Jerimaya 1:8 - Ạḍinya Iigbia

⁸ Kákiilaan bịdi loor esi dị mị kạrolan ni nyịna aako nyịna. Mị Ọmoogh-we phọ kụ ụḅem.”

Jerimaya 1:8 Iomraidhean Croise

Ẹḍua 3:12

Kụ Ẹnaan ẹḅeni nyọdi mọ, “Mị kạtolan ni rꞌạna. Ẹphen kụ keḍighi eḍeenaan nyịna mọ mị kụ urom nyịna: mem dị nạ mạsighe we phọ sịphe Ijipt ạḍuanam, nạ kạaḅereghi ghan Ẹnaan sịen eegum mọ ẹphen.”

Azaya 43:2

Mem dị nyina rẹḅeeny mụum dị ạkel ude, mị kịrolan ni inyina; ịiḅaghami inyina kị́sighenom. Mem dị nyina eten esi ạnian, inyina kíkoph; ọgbagara ọdegh ophogh phọ katu bọ, inyina mạar káḍighi.

Azaya 51:12

Ọmoogh-we phọ rạḅem ghan mọ, “Mị kụ ọpo rịngo ghan bọ inyina ịnyaam. Eeghe kụ nyina rekiilaan bọ oye ịsien aḅirini phọ, ọpo rạ́kparam ghan bọ kapu rọogho?

Azaya 51:7

“Ịnaghanan ịmi, nyina ạbuphe elegheri bọ ịlo ẹnighe, bụphe ọkan bọ ịtughemi phọ ạmi iloghi phọ anyina. Kékiilaan mem dị awe rịgilaam kụ rịḅeni yogh inyina.

Jerimaya 1:17

Kookolobian, Jerimaya; kịa ạḅeni bịdi tọrotoro ịyaar lọ mị ạḅeni nyịna ọghaaph. Kákiilaan bịdi nyịidipho ọbo mị kaḍighi ghan bọ ịdi nạ kạkaraghi akiilaan mem lọ nạ ọdi rꞌạbidi.

Jerimaya 20:11

Kụ ọlo nạ, Ọmoogh-we, odi ni rꞌạmi rꞌiboom mọ ịikpo phọ ạna, ḅịle kẹn ạbuphe rụgbiphoghom bọ ịmi komeleghu ni. Komuton bịdi eephoogh kꞌagee-pọ, loor esi dị bịdi kótue oḍighi ịyaar. Kótue obula omutonaan eephoogh phọ ạbidi.

Jerimaya 30:11

Mị katu ni esi anyina ịtagharan inyina. Mị kapiemi ni oomo areelhe phọ ẹpe mị ịiwalalami bọ inyina, kụ ọlo mị inyina kíphiemi. Mị kạ́bile ọliom anyina kụ mem dị mị ịliom inyina, mị kạtuugh ni eḍighinom. Mị Ọmoogh-we phọ kụ mạḅem.”

Jerimaya 39:11

Kụ ạNebukadnezar ogbogh ọdaam mọ ạto ạḅeni Nẹbuzaradan oḍiemiom ọnyo ẹgham mọ,

Jerimaya 42:11

Kékiilaan mun ọdaam ẹmha phọ ạBabilon. Mị odi ni rꞌanyina, kụ mị kịtagharan ni inyina ạsighe esi ịikpo phọ ọdi.

Dạniel 3:17

Eḍighi ịyaar dị Ẹnaan phọ yoor rokumu bọ ketue ni ịphel iyoor sịphe ooni ạnian phọ dị reemor rꞌesi ịnyaam mọ ạna, pọ ọdi kạpel li.

Dạniel 3:25

Ọdi apuru, “Uḍighi ika nụun kụ mị rạmiin bọ inya awe dị rotelhe sịphe ologhi ạnian phọ? Ụ́koroghi mun bịdi ḅịle kẹn elegh ílho dị eḍeenaan mọ ạnian phọ rẹnuemi ni bịdi — kụ ọpo amuneniom bọ inya phọ ạkigh mọony ẹmugh.”

Matiu 10:26

“Loor ịduon phọ, kékiilaan we. Ịyaar dị eekpereghian dị kékpegherenu ílho ghan. Ịyaar dị ạaghian dị kéganana ílho ghan.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Iiḍighi 18:10

Mị odianaan ni rꞌạna. Oye lọ kaḍighi nyịna ịyaar ólho. Ịbadi awe ạmi odi ni sịen ẹmha phọ ẹphen.”

Iiḍighi 26:17

Mị kạphel li nyịna rạghaagh aweye Ịzirel rꞌaruuruen phọ. Mị rarom nyịna

Iiḍighi 4:13

Kụ mem dị ạbuo ạrumhu phọ ọmiin bọ ạkpo ologhi phọ aPita rꞌạJon, kụ olegheri bọ ni mọ bịdi iḅar awe ni bịn, dị ḍịnya ụ́maar, uukia ni, kụ eru ologhi ạbidi mọ ịyal awe phọ ạbuen mọrolan ghan ni rꞌạJizos.

Iiḍighi 4:29

Kụ nyịidipho, Ọmoogh-we, pogh aani ịdi bịdi rụdeghogh iyoor, kụ ạngo rẹbene phọ ạna ạkpo ologhi ọghaaphom ghan ọghaaph phọ ạna.

Bụo ạEfesos 6:20

Mụma ịmi oḍighi ọokpaany ooḅi ọghaaph phọ ọphon, ghạlamo ịduon mị odi bọ ni ikoli phọ nyịidipho. Kụ ịiḅereghi ghan mọ mị ụmoogh ạkpo ologhi dị ụmanam ịmi ọghaaphom mọ.

Dutoronomi 31:6

Ịkparami siloor anyina, ẹmoogh ạkpo ologhi, kékiilaan, kẹ́moogh eepuph, ịdi eḍighi bọ Ọmoogh-we Ẹnaan phọ anyina kụ kiḍiemiom ni inyina. Ọdi inyina kị́wile, inyina kíghel.”

Dutoronomi 31:8

Ọmoogh-we phọ kụ kaḍiemiom nyịna. Ọdi kạrolonaan ni nyịna. Ọdi nyịna kạ́wile, nyịna kámutonaan. Kákiilaan, ḅịle kạ́moogh eepuph.”

Josua 1:5

Oye ólho ẹpe phọ dị katue ạkpar apu nyịna oomo asiḍughul-otu aghuḍum mọ ạna. Ịdipho mị ạrolonaan bọ Mozis, ịdipho kụ ịdi mị kạtuugh ạrolonaan nyịna. Mị nyịna kạ́wile; kẹn, mị nyịna kághel.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”