Jerimaya 1:3 - Ạḍinya Iigbia

³ ḅịle kẹn ọdi ạḅaanaan ni nyọdi mem dị aJehoyakim ọony aJosaya kụ ạda. Ịphen phọ reten kụ Ọmoogh-we phọ ạḅaanaan ni nyọdi ịbadi amem tụtu ẹteeny ḍioph rꞌaḍiniin ạlha esi amem mọ ọpo ạZedekaya ọony phọ aJosaya ạda bọ. Omuneniom oogh ụnwanyu ạlha phọ ạḍiphe kụ ẹdi ọsighe bọ weye phọ aJeruselem ọghi oseere dọl iiruen phọ.

Jerimaya 1:3 Iomraidhean Croise

2 Ạbudaam 23:34

Kụ aNeko Ọdaam mọ Ijipt aḍighi ịdi Ẹliakim ọony phọ aJosaya ạsighe dọl aJosaya ọde phọ ọdi ạda kụ anme ḍien phọ ọdi aghol mọ aJehoyakim. Kụ ạsighe Joahaz agheelom ẹpe Ijipt ạrolomi tụtu ọdi amugh.

2 Ạbudaam 24:17

Kụ ọdaam mọ ạBabilon ạsighe Matanaya umor ọde phọ aJehoyasin aḍighi ọdaam ẹmha ạsighe dọl phọ ọdi ạda. Kụ anme ḍien ọdi kụ aghol mọ Zẹdekaya.

1 Krọnikuls 3:15

AJosaya ạmoogh inya alephiri: Johanan, Jehoyakim, Zẹdekaya, rꞌaJoahaz.

Jerimaya 1:4

Ọmoogh-we phọ ụḅeni ni ịmi mọ,

Jerimaya 34:1

Ọmoogh-we phọ ụḅaanaan ni ịmi mem dị ạNebukadnezar ogbogh ọdaam mọ ạBabilon rꞌawe ẹgham mọ ọdi, rꞌaḍita awe ẹgham ịnon areelhe rꞌạbunon aweye dị odi eeḍian ọdi ọḅile oḍighan rꞌọdi, ozuom ghan Jeruselem rꞌạramha phọ etuman bọ sịphe.

Jerimaya 35:1

Mem dị aJehoyakim ọony phọ aJosaya aḍighi ọdaam-ẹmha phọ aJuda, Ọmoogh-we phọ ụḅeni ịmi mọ,

Jerimaya 36:2

“Sịghe ḍikpooghineen ạḍinya kụ ạge sịphe phọ tọrobo ịyaar lọ mị ạḅeni nyịna ịlo Ịzirel rꞌaJuda rꞌoomo areelhe phọ. Gẹ tọrobo ịyaar lọ mị mạḅeni ghan nyịna kꞌẹḅel amem mọ mị ạḅaanaan bọ nyịna mem dị aJosaya kụ aḍighi ọdaam-ẹmha kụ ẹteeny nyịidipho.

Jerimaya 39:2

Ḍio phọ ạḍiphe emuneniom bọ esugha phọ ụnwanyu phọ ọpo amuneniom bọ inya phọ, lhạ dị eḍighi ḍioph rꞌaḍiniin dị ạZedekaya aḍighi ọdaam mọ, uḅonyon ni iikpe ẹmha phọ.

Zẹkaraya 7:5

Ọdi ạḅem mọ, “Ḅẹni weye ade phọ rꞌariil ạrikia phọ mọ mem mọ ọpo bịdi ọkaagh bọ ẹḍogh phọ ọḅile ọrol esi ọto rụnwanyu dị emuneniom oogh rꞌoḍual sịen oḍualdi ạsia phọ ịphen, nyina íḍighi ghan ịphen phọ oghueniom ạmi.

Zẹkaraya 8:19

“Ọkaagh ẹḍogh phọ ạrol ghan bọ rụnwanyu phọ ịpe emuneniom bọ inya, oogh, oḍual rꞌaḍioph phọ keḍighi mem olhe ghan ẹyaal iboh rꞌọḅaal ologhi awe phọ aJuda. Nyina ẹkpe ọphomoghian igey phọ ḅịle rꞌẹepho.”