Jerimaya 1:14 - Ạḍinya Iigbia

¹⁴ Kụ ọdi ụḅeni ịmi mọ, “Oogulemi kapul ẹpe ephunom mọ kụ azuughiom oomo awe lọ odi sịen ade phọ ạḍien,

Jerimaya 1:14 Iomraidhean Croise

Azaya 14:31

Ịlooghi kụ emoghi ẹlhom ọloghonaan ạḍighaagh, oomo anyina ạramha aFilistia! Ịtol esi ekpereghaan, oomo anyina! Ọotu ophugh ạḍua ni ẹpe ephunom mọ ratu — aḍighi ḍita awe ẹgham dị ọlo eepuph úlho sịphe ạsiadam mọ ạbidi.

Azaya 41:25

“Mị mạsaḅar ri oye dị arugh ẹpe emitenom erumuḍio phọ; mị kạpam ni nyọdi atumom kụ ạḍua ẹpe ephunom mọ azuom ẹgham. Ọdi rạazeghi ghan bupoghom mụdi ọogha, ịdipho ọlhemom aroko rạazeghi ghan bọ ẹḍaany.

Jerimaya 10:22

Iler aḅeri! Ịinaghan meru! Iboom ịlooghi edi ni eniin eelhe ẹpe ephunom mọ; awe ẹgham mọ ạbidi kọsighe ni rạmha phọ aJuda otene de ophugh, ekpisi dị ạsino bịn kụ erugh.”

Jerimaya 11:17

“Mị Ẹnaan Oomo Ịikpo Ọmoogh-we phọ kụ ụzuph Ịzirel rꞌaJuda; kụ nyịidipho mị rạpaar ghan ophiemi ạbidi. Bịdi kụ ụwa ni ịphen phọ loor esi dị bịdi moḍighi ịkaraph; bịdi moḍighi ịdi repin ologhi ạmi esi ọphinyon ạrikia ọngo aBaal.”

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 31:8

Mị kaakpomoghi ni bịdi kꞌẹpe ephunom mọ kụ ạamaghagh bịdi kꞌaruukuna ade phọ. Awe ikpom ariḍien rꞌạrukugha kotu aani ni, ạnmariir lọ odi rꞌịyal amem aloor rꞌạbulo oghunughun rakun. Bịdi kotigheel kụ oḍighi egbogh eelhe.

Jerimaya 4:6

Ịma eten phọ rẹki bọ Zạyon! Ikiil ẹghi ạaghian! Kétoph mem! Ọmoogh-we phọ mạsighe ịminimiin ratu; ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 46:20

Ijipt ạkigh ḍigey ạnam dị ạgay ẹpe ephunom mọ azuom rạtanyi.

Jerimaya 47:2

Ọdi ạḅem mọ, “Ipogh! Ạmuum rakil li igey ẹpe ephunom mọ karu ịdipho ọphiiny dị aḍigho reḍigh. Kạminoghom ni de phọ rꞌoomo ạraraar lọ edi sịphe, rạmha rꞌaweye lọ orugh sịphe. Awe kọlom ọloghonaan ạḍighaagh; tọrobo oye lọ odi sịen ade phọ kạtolom rꞌizin.

Jerimaya 50:41

“Awe ọḍua eelhe dị edi ẹpe ephunom mọ kụ rotu, eboom eelhe dị edi ekpisi dị ẹkel; ịbadi ạbudaam rookolobian ẹgham.

Jerimaya 50:9

Mị kapighemi ḍita areelhe dị ẹmoogh ịnyaam ẹpe ephunom mọ kụ aḍighi ịdi bịdi kozuom Bạbilonia! Bịdi kọkoolan ịlo elephiri kụ ọkpar opu. Bịdi awe dị ọmaar ịtaya dị ẹkpina ạbidi rẹ́piom ghan.

Jerimaya 6:1

Weye ạBenjamin, ikiil esumughu! Isumughu ẹḍua Jeruselem! Ipula ọkuodu phọ ẹpe Tekoa kụ ẹkpooni nịan eḍeenaan phọ ẹpe Bẹt Hakherem. Ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 6:22

Ọmoogh-we phọ ạḅem mọ, “Awe mọḍua eniin eelhe ẹpe ephunom mọ rotu; eelhe dị ẹmoogh ịikpo kụ ẹkel iboom, bịdi rookolobian ẹgham.

Izikiel 1:4

Mị uphogh ni ạnyu kụ ạmiin oghim dị ạḍua ẹpe ephunom mọ kụ ratu. Ọmepheghian aḍio rẹmu kemite esi oboom ọotu, kụ okuaḍio phọ akitonom bọ nyọdi rada. Sịphe aḍio phọ rẹmepheghian bọ, ịyaar ịmu ni ịdipho enaba.

Izikiel 24:3

Ḅẹni we ịgbagharan phọ ạmi ḍidogh phọ ạḍien mọ mị, Ọmoogh-we dị ạmoogh oomo ịikpo phọ, madoghonaan bịdi: “Lọgh mụum amuzeḍi guugh phọ kụ ạdepheri sịphe ạnian phọ.

Joel 2:20

Mị kạsighe ḍita igurubia phọ ẹḍua bọ ephunom mọ kụ eru kụ aporogh iniin ịbadi ạkiom ẹdala ịisaar phọ. Ḍịkool arisigh phọ ạbidi koporogh osumeeny Ọphiiny-Ạla phọ, ḍita ọman phọ kosumeeny Ọphiiny aMeditarenian. Ịpe emuughu bọ kepur ri. Agey ni, ọdi muḍighi iboom ạraraar.

Zẹkaraya 6:6

Oghuugh-ude phọ ọpo iḍiil ạrusu phọ kụ eḍur ghan bọ anyeene ẹpe ephunom mọ rạki Bạbilonia; ịphalaḅaal ạrusu phọ inyeene ẹpe erumuḍio phọ remeel ghan bọ, kụ ịpe epoghogho bọ inyeene eelhe ẹpe esoorom mọ.