Jerimaya 1:15 - Ạḍinya Iigbia

¹⁵ loor esi dị mị rạmagh oomo areelhe phọ edi bọ ẹpe ephunom mọ mọ oru. Ạbudaam mọ ạbidi kosereghi sịgada ọdaam-ẹmha phọ ạbidi sịphe ạrunhu-aḍibuo phọ aJeruselem ḅịle kẹn okitonom iikpe phọ ọdi, kụ ọḅile okitonom ịpheri phọ ạramha phọ aJuda.

Jerimaya 1:15 Iomraidhean Croise

Azaya 22:7

Sịphe ariḍiiny ẹnuum mọ aJuda arughuugh ẹgham kụ imuza. Ạbuo ẹgham ọman ịnam-ạsu ụmeera ghisigh ạrunhu-aḍibuo phọ aJeruselem.

Jerimaya 10:22

Iler aḅeri! Ịinaghan meru! Iboom ịlooghi edi ni eniin eelhe ẹpe ephunom mọ; awe ẹgham mọ ạbidi kọsighe ni rạmha phọ aJuda otene de ophugh, ekpisi dị ạsino bịn kụ erugh.”

Jerimaya 10:25

Kiton ghẹlhe phọ ạna asomori reelhe phọ ạbuphe nyịna rọ́oḅereghi bọ ḅịle kẹn rꞌesi awe phọ ạbuphe ọḅitonaan bọ nyịna. Bịdi mọze weye phọ ạna; bịdi muugulemi iyoor ọmadan ọḅile opiemi eelhe phọ.

Jerimaya 13:20

Jeruselem, pogh. Awe ẹpomoghian phọ ạna mọḍua ẹpe ephunom mọ rotu! Odi ẹghen awe phọ ọngo bọ nyịna ophogh phọ, awe phọ ạna nạ ạtuan ghan bọ aphoophe loor phọ?

Jerimaya 25:28

Kụ eḍighi ịyaar lọ bịdi úmeera ụ́boor nyịna tọbili phọ, kụ úmeera kẹn ụ́pugholom, pọ ḅẹni bịdi mọ Ọmoogh-we Ẹnaan Oomo Ịikpo phọ mạḅem mọ kọkpaariom ni bịdi ọpugholom.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 33:10

Ọmoogh-we phọ ạḅem, “Awe rọḅem ghan mọ esi phọ ịsien ẹkigh de ịisaar dị awe rꞌịnam ítugh. Kụ bịdi ụ́pioman; ạramha phọ aJuda rꞌaroḅodo phọ aJeruselem epoghogho ni; awe rꞌịnam ílho ghan. Kụ ọlo riisi phọ ịphen nyina kẹḅile ni ẹnaghan

Jerimaya 34:1

Ọmoogh-we phọ ụḅaanaan ni ịmi mem dị ạNebukadnezar ogbogh ọdaam mọ ạBabilon rꞌawe ẹgham mọ ọdi, rꞌaḍita awe ẹgham ịnon areelhe rꞌạbunon aweye dị odi eeḍian ọdi ọḅile oḍighan rꞌọdi, ozuom ghan Jeruselem rꞌạramha phọ etuman bọ sịphe.

Jerimaya 34:22

Mị kạto ạḅeni kụ bịdi kotigheel sịen ẹmha phọ ẹphen. Bịdi kozuom ni, ọsighe, kụ ọsu nịan oogulemi. Mị kaḍighi rạmha phọ aJuda mụdi ade ịisaar dị oye útugh. Mị, Ọmoogh-we phọ, kụ mạḅem.”

Jerimaya 39:3

(Mem dị mọsighe bọ Jeruselem, oomo abugbogh ạbuo iiḍighi ọdaam mọ ạBabilon uru ni kụ ọrologhu ude sịphe Ọnhu-aḍibuo Ogbo phọ — sịphe ogbo ạbidi aNegal Sarezer, ạSamgar Nebo, aSaasekim rꞌọnon aNegal Sarezer.)

Jerimaya 4:16

Bịdi moru ọphur ạruru reelhe phọ rꞌọḅeni aJeruselem mọ ẹpomoghian mọḍua ni ẹekela ekpisi rotu. Ẹpomoghian phọ ạbuen phọ kọlooghiom rạmha phọ aJuda,

Jerimaya 4:6

Ịma eten phọ rẹki bọ Zạyon! Ikiil ẹghi ạaghian! Kétoph mem! Ọmoogh-we phọ mạsighe ịminimiin ratu; ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 43:10

Kụ agbi ọḅeni ạbidi mọ mị Ọmoogh-we Egbogh Ẹnaan phọ Ịzirel kạsighe otelhedom ạmi Nẹbukadnezar ọdaam eelhe phọ ạBabilon atumom. Ịsien, ạnyu asighiigh phọ iphẹn nạ maḍi bọ, kụ ẹdi ọdi kaseere ạgada ọdaam mọ ọdi ạḅile agim ogbogo ạbudaam mọ ọdi ạnyu asighiigh phọ ịphen nạ maḍi bọ.

Jerimaya 44:6

Ịpe kụ iḍighi kụ mị aakuom bọ ọghagh ologhi ạmi rꞌophin ologhi ạmi rạmha phọ aJuda rꞌẹpe aroḅodo phọ aJeruselem, kụ mị ạsu bịdi nịan. Bịdi eegulaan kụ ebeeph ọmiin, ịdipho edi bọ kꞌarodon.

Jerimaya 46:24

Moofolomi we phọ Ijipt; awe ephunom mọ mọkpar opu bịdi. Mị Ọmoogh-we phọ kụ mạḅem.”

Jerimaya 5:15

Nyina awe phọ Ịzirel, Ọmoogh-we phọ mạsighe eelhe dị edi egher ratu ozuom anyina ẹgham. Eḍighi ni egbaany eelhe dị ẹmoogh ịikpo, eelhe dị nyina ị́naghan ọnhu ẹmha ạbidi.

Jerimaya 6:22

Ọmoogh-we phọ ạḅem mọ, “Awe mọḍua eniin eelhe ẹpe ephunom mọ rotu; eelhe dị ẹmoogh ịikpo kụ ẹkel iboom, bịdi rookolobian ẹgham.

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Ịkunuma 5:11

Mobiighi nmạriir ayoor ọkar ịsiphe Eegum ạZayon; tọrobo ẹbam ẹmha aJuda nmạnyaan phọ ayoor mọkpaariom mọ omeera bụno ọmina yogh.

Izikiel 32:30

“Oomo ịkpana ạbudaam mọ ạga ephunom mọ odi sịphe, kụ ịdipho kẹn kụ ịdi awe aSaidon odi aani. Ịikpo ạbidi mem ileenye ḍiigu, kụ nyịidipho bịdi mọrol dọl aroofola rꞌạbuphe ọze bọ kụ moḍi bọ, dị úḍuna. Bịdi ọmoogh iniin aroofola rꞌạbuphe mogheel bọ ọmar iḍim.

Joel 2:20

Mị kạsighe ḍita igurubia phọ ẹḍua bọ ephunom mọ kụ eru kụ aporogh iniin ịbadi ạkiom ẹdala ịisaar phọ. Ḍịkool arisigh phọ ạbidi koporogh osumeeny Ọphiiny-Ạla phọ, ḍita ọman phọ kosumeeny Ọphiiny aMeditarenian. Ịpe emuughu bọ kepur ri. Agey ni, ọdi muḍighi iboom ạraraar.

Zẹkaraya 6:6

Oghuugh-ude phọ ọpo iḍiil ạrusu phọ kụ eḍur ghan bọ anyeene ẹpe ephunom mọ rạki Bạbilonia; ịphalaḅaal ạrusu phọ inyeene ẹpe erumuḍio phọ remeel ghan bọ, kụ ịpe epoghogho bọ inyeene eelhe ẹpe esoorom mọ.