌịikpo ạraalha pịdi awe ạtorobo eelhe rꞌeḍighinom ịyaar rꞌọnhu kịrokiro okumu ghan nyọdi. Ịikpo ọdi kẹtol kꞌagee-pọ, ḅịle ọmar ọdi kákunughian.

Joel 2:11

Ọmoogh-we phọ amooghaam ịto ạḅeni we ẹgham ọdi. Aḍita dị ọnaghanan nyọdi ọbugh kụ ọmoogh ịikpo. Aḍio Ọmoogh-we phọ keḍighi ika aḍiigu! Ạnhian kụ kakpetenaan?

Maika 1:4

Kụ ạraaḅaraph phọ kẹgbo ni ịdipho oba dị ophoghomiom nịan; bịdi keekuan esumughu riḍiiny ịdipho ạmuum dị ạḍua eegbolom kụ raakuan.

Nẹhum 1:5

Ạraaḅaraph ekpeghekpeghe egbodo Ọmoogh-we phọ; aroogbolom ẹgbo ghisigh ọdi. Ade phọ epiigha mem dị Ọmoogh-we phọ aru amite; aḅirini phọ rꞌoomo awe ọdi opiigha.

Nẹhum 1:6

Mem dị ophin ologhi odianaan nyọdi, ạnhian kụ kakpetenaan? Ọdi raakuom ghan ophin ologhi ọdi mụdi anem ạnian; asighiigh eetughuḍian eten ophugh ghisigh ọdi.

Hạbakuk 3:10

Mem dị ạraaḅaraph phọ ẹmiin nyịna, bịdi eekpereghan; ạmuum ạḍua okuaḍio phọ ameleghu. Ạrumuum mọ edi bọ ologhi ade phọ imoogha ni, kụ oologh ạbidi aphooph ạghi ạnyu.

Hạbakuk 3:6

Mem lọ ọdi asophe, ade phọ epiigha; aḍiphogh ọdi reḍighi ghan dị areelhe phọ reekpereghan ghan. Ạraaḅaraph phọ ẹrol ghan bọ kꞌagee-pọ meetughuḍian; aroogbolom kꞌạsia kꞌạsia phọ meḅi ẹki ude, aroogbolom mọ ọdi arelhe ghan bọ geedi phọ.

Malakai 3:2

Kụ ọlo ạnhian kụ katue bọ ạkparam ḍio phọ ạḍiphe ọdi katu bọ? Ạnhian kụ katue bọ ạkar ạmeera mem mọ ọpo ọdi kamite bọ? Ọdi kạkigh ịdipho ọkuakua ạsaḅa, ạkigh ịdipho ạnian dị ogu ọphoghi arukuron.

Matiu 16:16

Kụ aSaimon Pita mọ, “Nạ kụ aMesaya phọ, Ọony Ẹnaan phọ edi ghan bọ kꞌagee-pọ.”

Matiu 26:63

Kụ ạJizos aḅoorian kpạy kpạy. Kụ uwo ẹmhu oyil ạrikia phọ ạḅeni nyọdi mọ, “Mị akol ḍien Ẹnaan phọ edi ghan bọ, ụḅeni iyoor mụghumo nạ kụ aMesaya Ọony phọ Ẹnaan.”

Elegh ạJon 17:3

Kụen kụ aghuḍum kꞌagee-pọ phọ mọ bịdi olegheri nyịna egina ọkaraghi Ẹnaan phọ, ḅịle rꞌạJizos Kraist phọ nạ kụ arom bọ.

Iiḍighi 14:15

“We phọ! Iḍighi ika kụ nyina reḍighi bọ rạraar phọ ịphen phọ? Yoor awe ni. Yoor ọmoogh ni ḍiniin aḍizu ịdipho anyina. Yoor ọsighe ooḅi ọghaaph iruomonaan inyina, ọbo nyina ẹwile oopho ạraraar phọ ịphen ekiton esoman Ẹnaan phọ edi ghan bọ, ẹpe ẹlhem bọ kẹ rꞌade rꞌọphiiny phọ rꞌịlo esi rꞌesi.

Dutoronomi 32:4

“Ọmoogh-we phọ kụ ogbogh ọsuaram anyina; oomo areten phọ ọdi eeleeny ni, Ẹnaan anyina oye rébi ghan, ịkaraph réḍighi ghan, eseleman ni kụ aaleeny.

Dutoronomi 5:26

Ạnhian oye kụ mạnaghan aani ghan ẹḍogh Ẹnaan phọ sịphe ologhi ạnian phọ rạkaaph ghan ịduon ayira kụ ạrol?

1 Bụo ạTesalonika 1:9

ịdi eḍighi bọ bịdi rꞌaloor kụ rọgba ịlo amem mọ yoor ịrolan bọ inyina, ịdi nyina mẹwile ruru, kụ ekiton esoman reḍighi oḍighi kẹngo ọkaraghi Ẹnaan phọ edi ghan bọ kꞌagee-pọ,

1 Timoti 1:17

Eghuan phọ rꞌigbogh phọ ẹrolonaan Ọdaam-ẹmha ọrugh kꞌọrugh phọ rámugh ghan bọ, ḅịle rọ́miin ghan bọ ekpeḍien phọ, Egina Ẹnaan phọ, kꞌagee-pọ kꞌagee-pọ! Ẹrol li ịdipho!

1 Timoti 6:17

Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom.

Bụo aHibru 10:31

Eḍighi ni ruugu omeel oḍigh ạraghaagh Ẹnaan phọ edi ghan bọ ni.

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.

1 Jọn 5:20

Yira olegheri ni mọ Ọony phọ Ẹnaan maru ụngo iyira ọnaghan ạḍughum, pịdi yira olegheri ọkaraghi Ẹnaan phọ. Ọkaraghi Ẹnaan phọ rꞌạJizos Kraist Ọony phọ ọdi kụ ụmoogh ghuḍum mọ ayira. Ẹphen phọ kụ ọkaraghi Ẹnaan phọ. Kụen phọ kụ aghuḍum kꞌagee-pọ phọ.

Ogonanami Phọ 20:11

Kụ mị ụḅile ni ạmiin oboom ọphalaḅaal ạgada ọdaam rꞌọpo ạrolom bọ. Ạke phọ rꞌade phọ isuma ni ẹḍua ghisigh phọ ọdi bịn ụ́miin mun.

Bụo Ịiruen 5:4

Ọmoogh-we, mem mọ nạ ạḍua bọ ẹpe Seir aḍia, mem mọ nạ ạḍua bọ ẹpe eelhe phọ Idom amiigh erelhe, ade phọ iphiigha ni, ạke phọ ạgodo, oomo okuaḍio phọ aḍighi ufiri, ạmuum ạtepheghu.

1 Sạmuel 17:26

ADevid apuru ni we phọ ạbuphe otuman bọ nyọdi mọ, “Kọngo eeghia oye lọ aghiigh oye ọlo aFilistia phọ ọphon phọ kụ aḍighi ịdi Ịzirel okpetenaan ituunyan phọ ịphen? Ạnhian ọnyo ịdeni ọlo aFilistia phọ ọphon phọ kụ atu bọ raafolomi weye ẹgham kꞌẸnaan phọ rémugh ghan bọ?”

1 Sạmuel 17:36

Mị mạze ni ạnam-dịka rꞌạrebeny, kụ mị kạtuugh ni ịduon phọ aḍighi ọnyo aruru ọlo aFilistia phọ ọphon phọ maafolomi bọ we ẹgham Ẹnaan phọ ẹpe rémugh ghan bọ.