Jerimaya 1:9 - Ạḍinya Iigbia

⁹ Kụ Ọmoogh-we phọ asele ḍịghaagh ọdi, ạḅogh ịidoronhu ạmi kụ ụḅeni ịmi mọ, “Ler rụru, mị rạngo nyịna ikpo ọnhu dị nạ kạkaaph.

Jerimaya 1:9 Iomraidhean Croise

Azaya 49:2

Ọdi aḍighi ịdi ikpo ọnhu ạmi ẹsiosio ịdipho elhool ẹgham. Rꞌạḍighaagh ọdi kụ ạmaar ụphamam ịmi. Ọdi ụkpol ịmi ịdipho ẹkpina dị eroph kụ ẹnighe ọrapham.

Azaya 50:4

Ọkar Ogbogh Ọmoogh-we phọ mụtughemi ịmi ịlo ọghaaph, ẹrol dị mị ạngo ịnyaam bụphe modugh bọ. Tọrobo ạḍiroor ọdi rụngo ịmi ẹephua ọnaghan ịlo ọdi kụtughemi ịmi.

Azaya 51:16

Mị kụ ụreghe bọ amitiom sịke phọ kụ aphighi bọ ephighiom ade phọ ạkparami; Mị ạḅeni Jeruselem mọ, ‘Nyina awe ạmi! Mị mịngo inyina ịtughemi phọ ạmi, kụ mị riiko ni inyina rꞌạḍighaagh ạmi.’”

Azaya 59:21

Kụ mị akiran ịyo rꞌanyina: mị mịngo inyina ịikpo phọ ạmi rꞌịtughemi phọ ạmi ịdi keḍighi ịlo anyina kꞌagee-pọ, kụ emiigh kꞌạnyiidipho kụ ẹghiom ghisigh, nyina kịnaghanan ịmi kụ ẹtughemi nmụny anyina rꞌạnmuny oko anyina ọnaghanan ghan ạmi oomo amem dị retu.”

Jerimaya 15:19

Esi ịphen phọ Ọmoogh-we phọ ạphagharanaan, “Eḍighi ịyaar lọ nạ arigheel, mị kạsighe ni nyịna aḅulemi, kụ nạ ạḅile aḍighi otelhedom ạmi. Eḍighi ịyaar dị kpạripe rꞌọghaaph ịlo arolologhi kụ nạ ạḅile ghan agbeelom dom dị ẹmoogh ịyaar oḍighinom, pọ nạ kạḅile ni aḍighi oyil ạmi. Awe phọ koḅula ni esi ạna, ḅịle kẹn ẹekpia dị nạ kụ kạki ọteeny ạbidi kẹ́tol.

Jerimaya 34:6

Kụ mị ạghi Jeruselem ạḅeni dom mọ ạḍien ạZedekaya ọdaam mọ,

Jerimaya 36:2

“Sịghe ḍikpooghineen ạḍinya kụ ạge sịphe phọ tọrobo ịyaar lọ mị ạḅeni nyịna ịlo Ịzirel rꞌaJuda rꞌoomo areelhe phọ. Gẹ tọrobo ịyaar lọ mị mạḅeni ghan nyịna kꞌẹḅel amem mọ mị ạḅaanaan bọ nyịna mem dị aJosaya kụ aḍighi ọdaam-ẹmha kụ ẹteeny nyịidipho.

Izikiel 3:10

Ẹnaan ẹloghom mọ, “Oye dị kamugh ni, mạar amiigha loor kụ ạatughian tọrobo ịlo mị ạḅeni bọ nyịna.

Dạniel 10:10

Kụ ạḍighaagh ịpham ịmi ephoophe esiemi dị mị ạmeeraam rạghaagh rꞌaruukum; kụ mị rapiigha yogh.

Dạniel 10:16

Kụ ọokpaany kꞌạke phọ, dị ạghigh oye, ạgbuton ḍịghaagh ọdi kụ ạḅogh ịidoronhu ạmi. Mị ạḅeni nyọdi, “Oye phọ, uḍien phọ udughe ni ịmi ịdi mị kạ́bile ophiigha.

Igbiighi 23:5

Ọmoogh-we phọ ạḅeni Bẹlam ịlo ọghaaph kụ arom nyọdi ạghiom Bẹlak ọḅeni ọdi dom mọ.

Matiu 10:19

Mem lọ bịdi isoorom inyina erugh, kékaphian ghan oomiigh ịlo nyina kẹgba. Amem mọ ẹteeny, kịḅeni ni inyina ịpe nyina kẹkaaph bọ,

Elegh ạMak 7:33

Kụ ạJizos ạpham nyọdi atenom ọgbal, kụ ạsighe sụnugh ọdi ạlogh ologhi areḅeri oye phọ, kụ ạsin ịghor ạḅoghom nem oye phọ.

Elegh aLuk 12:12

ịdi eḍighi bọ Uwaloor Iigbia phọ kụ kịtughemi inyina ịlo nyina kẹgba mem mọ ọpo phọ.”

Elegh aLuk 21:15

ịdi eḍighi bọ mị kịngo ghan ni inyina ikpo ọnhu rꞌolegheri ịyaar dị rꞌoniin ẹpomoghian anyina kátue ạmerenyan mụghumo ọpharanaan.

Dutoronomi 18:16

“Ḍio phọ ạḍiphe nyina eekpomoghan bọ ẹpe Eegum aSainai, nyina ẹeḅereghi bọ Ọmoogh-we Ẹnaan phọ anyina ẹḅem ghan mọ, ‘Seseeny, yoor kụ́naghan mun ẹḍogh phọ ạna, yoor kụ́miin mun ḍiboom mọ ạnian phọ ạḍien ọbo yoor komugh ghan bọ.’

Dutoronomi 18:17

Ọmoogh-we phọ mạnaghan ịpe nyina ẹlhom bọ, kụ ụḅeni ịmi mọ, ‘Ịpe bịdi ọghaaph bọ, igey ịdi eru ịne.

Dutoronomi 18:18

Mị kamitiom ni oyil sịphe ogbo abumor phọ ạbidi, ịdipho ạna, kụ mị ạḅogh oomo ọghaaph ạmi ạngo nyọdi, kụ dị ạkaaph ghan ạḅeni bịdi oomo ịpe mị kạto bọ ạḅeni nyọdi.