Jerimaya 1:7 - Ạḍinya Iigbia

⁷ Kụ Ọmoogh-we phọ ụḅeni ni ịmi mọ, “Kạ́ḅem mọ nạ aḍighi ọbumoony ạpughan. Kịa ghụn ạteeny weye phọ mị rarom bọ nyịna, ạḅile ạḅeni bịdi tọrotoro ịyaar lọ mị ạto ạḅeni nyịna.

Jerimaya 1:7 Iomraidhean Croise

1 Ạbudaam 22:14

Kụ aMikaya ạḅeni nyọdi mọ, “Ịdipho Ẹnaan phọ edi bọ ni, ịpe Ọmoogh-we phọ kụḅeni bọ ịmi kụ ịdi mị kạtuugh ni ạḅeni nyọdi.”

1 Ạbudaam 3:7

Kụ nyịidipho, Ọmoogh-we Ẹnaan phọ ạmi, nạ maḍighi otelhedom mọ ạna ọdaam ạsighe esi ọde phọ ọdi: kụ mị ọony aani ni, mị úlegheri aani ịlo orelhe omite rꞌorelhe oḍigh.

2 Krọnikuls 18:13

Kụ ọlo aMikaya ạphagharanaan mọ, “Ịdipho Ẹnaan phọ edi ghan bọ ni, ịpe Ọmoogh-we phọ kụḅeni bọ ịmi kụ ịdi mị kạtuugh ni ạḅeni.”

Ẹḍua 6:29

“Mị kụ Ọmoogh-we phọ. Kịa ạghaaph oomo ịpe mị ạḅeni bọ nyịna ạḅeni ọdaam eelhe phọ Ijipt.”

Jerimaya 26:2

bịn Ọmoogh-we phọ ụḅeni ịmi mọ, “Mẹera sịphe ogiga Otu Ịiḅereghi phọ kụ agbeelom oomo ịpe mị ạto bọ ạḅeni nyịna mọ ḅẹni weye phọ ạbuphe ọḍua bọ rạmha phọ aJuda kụ oru ọoḅereghi ịsien phọ. Kámuton rꞌeniin ịyaar.

Jerimaya 43:1

Mị rọghaaph rọḅeni bịdi oomo ạraraar phọ Ọmoogh-we Ẹnaan phọ ạbidi urom bọ ịmi ọḅeni ạbidi,

Jerimaya 7:27

“Kụ iḍighi, Jerimaya, nạ kạkaaph oomo phọ ikpo ọnhu phọ ịphen phọ ạḅeni weye phọ ạmi, kụ ọlo bịdi nyịna kọ́naghanan; nạ kạmagh ni bịdi, kụ ọlo bịdi kómeera.

Izikiel 2:7

Nạ kạḅeni ghan bịdi tọro ịlo mị ạḅeni nyịna ọḅem, mụghumo bịdi oler rụru mꞌúler. Tụutughian ọdo ạbuo ịgbagharan dị bịdi oru.

Izikiel 3:27

Ịpe reten, mem dị mị ạḅile ạḅaanaan nyịna kụ aḅulemi ịnyaam ạḍiaḅa phọ ạna, nạ kạḅeni ni bịdi ịlo mị Ọmoogh-we dị ạmoogh oomo ịikpo rạḅem. Buniin ạbidi koler ri rụru, kụ ọlo buniin kọḅitonaan ni nyịna, ịdi eḍighi bọ bịdi eelhe ạbuḅaar rụmhu.”

Ẹmos 7:15

Kụ Ọmoogh-we phọ kụ ụsighe ịmi ẹpe oḍighi okoriom iyool-ịga phọ kụ ụḅeni ịmi oru ọghaaph ghan ịpe ọdi agananami bọ ọḅeni awe phọ ọdi Ịzirel.

Jona 3:2

Kụ ạḅem mọ, “Kịa Nineve ẹpe egbogh ẹmha phọ, kụ ạghaaph alheenye dom mọ mị arom bọ nyịna.”

Igbiighi 22:20

Ḍughul phọ ạḍiphe Ẹnaan eru ẹteeny Bẹlam kụ ạḅeni nyọdi mọ, “Awe phọ ạbuen mọḅile bọ oru ọmagh ạna, pọ ḅetenu ạdaph bịdi ạghi; kụ ọlo ịpe mị kạḅeni bọ nyịna kụ ịdi nạ kạtuugh kụ aḍighi.”

Igbiighi 22:38

Kụ ạBelam ạḅeni Bẹlak mọ, “Pọrono ạmi, mị maru. Kụ nyịidipho eeghe ịikpo kụ ẹdi mị mạmoogh? Mị kạkaaph ịlo Ẹnaan ịḅeni ịmi ọghaaph bịn.”

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Iiḍighi 20:27

Mị ụ́booghi ogbononomi oomo arigbiom mọ Ẹnaan ọḅeni anyina.