Jems 5:9 - Ạḍinya Iigbia

⁹ Bụo asiya, oniin nyoniin kúgumom ghan, ọbo Ẹnaan kisophonaan ghan bọ inyina ọoruen. Oogboom ịiruen phọ mạkpulan rạnya ghan ọrolom ạgada phọ ọdi.

Jems 5:9 Iomraidhean Croise

Emiighom 4:7

Mụghumo nạ uḍighi ni ịdi ẹnighe, mịna nyịna mụ́seph ḍụghum? Kụ ọlo eru mạar dị ịpe nạ aḍighi bọ ị́nighe, pọ ịkaraph ẹḅona ni sịphe eghuugh phọ ạna, rẹwa ni ọtooghi ọngo ạna, kụ ọlo kụruru ni ạkpar apu nyọdi.

Ạsuor 59:15

ịdipho asuogh lọ reyeela oghiraan ọwa eḍien kụ rẹkughian eḍighi ịyaar lọ eḍien phọ ị́per.

Izikiel 7:12

Amem mọ retu ni. Aḍio phọ mẹebeeph mem dị ogho rꞌaal ạraraar kẹ́man mun ịyaar, ịdi eḍighi bọ ạghelhe phọ Ẹnaan kameelom ni tọrobo oye iniin phọ.

Lịvitikos 19:18

Ụ́wa ghan oḍighi oḅulemian, ụ́mooghom ghan ẹguuny ologhi nmụny awe phọ ạna. Pọmoghian ọnon oye ịdipho aloor phọ ạna. Mị kụ Ọmoogh-we phọ.

Matiu 24:33

Ịduon phọ kẹn, mem dị nyina ẹmiin oomo phọ ịphen phọ, nyina kelegheri ni mọ Ọony phọ Oye masi sịen ẹda ạḍighaagh.

Elegh ạMak 13:29

Ịduon phọ kẹn, mem dị nyina ẹmiin dị oomo phọ ịphen remiteghu, nyina kelegheri ni mọ Ọony phọ Oye masi sịen ẹda ạḍighaagh.

1 Bụo ạKorint 10:11

Oomo phọ ạraraar phọ ịphen phọ imiteghunaan bịdi ịlo ọsuemi ạbunon ologhi, kụ ọge bọ oseere ọphurom ạruru ayira, ịdi eḍighi bọ yira odi mem dị aruukuna phọ rẹteeny.

1 Bụo ạKorint 4:5

Ịduon kụ iḍighi kụ kéḅonom ghan osophonaan oye ọoruen kụ egbi ọteeny amem mọ. Ọmoogh-we phọ aru, kạsighe ni rạraar ịbooghian ufiri phọ amitiom ẹphalaḅaal, kụ agananami ịitughian phọ ịpe ạaghian bọ sịphe iloghi phọ ạbidi. Kụ ẹtuan sịphe kụ tọrobo oye ạboor Ẹnaan ḍịseph phọ ạḍiphe ẹgbaanyan bọ nyọdi.

2 Bụo ạKorint 9:7

Tọrobo oye ạngo ghan ịpe eḍigh bọ ologhi phọ ọdi, kụ́ḅiphighu mụdi ụkpaariom ni nyọdi, ịdi eḍighi bọ Ẹnaan rẹpomoghian ghan nyọpo rạngoom ghan bọ rꞌophooph ologhi!

Bụo aGaletia 5:14

Ịdi eḍighi bọ oomo ịkal Ologh phọ ọkoroghi sịen ọkol phọ ọphon mọ, “Pọmoghian ọnon oye ịdipho aloor phọ ạna.”

Bụo aGaletia 5:26

Yira kúḅo ghan iḅo-igbogh. Oniin nyoniin kụ́pa ghan. Oniin nyoniin kụ́suom ghan ologhi ẹḍim.

Jems 4:11

Bụo asiya, kẹ́gbaanaan ghan oye ịkaraph. Ọlo ạgbaanaan ọnon ọnyo asiya esi aKraist kụ asophonaan ọkaraph ọoruen, pọ mạghaaph ạpuenom Ologh phọ, akolaam mọ ọno oye ịiruen. Eḍighi dị nạ rạaḅeghion ghan Ologh phọ kaphogh, pọ nạ rạ́naghanan mun Ologh phọ, nạ maghola ḍien mọ ạna oye ịiruen.

Jems 4:12

Ẹnaan bịn kụ rẹloghoḍi ghan iilogh kẹḅile ẹeḅeghion we ephogh. Ọdi bịn kụ ạmoogh ịikpo ophiemi ghan rꞌoḍume ghan. Nạ ragbiom ghan ologhi mọ nạ ạnhian kụ raagbo ghan bọ ịkaraph ịiruen kạḅam rụmhu ạbunon awe phọ?

Jems 5:10

Bụo asiya, ịitughian riil phọ ạbuphe ọsighe bọ ḍien Ọmoogh-we phọ kụ ọghaaphom ghan bọ. Ịtuughaany bịdi dọl ọkparam ghan ịminimiin.

Jems 5:7

Bụo asiya, ịmoogh ọkparam ekori ḍio phọ Ọmoogh-we phọ katu bọ, ịdipho oḅephom ozo rạkparam ghan bọ ni kakori ọḅel ọlophia phọ tụtu ẹrol ẹteeny osoor mem ibugha phọ ẹman bọ ni ịyaar esi ọdi.

1 Pita 4:5

Kụ bịdi kọkaaph ni ịpe bịdi oḍighi bọ oḍighi phọ ọḅeni nyọpo ạmeera bọ ni oogbo ịiruen ọngo ạbuphe odi bọ rꞌạbuphe momuughu bọ.

1 Pita 4:9

Oniin ạlogh ghan nyoniin otu, kụ kúgum ghan!

Ogonanami Phọ 3:20

Ịnaghan. Mị ạmeera ni sịphe ọnhu-aḍibuo phọ rakar ghan eghuugh phọ. Kụ oye lọ ạnaghan ẹḍogh phọ ạmi kụ aghughuron otu phọ, mị kaḍigh ni ologhi otu phọ ọdi mị rꞌọdi olian eḍien.