Jerimaya 1:16 - Ạḍinya Iigbia

¹⁶ Mị kạliom ni weye phọ ạmi loor esi dị bịdi moḍighi ịkaraph; bịdi mụḅitonaan ịmi kụ rọpinyon ghan rịkia kọngo ruru, ọḅile ọkaaghi nmụny aghuḍuul kụ rọoḅereghi ghan.

Jerimaya 1:16 Iomraidhean Croise

2 Ạbudaam 22:17

ịdi eḍighi bọ bịdi mughel ịmi rọsuughinaan ghan ịnsens ịnon ạrumugh. Oomo ịpe bịdi ọsighe bọ rạghaagh ạbidi kụ oḍighinom mịngo ịmi ọghagh ologhi. Mị kạkagham ologhi Jeruselem, kụ ạnian dị kótue oḍime eemor.

2 Krọnikuls 15:2

Kụ ọdi ạghi ọteeny Ọdaam Ạsa. Ọdi ạmagh amitiom mọ, “Ụnaghanan ịmi, Ọdaam Ạsa rꞌoomo anyina awe aJuda rꞌạBenjamin. Ọmoogh-we phọ odianaan rꞌanyina lọ nyina edianaan rꞌọdi. Eḍighi ịyaar lọ nyina ẹwa nyọdi, ọdi kaḍighi ni dị nyina kẹmiin nyọdi, kụ nyina ephogh ḍịnon ạḍighaagh, ọdi kịḅitonaan ni inyina.

2 Krọnikuls 28:2

kụ ạdaph ghan reten ạbudaam mọ Ịzirel. Ọdi ạto mọ ọsighe ạmama ọkaaghiom rụmugh aBaal,

2 Krọnikuls 34:25

Bịdi mughel ịmi kụ oḍighi rịkia ọngo ịnon ạrumugh, kụ mosumeeny ophin ologhi ạmi esi oomo ịpe bịdi moḍighi bọ. Mọozaghami ophin ologhi ạmi esi aJeruselem, kụ kámeleghu.

2 Krọnikuls 7:19

Kụ eḍighi ịyaar dị nạ rꞌawe ạna rọḅaar ẹmhu esi iilogh rꞌịtooghi phọ mị mịngo bọ inyina kooseeny ịkaaneen ạrumugh,

Azaya 2:8

Ịkaaghineen ạrumugh kụ imuza sịphe ade phọ ạbidi, kụ bịdi rooseeny ghan rạraar dị bịdi kụ oḍighinom rạghaagh ạbidi.

Azaya 37:19

Mọsighe rụmugh phọ ạbidi ọkpooniom nịan — ịdi íḍighi rụmugh rꞌẹnum, ịkaaneen ạraraar ireeny rꞌasighiigh bịn dị awe kụ oḍighinom rạghaagh.

Azaya 44:15

Oye rạsighe ghan ekulha oreeny kạkpooniom nịan, kụ ạsighe ẹnon ekulha kạkaam ịyaar ooseeny. Ạsighe ẹnon ekulha kẹn ọdi ạkpooniom nịan ọonma rꞌoḍighinom ạbred; kụ ḍịeri phọ ạkaam ẹmugh kụ aaseeny ghan.

Azaya 65:3

Bịdi umugholoor úlegheri kụ oḍighi ghan ịdi ephin ologhi ạmi. Bịdi ụphinyon ghan rịkia ologhi aroghoony iigbia kụ ọsuughi ịnsens renmeny ạbuo aruru.

Jerimaya 10:15

Bịdi ị́moogh ịyaar oḍighinom kụ ẹkpe ni ọḅitonaan; koogulemi ni bịdi mem lọ Ọmoogh-we phọ aru ọkpilighi ạbidi.

Jerimaya 10:3

Ịiḅereghi awe phọ ạbuen phọ ị́moogh ịyaar oḍighinom. Oler oreeny ẹpe ẹekpua phọ; ọkaam-ạmaka phọ ạsighe rạraar oḍighi phọ ọdi kụ ạkaam,

Jerimaya 11:12

Ọpo kụ amem dị awe phọ aJuda rꞌawe phọ aJeruselem kọki ọteeny rụmugh phọ ịpe bịdi rọngooghi ghan bọ rịkia phọ kụ omoghiom ọloghonaan ạḍighaagh. Kụ ọlo ạrumugh phọ ịpe phọ kétue ẹpel bịdi mem mọ ịiḅaghami phọ ịphen phọ ketu bọ.

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 15:6

Nyina mighel ịmi; nyina mịgumom ịmi ọman. Kụ iḍighi kụ mị mạgbuton ḍịghaagh ạmi ọogbighiḍi inyina loor esi dị mị útue mun ụ́pamaghan ọghagh ologhi phọ ạmi.

Jerimaya 16:11

Kụ agbi nụun ọḅeni ạbidi ịpe Ọmoogh-we phọ mạḅem bọ mọ, ‘Ạburude ạburude phọ anyina ụwile ịmi kụ ọoḅereghi ghan ọḅile okumu ịnon ạrumugh. Bịdi ụḅitonaan ịmi ḅịle kẹn ụ́naghanan ịtughemi phọ ạmi.

Jerimaya 17:13

Ọmoogh-we, nạ kụ oḍuom ologhi phọ Ịzirel; kosiphe ni umugholoor oomo awe lọ ọḅitonaan nyịna. Bịdi kope ịdipho asiḍien lọ ọge esi ophugh, loor esi dị bịdi mọḅitonaan nyịna Ọmoogh-we phọ aḍighi bọ okol ạmubo ạmuum.

Jerimaya 18:15

Kụ iḍighi ika nụun kụ awe phọ ạmi muwula bọ ịmi; bịdi mọsu ịnsens ọngo ruru. Bịdi mokpeteghaan sịphe eten phọ ẹpe bịdi mụki bọ, bịdi rọ́daph mun igbaany areten phọ; bịdi rotelhe ghan reten dị ụ́sam.

Jerimaya 19:4

Mị kaḍighi ni ịphen phọ loor esi dị awe phọ mụḅitonaan ịmi ọḅile ọopu esi phọ ọtol sịen kụ rọpinyon ghan rịkia kọngo ịnon ạrumugh — rụmugh dị bịdi rꞌạburude ạburude ạbidi rꞌạbudaam ẹmha phọ aJuda kőlhegheri ghan. Bịdi momuzeḍiom esi phọ ịsien ịḅaal awe dị ụ́piom,

Jerimaya 2:13

loor esi dị awe phọ ạmi moḍighi ịyal ọdo ịkaraph: bịdi mụwile ịmi ọḍua, okol ạmuukia ạmuum mọ, kụ bịdi mọghi oguphogh riini, riini dị kétue ẹpam mụum rꞌẹnum rꞌẹnum.

Jerimaya 2:17

Ịzirel, nạ kụ ụwa ni ịphen phọ! Nạ ụwile ịmi ạḍua, Ẹnaan phọ ạna Ọmoogh-we phọ, mem dị mị aḍiemiom ni nyịna rạkiom.

Jerimaya 2:19

Ịkaraph phọ ạna kẹliom ni nyịna, kụ ọwile ạmi phọ nạ ạwile bọ kesoph ni ọoruen ephume nyịna. Nạ kalegheri ni eghiḍim dị ẹdi rꞌịdi eeph ọwile ạmi Ọkar Ogbogh Ọmoogh-we phọ, ḅịle rꞌịduon nạ ịmi ụ́naghanan mun bọ. Mị Ọkar Egbogh Ẹnaan Oomo Ịikpo Ọmoogh-we phọ kụ ụḅem.”

Jerimaya 2:28

“Edi ẹghen ạrumugh phọ nyina ẹkaaghinaan bọ siloor phọ anyina? Mem lọ nyina edi esi ịiḅaghami, bịdi oru ịphel inyina — mụghumo bịdi otue! Juda, nyina ẹmoogh ịbadi ạrumugh ịdipho nyina ẹmoogh bọ ịbadi igbogh ạramha phọ.

Jerimaya 4:12

ookuugh phọ ratu bọ esi ịto Ọmoogh-we phọ kạkpar ri iboom! Ọmoogh-we phọ rꞌaloor kụ rasoph ọoruen kạngo weye phọ ọdi.

Jerimaya 4:28

Ade phọ kẹto ni ọto; okuaḍio phọ kabil li. Ọmoogh-we phọ mạḅem kụ kánme ologhi phọ ọdi. Ọdi magbiighi ịpe ọdi kaḍighi bọ kụ káḅula ọman.

Jerimaya 44:17

Yoor koḍighi ni tọrobo ịyaar lọ yoor mọḅem mọ yoor koḍighi. Yoor koḍighi rạraar aghuḍum ọngo um-ạke ayoor, Ogbogh Ạnir kꞌẠke, kụ yoor omoor miim ọngo nyọdi, ịdipho yoor rꞌạburude ạburude ayoor, ọolha-ẹmha phọ ayoor rꞌabuḍiemiom mọ ayoor, oḍighi ghan bọ ẹpe rạmha phọ aJuda rꞌaroḅodo aJeruselem. Kụ yoor ọmoogh ghan bọ eboom eḍien olhe, yoor ọmoogh bọ ẹelha ḅịle kẹn yoor ịiḅaghami ụ́moogh ghan.

Jerimaya 5:29

“Kụ ọlo mị Ọmoogh-we phọ kạtuan ni rạraar phọ ịphen phọ ạliom bịdi; mị kaḅulemian ni eelhe phọ ẹphen phọ.

Jerimaya 5:9

Ị́kpianaan dị mị kạliom bịdi loor ạraraar phọ ịphen phọ, ạḅile aḍighi aḅulemian eelhe dị ẹrol ịduon ḍụghum?

Jerimaya 51:17

Awe dị ọmiin ịphen phọ ologhoma mọ bụno olegheri-ịyaar rꞌọnaghanan ạḍughum ụ́moogh. Bụphe rọkaaghi bọ rụmugh ọmoogh mabi loor esi dị ạrumugh phọ bịdi rọkaaghi bọ oopho ịyaar dị ị́moogh ghuḍum.

Jerimaya 7:17

Nạ rạ́miin ghan ịpe bịdi roḍighi yogh bọ ẹpe ạramha phọ aJuda ḅịle kẹn rꞌaroḅodo phọ aJeruselem ḍụghum?

Jerimaya 7:18

Ịbam ạnmuny phọ rọso ghan ịpe, kụ alephiri phọ ọkpooni nịan kụ ạnmariir phọ okirion ịbiakpa dị ọgbe kụ ọgbaghaḍi rooḅoghoḍi ịyaar olhe kụ ọngo eru phọ ẹpe bịdi oghol bọ mọ Ogbogh Ạnir kꞌẠke. Bịdi ọḅile kẹn ni romoroghi ghan miim kọngo ịnon ạrumugh ọbo ephin ologhi ạmi.

Jerimaya 7:9

Nyina remiighi ghan, kẹze weye, kele ẹmha, keghunya kụ egbi ọgba ọkpe, kẹphinyon rịkia ẹngo Baal, kẹḅile ẹeḅereghi rụmugh dị nyina ke̋lhegheri ghan.

Izikiel 16:18

Nạ ạsighe rukpe phọ olo bọ mị mạngo bọ nyịna kụ amunemi ạnyu igbudu phọ, kụ nạ ạngo igbudu phọ mụnum-ọliv phọ rꞌịnsens phọ mị mạngo bọ nyịna.

Izikiel 24:14

Mị Ọmoogh-we dị ạmoogh oomo ịikpo kụ mạḅem. Amem mọ mẹteeny dị mị kaḍighi. Mị kạ́ḅitonaan ịkaraph anyina mꞌoḍeenaan igbiririph mꞌọmoogh ọnma ighirigiir. Kọliom ni nyịna esi ịpe nạ maḍighi bọ.” Ọmoogh-we dị ạmoogh oomo ịikpo phọ kụ mạḅem.

Hosia 11:2

Kụ mị ạkuami rạmagh, ọdi akiil ghan ghụn rụkelan bịn ịmi. Awe phọ ạmi ọpinyon rịkia rọngo ghan Baal; bịdi rọsuughinaan ghan ịnsens ịkaaghineen ạrumugh.

Hosia 8:6

Oye ẹmaar ọnyo Ịzirel kụ ạlhem bọ mọony aghuḍuul phọ, kụ kẹ́naan rꞌẹnum. Aḍilephiri ạnam agol phọ rooseeny ghan bọ ẹpe Sameria kootughuḍi ni eten ịpherepe!

Joel 2:11

Ọmoogh-we phọ amooghaam ịto ạḅeni we ẹgham ọdi. Aḍita dị ọnaghanan nyọdi ọbugh kụ ọmoogh ịikpo. Aḍio Ọmoogh-we phọ keḍighi ika aḍiigu! Ạnhian kụ kakpetenaan?

Iiḍighi 7:41

Pọ kụ amem dị bịdi ọka onyugheel aḍilephiri ạnam ọoḅereghi, kụ oḍighi ịyaar aghuḍum ọngo ịyaar phọ bịdi ọka bọ kụ ole ẹyaal oophughemiom.

Dutoronomi 28:20

“Ọmoogh-we phọ katom ni itulughian rꞌọwalawala rꞌọgbaragbara etu isoroghuom inyina sịphe oomo arukumuan phọ anyina, tụtu nyina eegulaan epe egina amem, loor ạsipioghom mọ anyina, ịdi eḍighi bọ nyina mighel ịmi.

Dutoronomi 31:16

Kụ Ọmoogh-we phọ ạḅeni Mozis mọ, “Rẹteeny dị nạ kạnaani rꞌạburude phọ ạna, kụ awe phọ ạbuen kụwile ịmi oyeela ọdaph rụmugh aruuruen ade phọ ạḍiphe bịdi rọki bọ ọḅophoghan phọ, kụ ughel ịmi kụ ọphue ịyo phọ ạmi ịpe mị rꞌạbidi oghiran bọ,

Josua 24:20

Eru mạar dị nyina eghel Ọmoogh-we phọ, kụ eeseeny ghan iiruen ạrumugh, pọ ọdi kakiton isoman inyina kụ ịmiine inyina iphiemi inyina, ịdi eḍighi bọ ọdi miḍighi ni inyina ịdi ẹnighe.”

Ogonanami Phọ 9:20

Bụphe osugha bọ kụ imananaany phọ ịphen phọ ị́teeny bọ sịen aḅirini phọ ụ́bile ịpe bịdi ọkaaghi bọ. Bịdi ụphamanam ni ooseeny ghan aruru rꞌạnmuny aghuḍuul dị ọkaaghiom gol rꞌasilva rꞌenaba rꞌẹna rꞌoreeny, rạraar dị eten rẹ́miin, ḍụghum rẹ́naghan, erelhe rételhe.