Jems 5:8 - Ạḍinya Iigbia

⁸ Ịmoogh aani ọkparam eḍuom ologhi, ịdi eḍighi bọ aḍio phọ Ọmoogh-we phọ katu bọ mẹkpulan ni.

Jems 5:8 Iomraidhean Croise

Emiighom 49:18

“Ọmoogh-we, mị rakori ghan ọphel otene phọ ạna.

Ạsuor 130:5

Mị rakori agey ọloghonaan ạḍighaagh Ọmoogh-we phọ, kụ esi ekpo ọnhu ọdi kụ ẹdi mị ạkpasaghi emooph ạmi.

Ạsuor 27:14

Ḍuom ologhi Ọmoogh-we phọ. Mọogh omeeraam. Kátoph ologhi ạna. Ḍuom ologhi esi Ọmoogh-we phọ.

Ạsuor 37:7

Tọlan rꞌỌmoogh-we phọ, ạmoogh ọkparam, akori ghan nyọdi. Kạ́aḅaghamian ologhi esi oye phọ ọpo ẹnighenom bọ, oye phọ ọpo ạaghian bọ kụ raḍighi yogh bọ ọdo kịrokiro.

Izikiel 7:12

Amem mọ retu ni. Aḍio phọ mẹebeeph mem dị ogho rꞌaal ạraraar kẹ́man mun ịyaar, ịdi eḍighi bọ ạghelhe phọ Ẹnaan kameelom ni tọrobo oye iniin phọ.

Maika 7:7

Kụ ọlo, mị kagon Ọmoogh-we phọ; rꞌoḍuom ologhi mị kakoriom ọmiin Ẹnaan, ọpo kụphel bọ ịmi. Ẹnaan ạmi kịnaghanan ni ịmi.

Hạbakuk 2:3

Lọgh esi ịge, loor esi dị kẹ̋teeny mem dị kemite. Kụ amem mọ kẹnuun ni etu, kụ ịpe mị aḍeenaan bọ nyịna kemite ni. Kẹkigh mụdi reebinya ni omite, kụ kori ni; kẹkar ri emite, kụ kéebinya.

Elegh aLuk 21:19

Esi ọkparam kụ ẹdi nyina kẹmoogh ghuḍum mọ anyina.”

Elegh ạJon 21:22

Kụ ạJizos mọ, “Eḍighi ịyaar dị ịḅeeraan ịmi mọ ọdi ạrol li tụtu mị ạḅile aru, eeghe kụ ịḅaram nyịna esi ọghaaph phọ ọphon? Ụdaph ịmi.”

Bụo aRom 8:25

Kụ yira oḍuom ni ologhi ọmoogh ịlo yira kọ̋miin ghan, yira rọkparam ghan ni kụ kokori.

Bụo aGaletia 5:22

Iimuma Uwaloor Iigbia phọ, pọ ẹphomoghian, iboh, ẹepho, ọkparam, ọnma ighirigiir, onmo inmo, ébi ghan oguan,

Bụo aFilipai 4:5

Ịtol dọl dị oomo awe kọmiin eeḅi ẹzo phọ anyina. Ọmoogh-we phọ ạnuun ni ratu.

1 Bụo ạTesalonika 1:10

rꞌịdi nyina rekori Mọony phọ ọdi kạḍua bọ kꞌạke atu. ẠJizos phọ dị aḅeton bọ esi aḍuugh phọ kụ kụphel bọ iyira ạsighe esi ạghelhe phọ Ẹnaan kẹsighe bọ etu.

1 Bụo ạTesalonika 2:19

Kụ ạri nyina kụ ẹmhu oḍuom ologhi rꞌọḅaal ologhi rꞌeghoony iphelegbe phọ yoor kozua bọ oḅoom ḍio phọ ạJizos Ọmoogh-we phọ ayira katu bọ.

1 Bụo ạTesalonika 3:13

Ịduon kụ ịdi ọdi kạkparami iloghi phọ anyina, ọbo nyina ewopha yogh eseleman risigh Ẹnaan Ọde phọ ayira, mem mọ ọpo ạJizos Ọmoogh-we phọ ayira kạpam bọ we aruukuan phọ ọdi atumom.

2 Bụo ạTesalonika 3:5

Ọmoogh-we phọ aḍighi dị nyina kelegheri ẹphomoghian phọ Ẹnaan, ẹḅile ẹmoogh ọkparam mọ ọpo aKraist rạngo ghan bọ!

Jems 5:3

Ọsari maḍiku gol rꞌasilva phọ anyina. Ọsari phọ rạgba ghan rọozo phọ anyina kamitiom kụ kale iphulupul phọ anyina, ịdi eḍighi bọ ẹelha phọ anyina ạnian dị nyina eseerian olhe anyina ruukuna phọ.

Jems 5:9

Bụo asiya, oniin nyoniin kúgumom ghan, ọbo Ẹnaan kisophonaan ghan bọ inyina ọoruen. Oogboom ịiruen phọ mạkpulan rạnya ghan ọrolom ạgada phọ ọdi.

1 Pita 4:7

Eekuronom oomo ạraraar mẹkpulan, kụ isereghian emiigha loor kụ ẹeḅereghi ghan.

Ogonanami Phọ 22:20

Ọpo ọdi kụ aḍighi bọ egananamiom ịphen phọ rạḅem ghan mọ, “Ọkar igey ni, mị ạnuun ni ratu.” Ẹrol li ịdipho! Jịzos Ọmoogh-we, tue!