Jerimaya 1:5 - Ạḍinya Iigbia

⁵ “Mị ụsaḅar ri nyịna kụ mị agbi bọ ọngo ạna ghuḍum mọ, ḅịle kẹn tụtu kọmar bọ nyịna mị mạsaḅar ri nyịna mọ ḍighi oyil Ẹnaan ẹpe areelhe phọ.”

Jerimaya 1:5 Iomraidhean Croise

Ạsuor 139:15

Mem mọ rọlem bọ ịḅarara phọ ạmi komiighe loor ọlogh ọkuruḅaka onhiin ạmi, mem mọ mị rapoph bọ esi ịbooghian, nạ ulegheri ni mọ mị odi sịphe —

Ạsuor 139:16

nạ ụmiin ni mị kụ ogbi ọmar ạmi. Riiḍio phọ useenaan bọ ịmi mọgeeghi ni ologhi ạḍinya phọ ạna kụ tọrobo ọnyo ạbidi agbi omiigh.

Ẹḍua 33:12

AMozis ạḅeni Ọmoogh-we phọ mọ, “Nạ mụḅeni ni ịmi oḍiemiom awe phọ ạbuen osiemi ade phọ ạḍiphe phọ, kụ nạ ịmi ụ́ḅeni oye lọ kụdaphan aani ịmi. Nạ ụḅem mọ nạ ulegheri ni ịmi agey kụ ẹrolom ạmi ẹḅeeraan ni nyịna.

Ẹḍua 33:17

Ọmoogh-we phọ ạḅeni Mozis mọ, “Mị kạtuugh ni aḍighi ịdipho nạ mạlhom bọ. Mị alegheri ni nyịna akuphom owol kụ nạ ụḅeeraan ni ịmi.”

Azaya 44:2

Mị kụ Ọmoogh-we phọ ịlhem bọ inyina; kꞌamem mọ ịmar bọ inyina mị mịlhoghonaan inyina ḍịghaagh. Kẹ́moogh oghiilaan, nyina abutelhedom ạmi, we ạmi dị ọsaḅar dị mị ạphomoghian.

Azaya 49:1

Ịnaghanan ịmi, reelhe dị ẹkelogh, nyina awe phọ edi bọ rikpisi dị ẹkel! Tụtu kụmar bọ ịmi, Ọmoogh-we phọ mụsaḅar ri ịmi kụ ụma ịmi oḍighi otelhedom ọdi.

Azaya 49:5

Tụtu kụmar bọ ịmi, Ọmoogh-we phọ mụma ni ịmi; ọdi uḍighi ịmi otelhedom ọdi ọsighe awe phọ ọdi oḅulemi, ọsighe oḅulemi awe Ịzirel phọ ọdi ọwalala bọ. Ọmoogh-we phọ rughueni ghan ịmi eghuan; ọdi kụ azin ịnyaam ạmi ẹḍua ghan retu.

Jerimaya 1:10

Rodon phọ mị mạngo nyịna ịikpo apeleghiom rạmha rꞌareelhe ịlo oruphuron rꞌolereghi, oogulemi rꞌọkpar opu, ọlogh ọmeremi rꞌọzuph.”

Jerimaya 1:4

Ọmoogh-we phọ ụḅeni ni ịmi mọ,

Jerimaya 20:15

Itulughi oye phọ ọpo aḍighi bọ ịdi ologhi ọde ạmi ạḅaal mem mọ ọdi ạghi bọ ạḅeni, “Mọmar olephiri! Nạ mạmoogh olephiri ọony!”

Jerimaya 25:13

Oomo phọ ịiḅaghami phọ ọge bọ sịen ạḍinya phọ ạḍien — ịpe mị ạḅeni bọ aJerimaya mọ mị kạ́bile oḍighi areelhe phọ kụ ịdi mị kạsighe ạliomom Bạbilonia.

Jerimaya 36:2

“Sịghe ḍikpooghineen ạḍinya kụ ạge sịphe phọ tọrobo ịyaar lọ mị ạḅeni nyịna ịlo Ịzirel rꞌaJuda rꞌoomo areelhe phọ. Gẹ tọrobo ịyaar lọ mị mạḅeni ghan nyịna kꞌẹḅel amem mọ mị ạḅaanaan bọ nyịna mem dị aJosaya kụ aḍighi ọdaam-ẹmha kụ ẹteeny nyịidipho.

Jerimaya 50:34

Kụ ọlo ọpo kạtagharan bọ bịdi ạmoogh ịnyaam — aḍien ọdi, Ẹnaan Oomo Ịikpo Ọmoogh-we phọ. Ọdi kaḍighan ni rꞌạbidi kụ ạsighe ẹepho atu sịen ade phọ, kụ ịiḅaghami kesoorom ni Bạbilonia.”

Elegh aLuk 1:15

Ọdi kaḍighi ni ogbogh ghisigh Ọmoogh-we phọ. Ọdi kụ́pughol miim ịya rꞌạmuukpara amiim. Rọmar roseere, bịn Uwaloor Iigbia phọ kamuza ni loor ọdi.

Elegh aLuk 1:41

Ịduon Elizabet ạnaghan bọ ḍịmagh phọ aMeri, bịn ọony phọ odi bọ ọophi phọ Elizabet awul, kụ Uwaloor Iigbia phọ amuza loor Elizabet.

Elegh aLuk 1:76

“Kụ nạ ọony phọ ạmi, koghol nyịna mọ oyil Egbogh Ẹnaan phọ. Nạ kụ kaḍiemi ghan aselemi eten aseenaan Ọmoogh-we phọ,

Elegh ạJon 10:36

Ọde phọ kụ ụsaḅar bọ ịmi arom mọ mị utu sịen aḅirini phọ. Ịḅile bọ iḍighi ika kụ mịna rọḅem aani bọ mọ mị Ọony phọ Ẹnaan kụ eru bọ ọopu Ẹnaan?

Bụo aRom 1:1

Mị ạPol, ọnyo oḍighi phọ ạJizos Kraist, Ẹnaan ẹsaḅar bọ ẹmagh mọ aḍighi otelhedom, ạghaaph ghan ooḅi ọghaaph phọ kụ ụge bọ ḍịnya phọ ạḍien riruomaan inyina.

Bụo aRom 8:29

Bụphe Ẹnaan melhegheri ghan bọ igbaany, ọdi ạsaḅar ri aseere mọ ọrol aani ịdipho Ọony phọ ọno, ọbo Ọony phọ kụ aḍighi oḍiemiom sịphe aḍita asiya phọ.

1 Bụo ạKorint 8:3

Kụ Ẹnaan rẹloghoma ghan ni oye lọ ạphomoghian nyọdi.

Bụo ạEfesos 1:22

Ẹnaan iseere oomo ạraraar phọ mọ aKraist ạkpasaghiom ruwol, kụ ẹmha nyọdi eḍighi uwo ẹmhu oomo ạraraar ẹngo sịosi phọ.