Jerimaya 1:10 - Ạḍinya Iigbia

¹⁰ Rodon phọ mị mạngo nyịna ịikpo apeleghiom rạmha rꞌareelhe ịlo oruphuron rꞌolereghi, oogulemi rꞌọkpar opu, ọlogh ọmeremi rꞌọzuph.”

Jerimaya 1:10 Iomraidhean Croise

1 Ạbudaam 17:1

Oniin oyil ịmiin ọlo aTisbe ạrol li dị aghol mọ Ilaija. Ọdi arugh ẹpe eelhe ạGiliad. Ọdi ạḅeni Ehab mọ, “Ịdipho Ọmoogh-we Ẹnaan phọ Ịzirel odi bọ ni, ọpo mị rakumu bọ, ooto kásoor, ọlophia kạ́loph sịa phọ ịphen, emuton dị mị ạḅem.”

1 Ạbudaam 19:17

Tọrobo ọlo akpetenaan elhool ẹgham mọ ạHazael, pọ aJehu aghiigh ghan, kụ tọrobo ọlo akpetenaan elhool ẹgham mọ aJehu, pọ Ilaisa aghiigh ghan.

Ọtughemia Phọ 3:3

mem oghiigh rꞌamem ookonom, mem olhereghi rꞌamem ọloghoḍi.

Jerimaya 1:5

“Mị ụsaḅar ri nyịna kụ mị agbi bọ ọngo ạna ghuḍum mọ, ḅịle kẹn tụtu kọmar bọ nyịna mị mạsaḅar ri nyịna mọ ḍighi oyil Ẹnaan ẹpe areelhe phọ.”

Jerimaya 24:6

Mị kakori ni bịdi kụ ạsighe bịdi aḅulemi sịen ade phọ ạḍien. Mị kạlogh ni bịdi ạmeremi, mị kálereghi; mị kạzuph ni bịdi, mị kátuphuron.

Jerimaya 25:13

Oomo phọ ịiḅaghami phọ ọge bọ sịen ạḍinya phọ ạḍien — ịpe mị ạḅeni bọ aJerimaya mọ mị kạ́bile oḍighi areelhe phọ kụ ịdi mị kạsighe ạliomom Bạbilonia.

Jerimaya 31:28

Kụ ịdipho mị amiighe bọ loor kụ aruph, amiteghom, ạkpar apu, aphiemi kụ aagulemi, ịduon kụ ẹdi mị kamiighe loor aḅeph kụ ạmeremi yogh.

Jerimaya 31:40

Oomo eḍiiny phọ, esi phọ roḍiighi ghan bọ iḍim mọ kụ ọḅile rotoph ghan atopha, rꞌarere phọ edi bọ risigh okol ạmuum ạKidron kụ ẹghi esi Ọnhu-aḍibuo Ịnam-Ạsu ạga emitenom erumuḍio phọ — oomo phọ ịdi keḍighi esi ạdol iigbia ạmi. Ẹmha phọ amem kẹ́tol mun dị koogulemi.”

Jerimaya 36:2

“Sịghe ḍikpooghineen ạḍinya kụ ạge sịphe phọ tọrobo ịyaar lọ mị ạḅeni nyịna ịlo Ịzirel rꞌaJuda rꞌoomo areelhe phọ. Gẹ tọrobo ịyaar lọ mị mạḅeni ghan nyịna kꞌẹḅel amem mọ mị ạḅaanaan bọ nyịna mem dị aJosaya kụ aḍighi ọdaam-ẹmha kụ ẹteeny nyịidipho.

Jerimaya 44:27

Mị kaḍighi ni ịdi nyina kéḍum; mị kiphiemi ni inyina. Oomo phọ anyina kemugh ni, iini erugh ẹgham ḅịle mꞌesi ẹzegh tụtu rꞌoniin ọnyo anyina kásugha.

Jerimaya 45:4

“Kụ ọlo mị Ọmoogh-we phọ ralereghi ịpe mị mạlhoghoḍi bọ kụ ratuph ịpe mị mạzuph bọ. Mị kaḍighi ịphen phọ oomo ade phọ.

Izikiel 21:19

Ọdi ạḅem, “Oye dị kamugh ni, kọghoron amitiom ịyal areten ekpisi dị ogbogh ọdaam ạBabilon phọ kạḍua atu rꞌelhool ẹgham ọdi. Ịyal phọ areten phọ kemiigh ni eniin phọ eelhe phọ. Gim eḍeenaan esi phọ areten phọ eḍighi bọ ịḅari.

Izikiel 23:36

Ọmoogh-we phọ ụḅeni ịmi mọ, “Oye dị kamugh ni, nạ aakolobian ni osophonaan ọoruen Ohola rꞌOholiba ḍụghum?” Gbạanaan bịdi ịlo ịkaraph ạraraar isa phọ bịdi moḍighi bọ.

Izikiel 32:18

Ọdi ạḅem, “Oye dị kamugh ni, moghinaan oomo ịbadi awe phọ Ijipt. Ḅạr bụo ịpheri phọ areelhe phọ ọmoogh bọ ịikpo phọ rꞌạbidi kụ ạghiom ọmar iḍim.

Izikiel 36:36

Kụ areelhe phọ ekoom bọ kụ ípe bọ kelegheri ni mọ mị Ọmoogh-we phọ ạḅile ghan ni raselemi rạmha lọ ephe, kạḅile aḅeph rere dị úḅeph ghan. Mị Ọmoogh-we phọ maguanaan mọ mị kaḍighi ịduon — kụ mị kaḍighi ni.”

Izikiel 43:3

Uḍien phọ ọphon ạghigh nyọpo mị ạmiin bọ mem mọ Ẹnaan eru bọ ophiemi aJeruselem, rꞌọpo mị ạmiin bọ ọogaany Ọphiiny aKebar, kụ mị ạmina aḅololo aghisigh ạmi azuan ude.

Hosia 6:5

Ịdipho kụ iḍighi kụ mị marom bọ riil phọ ạmi rꞌadom ọoruen rꞌoogulemi. Ịdi mị rạwa esi anyina eganana kụ eetolonu.

Ẹmos 3:7

Ọmoogh-we Oomo Ịikpo phọ káḍighi ịyaar dị igbiighi phọ ọdi kágananami aḍeenaan butelhedom mọ ọdi, riil phọ.

Ẹmos 9:11

Ọmoogh-we phọ ạḅem mọ, “Aḍio retu ni dị mị kaḅulemi dọl ọmar phọ aDevid, ọpo ạghigh bọ ịdipho otu dị ameel kụ aagulaan. Mị kaselemi ni iikpe phọ ọdi kụ mị ạḅile aḅulemi. Mị kạḅile ni ạlogh ạkighemi ịdipho ạrol bọ mem dị meten.

Zẹkaraya 1:6

Mị urom ghan butelhedom mọ ạmi riil phọ kụ ọḅeni ịto phọ ạmi ọḅile ọphur rụru bụrude ạburude phọ anyina, kụ ọlo bịdi úpogh riil phọ ụ́logh elegh kụ bịdi ụmiin ni ịikpia phọ. Pọ kụ amem dị bịdi ogbi okiton kụ ogbi ọlogh elegh mọ mị Ọmoogh-we Oomo Ịikpo phọ kụ mạlhiom bịdi ịpe ẹkpianaan bọ bịdi ḅịle kẹn rꞌịpe mị magbiighi bọ oḍighi phọ.”