Jems 5:7 - Ạḍinya Iigbia

⁷ Bụo asiya, ịmoogh ọkparam ekori ḍio phọ Ọmoogh-we phọ katu bọ, ịdipho oḅephom ozo rạkparam ghan bọ ni kakori ọḅel ọlophia phọ tụtu ẹrol ẹteeny osoor mem ibugha phọ ẹman bọ ni ịyaar esi ọdi.

Jems 5:7 Iomraidhean Croise

Jerimaya 5:24

Nyina ị́itughian oghueni ạmi ghạlamo ịduon mị kụ rạngo ghan bọ ni ọlophia phọ ạḅile ạnighemi ibugha phọ anyina lhạ etum lhạ, mem aghozogh rꞌarunu.

Hosia 6:3

Ọwa ịlo olegheri Ọmoogh-we phọ, pọ, iikia ílho, ọdi katu ni esi ayira ịdipho ạḍiroor rẹḅaal ghan bọ, ịdipho ạmuum unu kạḅore ghan bọ de phọ.”

Joel 2:23

“Weye ạZayon, ịmoogh ọḅaal ologhi, ịmoogh iboh, esi ịpe Ọmoogh-we Ẹnaan phọ anyina miḍighinaan bọ inyina. Ọdi mạtuugh ọlophia arunu dị ạkasian ịngo inyina; ọdi miikuom ni inyina mụum unu dị ạmanam rꞌọlophia unu phọ ịdipho ẹnon amem.

Zẹkaraya 10:1

Ịlom Ọmoogh-we phọ ọdi ạngo ọlophia osoor phọ. Ọmoogh-we phọ kụ rạngo ghan omuuria rꞌọlophia kụ iizo ạtorotoro oye kegbi oḍum.

Matiu 16:27

Ọony phọ Oye kạpam ni rụukpaany phọ ọdi kụ atu rꞌigbogh Ọde phọ ọdi, kụ ạkpe tọrobo oye ịdipho oḍighi phọ ọdi ạman bọ.

Matiu 16:28

Mị ạkar rịḅeni ghan inyina mọ buniin ạbuen ọmeregha bọ sịen kọmiin ni dị Ọony phọ Oye ratu ọda ọmar phọ ọdi, kụ ogbi omugh.”

Matiu 24:27

Ịdipho aḍio phọ rẹmeephian ghan bọ kegborori ẹḅeeny okuaḍio phọ kụ ịdi kẹtol ḍio phọ ạḍiphe Ọony phọ Oye katu bọ.

Matiu 24:44

Esi ịduon phọ, igon ni. Amem mọ ọpo nyina íḍuom bọ ologhi kụ ẹdi Ọony phọ Oye katu bọ.”

Elegh aLuk 18:8

Mị rịḅeni ghan inyina mọ ọdi kaagborion ni asoph akeelemi bịdi. Kụ ọlo mem mọ Ọony phọ Oye katu bọ, kạmiin nụun ni bụphe omeeraam bọ nyọdi sịen aḅirini phọ ḍụghum?”

Elegh aLuk 21:27

Kụ kọmiin ni dị Ọony phọ Oye ạḍua ẹpe okuaḍio phọ kụ ratu rꞌiboom ịikpo rꞌigbogh phọ ọdi.

Elegh aLuk 8:15

Bụeri phọ ọghigh bọ ịizupha ịpa aḍiiḅi ade phọ, pọ ạbudi ọnaghan ọghaaph phọ kụ ọsighe ọlogh iphooph iloghi ạbidi ọpam okananaam kụ ọmoogh ọkparam tụtu omuum iimuma.”

Elegh ạJon 21:22

Kụ ạJizos mọ, “Eḍighi ịyaar dị ịḅeeraan ịmi mọ ọdi ạrol li tụtu mị ạḅile aru, eeghe kụ ịḅaram nyịna esi ọghaaph phọ ọphon? Ụdaph ịmi.”

Elegh ạJon 21:23

Kụ ọghaaph phọ ọphon aleeny eleeny ogbo ạbuo asiya phọ mọ ạmatuan phọ ọpo kámugh. Ọbo ạJizos ọ́ḅem mọ ọdi kámugh, ạḅem mọ, “Eḍighi ịyaar dị ịḅeeraan ịmi mọ ọdi ạrol li tụtu mị ạḅile aru, eeghe kụ ighol nyịna esi ọghaaph phọ ọphon?”

Bụo aRom 15:4

Tọrobo ịyaar lọ ọge sịphe Ạḍinya Iigbia phọ, ụge ọtughemiom ghan ayira, pịdi yira ọtuan ọkparam mọ rꞌạkpo ologhi phọ ọghaaph Ạḍinya Iigbia phọ rụngo ghan bọ iyira ọmoogh oḍuom ologhi.

Bụo aRom 2:7

Ị́per buniin awe oḍighi ghan iiḅi rꞌọwa eegu rꞌarughuenian rꞌaghuḍum dị aḍuugh ílhoonaan. Ẹnaan kẹngo bụen phọ ghuḍum kꞌagee-pọ.

Bụo aGaletia 5:5

Kụ esi ayoor, yoor rokori ni rꞌoḍuom ologhi mọ Ẹnaan kẹtuan ni Uwaloor Iigbia phọ rꞌomeeraam mọ ayoor ẹsighenom mọ yoor awe aruukuan ni,

Bụo aGaletia 6:9

Kụ oḍighi ghan iiḅi iyira kị́pher! Eḍighi ịyaar dị yira ọman úpogh, pọ emunughan mem mọ yira kobugha ni ibugha phọ.

Dutoronomi 11:14

pọ mị kạloph ghan ọlophia ẹpe ade phọ anyina mem mọ ọdi, ọḅel ọlophia rꞌọpo asugha bọ ọman, ọbo nyina ekori ẹku ịbiakpa phọ rꞌavain phọ rꞌạmunum mọ anyina.

Bụo ạKolosi 1:11

Yoor rọoḅereghi ghan mọ Ẹnaan ịngo inyina ịnyaam dị eelenyan oomo igbogh ịikpo phọ ọdi, ọbo nyina ẹmanam ọsighe ọḅaal ologhi kụ ọrolom ạdol ọkparam ghan amem ịminimiin.

1 Bụo ạTesalonika 1:3

Ḅịle yoor inyina íwula ghisigh Ẹnaan Ọde phọ ayira ịpe nyina ẹsighe bọ omeeraam kụ reḍighinom, rꞌịpe nyina ẹtuan bọ ẹphomoghian rekumuan, rꞌịpe nyina ẹtuan bọ oḍuom ologhi esi ạJizos Kraist Ọmoogh-we phọ ayira kụ rẹkparam.

1 Bụo ạTesalonika 2:19

Kụ ạri nyina kụ ẹmhu oḍuom ologhi rꞌọḅaal ologhi rꞌeghoony iphelegbe phọ yoor kozua bọ oḅoom ḍio phọ ạJizos Ọmoogh-we phọ ayira katu bọ.

1 Bụo ạTesalonika 3:13

Ịduon kụ ịdi ọdi kạkparami iloghi phọ anyina, ọbo nyina ewopha yogh eseleman risigh Ẹnaan Ọde phọ ayira, mem mọ ọpo ạJizos Ọmoogh-we phọ ayira kạpam bọ we aruukuan phọ ọdi atumom.

Bụo aHibru 6:15

Kụ Ebraham mạkparam bọ ni akori kụ ạar bọ ịpe Ẹnaan eguanaan bọ.

Jems 4:11

Bụo asiya, kẹ́gbaanaan ghan oye ịkaraph. Ọlo ạgbaanaan ọnon ọnyo asiya esi aKraist kụ asophonaan ọkaraph ọoruen, pọ mạghaaph ạpuenom Ologh phọ, akolaam mọ ọno oye ịiruen. Eḍighi dị nạ rạaḅeghion ghan Ologh phọ kaphogh, pọ nạ rạ́naghanan mun Ologh phọ, nạ maghola ḍien mọ ạna oye ịiruen.

Jems 5:10

Bụo asiya, ịitughian riil phọ ạbuphe ọsighe bọ ḍien Ọmoogh-we phọ kụ ọghaaphom ghan bọ. Ịtuughaany bịdi dọl ọkparam ghan ịminimiin.

Jems 5:3

Ọsari maḍiku gol rꞌasilva phọ anyina. Ọsari phọ rạgba ghan rọozo phọ anyina kamitiom kụ kale iphulupul phọ anyina, ịdi eḍighi bọ ẹelha phọ anyina ạnian dị nyina eseerian olhe anyina ruukuna phọ.

2 Pita 3:4

kụ ọḅem ghan mọ, “ẠJizos phọ ḍịen aguanaan ni ọḅile oru? Kụ odi ẹghen nụun? Abugbogh ạburude phọ ayira momuughu ni otene igbaany, kụ oomo phọ ạraraar phọ edi ni eniin ẹrolom mọ ẹrol bọ ni kꞌẹḅel emiighom aḅirini phọ.”