Jems 5:6 - Ạḍinya Iigbia

⁶ Nyina meegbo ịiruen ẹziom we dị mạar ụ́piom. Bịdi inyina írue ịmerenyan.

Jems 5:6 Iomraidhean Croise

Azaya 5:23

Kụ loor ẹmhu ịgara, nyina emeera awe dị ọmoogh apum okeel oopho, kụ nyina ekikima akeel bụphe úlegheri aani bọ esi ọmoogh ọoruen.

Azaya 53:7

“Ukporoghom ni nyọdi rꞌigbagbaar, kụ ạkparam ni rꞌosooromi aloor; ọdi rꞌẹḍogh ọ́ḅa. Mụdi ọony oyool-ọga dị rọwa ọmeegh, mụdi oyool-ọga dị rọwa ọsam asuphuugh phọ, ọdi rꞌẹḍogh ọ́ḅa.

Matiu 21:38

Kụ mem dị bụphe roḍighi bọ ozo phọ ọmiin bọ mọony phọ, uupuruan mọ, ‘Ọphon kụ kale bọ erua phọ ọdi. Itu oghiigh, kụ oziton ozo phọ ọdi ạar.’

Matiu 27:20

Kụ ạbuo ạrumhu ariil ạrikia phọ rꞌikumoor awe phọ ọkpaariom ḍita awe phọ ịlo kọlom Pailet mọ amitiom Bạrabas, kụ ọsighe Jịzos ọlogh esi aḍuugh.

Matiu 5:39

Kụ mị rịḅeni inyina mọ kéḅulemian ghan ịkaraph oye, kụ oye lọ aḅor okpo elhiom ạna, pọ ngọ nyọdi nyọpo ekeeny phọ ọdi ạḅile aḅor.

Iiḍighi 22:14

Kụ ọdi ạḅem mọ, ‘Ẹnaan ạburude ạburude phọ ayira mẹma nyịna emitiom ịlo olegheri arigbiom mọ ọdi, rꞌọmiin Oye Aghuḍuul phọ ọdi, rꞌọnaghan ịpe kẹḍua bọ pạ ọnhu phọ ọdi emite.

Iiḍighi 7:52

Ọghen oyil kụ ọdi ạburude ạburude phọ anyina ụ́gbiphoghom? Bịdi ụze ni bụphe ọphur bọ ọghaaph mọ Oye Aruukuan phọ katu ni, ọpo nyina ẹḅogh bọ ẹngo kụ oghiigh bọ.

Iiḍighi 8:32

Kụ ọdi ạal ghan sịphe ạḍinya iigbia phọ, ịduon mọ, “Ọdi ạghigh oyool-ọga dị ororori rọki ọmeegh. Anamaghan ịdipho ọony oyool-ọga mem mọ rọsam bọ suphuugh phọ. Ọdi ịyaar ọ́ghaaph.

Bụo aHibru 10:38

Kụ ọlo, aweye aruukuan phọ ạmi komeeraam ni ọmoogh ghuḍum; kụ ọnyo ạbidi lọ ạḅile aḅula ọman kạ́ḅaal mun ologhi ạmi.”

Jems 2:6

Kụ nyina mẹḅitonaan rukulom mọ. Nyina ítue mun ilegheri mọ ạraalha phọ kụ rịmiine bọ inyina kigbooghi ghan inyina iigbo phọ?

Jems 4:2

Nyina rẹwa ghan ọmoogh ịdi ítu ịlo anyina kụ ke̋rue bọ ẹmoogh, pọ nyina kẹko enu. Nyina ẹmoogh ephogh-aḍien kụ ke̋rue bọ ẹteeny ịpe nyina rẹwa bọ, pọ nyina kẹkom ịruonu rꞌelephiri esereghi. Nyina rẹ́moogh ghan ịpe nyina rẹwa bọ ịdi eḍighi bọ nyina rẹ́lom ghan Ẹnaan.

1 Pita 4:18

Ịdipho ạḍinya iigbia phọ rẹḅem ghan bọ mọ, “Rꞌoye aruukuan bịn kụ ạkpar bọ ni ọphel otene, kụ ẹghiom ologhi buḍighinom ịkaraph phọ rꞌạbuphe Ẹnaan úlegheri bọ?”