Jerimaya 1:18 - Ạḍinya Iigbia

^18-19 Ler rụru, Jerimaya! Tọrotoro oye lọ odi sịen ade phọ ạḍien — ạbudaam mọ aJuda, ạbuo ịtooghi phọ, ariil ạrikia phọ ḅịle rꞌawe phọ — kọnyaam ni nyịna. Kụ ọlo rodon mị rạngo nyịna ịnyaam ọmerenyan ạbidi; nạ kạkigh ẹmha dị oghoony, ẹko dị oḍighinom okuron, iikpe dị ọḅiirom enaba. Bịdi nyina kọ́kpar ópu loor esi dị mị kạrolan ni nyịna ạḅile aako nyịna. Mị Ọmoogh-we phọ kụ ụghaaph.”

Jerimaya 1:18 Iomraidhean Croise

Azaya 50:7

Kụ ọlo iikunya ạbidi esi ạmi ípin loor esi dị Ọkar Ogbogh Ọmoogh-we phọ rụngo ghan ni ịmi pẹleeny. Mị ụphama loor ạmi ọkparam. Mị alegheri mọ ịmi kúufolomi,

Jerimaya 1:17

Kookolobian, Jerimaya; kịa ạḅeni bịdi tọrotoro ịyaar lọ mị ạḅeni nyịna ọghaaph. Kákiilaan bịdi nyịidipho ọbo mị kaḍighi ghan bọ ịdi nạ kạkaraghi akiilaan mem lọ nạ ọdi rꞌạbidi.

Jerimaya 15:10

Ologhi ạmi ọ́ḅaal! Eeghe kụ iḍighi kụ onhiin phọ ạmi ụmar bọ ịmi sịen aḅirini phọ nụun? Mị rạtuan ghan ọruonu kạḅile ạnunuan rꞌạtorotoro oye sịen ade phọ. Mị kọ̋ngo ghan oye ọmugh; kụ mị kọ̋lhe ghan ọmugh; kụ tọrotoro oye rụgurughi ghan ịmi.

Jerimaya 15:20

Mị kaḍighi ni ịdi nạ kạkigh iikpe enaba esi ạbidi. Bịdi koruphiom ghan ni nyịna ẹgham, kụ ọlo bịdi kótue ọkpar opu nyịna. Mị kạtolan ni rꞌạna aako ghan nyịna ạḅile ạpham nyịna.

Jerimaya 20:11

Kụ ọlo nạ, Ọmoogh-we, odi ni rꞌạmi rꞌiboom mọ ịikpo phọ ạna, ḅịle kẹn ạbuphe rụgbiphoghom bọ ịmi komeleghu ni. Komuton bịdi eephoogh kꞌagee-pọ, loor esi dị bịdi kótue oḍighi ịyaar. Kótue obula omutonaan eephoogh phọ ạbidi.

Jerimaya 21:4

mọ ọghi ọḅeni ạZedekaya mọ Ẹnaan phọ Ịzirel Ọmoogh-we phọ mạḅem mọ, “Zẹdekaya, mị kạkpar ri apu weye ẹgham mọ ạna, bụen robe bọ ẹgham mọ rꞌọdaam ẹmha phọ ạBabilon rꞌaweye ẹgham mọ ọdi. Mị kakpol rạraar ẹgham awe ẹgham mọ ạna sịphe ogbo ẹmha phọ.

Jerimaya 26:24

Kụ ọlo loor esi dị Ahikam ọony phọ aSafan uḍighan bọ ịmi, ịmi ụ́ḅogh ụ́ngo weye phọ mọ oghiigh.

Jerimaya 34:3

Nạ kákpetenaan; kosiph ni nyịna kụ ọḅogh ọngo nyọdi. Nạ kạmiin ni nyọdi risigh rꞌarisigh kụ ạḅaanaan nyọdi, kụ nạ agbi ọghi ạBabilon.

Jerimaya 37:7

mọ ḅẹni Zẹdekaya mọ, “Awe ẹgham Ijipt phọ moḅetenu rotu ọlhoghonaan anyina ḍịghaagh, kụ ọlo bịdi koḅula ni.

Jerimaya 38:18

Kụ ọlo nạ óphoophe rạghaagh, pọ kọḅogh ni ẹmha phọ ẹphen ọngo we ạBabilon. Bịdi kọsu ni oguulemi, kụ nạ kákpetenaan bịdi.”

Jerimaya 38:2

Ọmoogh-we phọ mạḅem mọ, “Tọrobo oye lọ ạrol sịphe ẹmha phọ kamugh erugh ẹgham ghạlamo ọkoony ḅịle kẹn mꞌẹzegh. Kụ ọlo tọrobo oye lọ ạḍua kụ aphoophe rạghaagh ạngo weye ạBabilon phọ kókiigh; ịlo eḍighi eḍighi, ọdi kạpam ni ghuḍum ọdi.”

Jerimaya 42:22

Kụ ịduon phọ, ilegheri ịduon: nyina kemuughu ni, iini erugh ẹgham ḅịle mꞌesi ạdol ọkoony ḅịle mꞌesi ẹzegh sịphe ade phọ nyina rẹwa bọ ogheel ọrol phọ.”

Jerimaya 6:27

Jerimaya, dẹgh weye phọ ạmi aphogh, ịdipho ropogh ghan bọ okuron mụghumo ogey ni, ạwaaghi alegheri ịpe bịdi ọrol bọ.

Elegh ạJon 1:42

Kụ ọdi ạsighe Saimon aruomonaan Jịzos. Kụ ạJizos aphogh nyọdi kụ ạḅem mọ, “Nạ aSaimon ọony phọ ạJon. Ḍien ạna kokol mọ aKifas.” (Ịduon phọ kẹn pọ aPita phọ ni, kụ ẹmhu phọ pọ “aḍighiigh”.)

Ogonanami Phọ 3:12

Mị kaḍighi oye lọ ạkpar apu ẹko sịphe otu ịiḅereghi Ẹnaan phọ ạmi. Oye phọ ọpo kạ́ḍua mun sịphe phọ. Mị kạge loor ọdi ḍien Ẹnaan phọ ạmi, rꞌaḍien ẹmha omoom aJeruselem mọ Ẹnaan phọ ạmi kẹsighe bọ kꞌạke kụ eseere. Mị kạge kẹn ni loor phọ ọdi ḍimoom aḍien phọ ạmi.