Jerimaya 1:6 - Ạḍinya Iigbia

⁶ Kụ mị ạphagharanaan mọ, “Ọkar Ogbogh Ọmoogh-we, mị úlegheri ịlo ọghaaph ịyaar; mị aḍighi ọbumoony ạpughan.”

Jerimaya 1:6 Iomraidhean Croise

Ẹḍua 4:1

AMozis ạḅeni Ọmoogh-we phọ mọ, “Awe phọ Ịzirel ịmi kúmeeraam ḅịle ịmi kụ́naghanan. Mị kaḍighi ika eḍighi mạar dị bịdi ọḅem mọ nạ ómite egaan dị mị ạmiin nyịna.”

Ẹḍua 6:12

Kụ aMozis ạḅeni Ọmoogh-we phọ mọ, “Awe phọ Ịzirel ịmi rụ́naghanan ghan, ọdaam eelhe phọ kaḍighi ika kụ ụnaghanan bọ ịmi, mịna aru bọ oye eema phọ?”

Ẹḍua 6:30

Kụ aMozis ạḅeni mọ, “Mịna oye eema phọ. Ọdaam eelhe phọ kụ́naghanan ni ịmina.”

Azaya 6:5

Kụ mị ạḅem mọ, “Oḍuom ologhi ịmi úlhoonaan. Ịmi moruule ịdi eḍighi bọ tọrobo ekpo ọnhu dị ẹḍua ịidoronhu ạmi emite eḍighi ịkaraph, kụ mị atughan rꞌawe dị tọrobo ekpo ọnhu ạbidi eḍighi ịkaraph. Ghạlamo ịduon phọ ni bịn mị mạsighe ni riḍien ạmi ạmiinom Ọdaam mọ, Ọmoogh-we oomo ịikpo phọ!”

Jerimaya 14:13

Kụ mị ạḅem, “Ọkar Ogbogh Ọmoogh-we phọ, nạ alegheri ni mọ ariil phọ rọḅeni ghan weye phọ mọ ẹgham rꞌịgbakuro kẹ́tol, loor esi dị nạ maguanaan mọ ẹepho bịn kụ kẹtol ghan sịen ade phọ ayoor.”

Jerimaya 32:17

“Ọkar Ogbogh Ọmoogh-we, nạ ụlhem de phọ rꞌokuaḍio phọ rꞌịikpo ạna rꞌịnyaam ạna; ịyaar ílho dị ẹkparanaan nyịna.

Jerimaya 34:6

Kụ mị ạghi Jeruselem ạḅeni dom mọ ạḍien ạZedekaya ọdaam mọ,

Jerimaya 4:10

Pọ kụ amem dị mị ạḅem mọ, “Ọkar Ogbogh Ọmoogh-we, nạ mạkar bịn kụ aakeleghi weye phọ aJeruselem! Nạ ụḅem mọ ẹepho kẹtol li, kụ elhool ẹgham kụ edi sịphe ooko phọ ạbidi.”

Izikiel 4:14

Kụ mị ạphagharanaan mọ, “Kị́dipho, Ọmoogh-we dị ạmoogh oomo ịikpo. Mị kọ̋opu ghan loor ạmi. Emiigh kꞌẹghoroghor kụ ẹghi mị kạ́ang ghan ẹnam lọ ogina ọdi kụ emugh ḅịle mꞌẹlo ilhom ịnam kụ eghiigh. Mị kőlhe ghan tọro eḍien lọ ogbiighi mọ ị́ḅaal.”

Zẹkaraya 2:4

Kụ ọḅel phọ ạḅeni ọphori phọ mọ, “Kiil ạghi ạteeny onyugheel ọony phọ ọpo ạpham bọ oḍigh phọ ọpo rạtooghiom ghan bọ ạḅeni mọ aḍita awe rꞌịnam dị kẹtol Jeruselem kẹbugh ni ẹpughan ọḅiir iikpe oghoonyom.