Jems 5:5 - Ạḍinya Iigbia

⁵ Nyina mẹrol ḍịwalawala ạdol, ele ghan uruur sịen aḅirini phọ; nyina melhe ẹbughogh ịdipho ạsinam, kụ mẹteeny ọze anyina.

Jems 5:5 Iomraidhean Croise

Ạsuor 17:14

Ọmoogh-we, sịghe ịminimiin phọ nạ aseenaan bọ bịdi ạlhiom bịdi rꞌạnmuny phọ ạbidi rꞌoghiil atum oghiil.

Ạsuor 73:7

Ekpom ạbidi rẹḅaar ghan ịkaraph, ḅịle iloghi ạbidi edimom ghan ogbiighi ịkaraph ịitughian.

Asidogh 17:1

Ẹnighe epu olhe eḅigh ọgharaghar ạbred rꞌẹepho, rꞌolhe amugbogh amalhe otu dị ịiḅaghami emuza.

Asidogh 7:14

“Mị mạphinyonaan rịkia rodon kụ aseere etigh ẹnam mọ ọphighironom bọ,

Ọtughemia Phọ 11:9

Bụo ịḍoogh, ịkelom ni mem ịḍoogh phọ anyina. Ịmoogh ọḅaal ologhi sịen nyina edi bọ ịḍoogh phọ. Iḍighi ịlo nyina rẹwa oḍighi, kụ ẹdaphan rụuphua iloghi phọ anyina. Kụ ọlo, ịitughian ni mọ Ẹnaan kesoph ni ọoruen ịngo inyina tọrobo ịlo nyina eḍighi.

Azaya 22:13

Kpạripe ghụn, nyina ịmilogh ghan elhe ẹyaal. Nyina ịze ghan iyool-ịga rꞌạsinam ạany, ẹḅile ẹphughol miim. Nyina ẹḅem mọ, “Ẹkpe ni olhe rꞌọphughol. Ọori iḍue yira komuughu ni.”

Azaya 3:16

Ọmoogh-we phọ ạḅem mọ, “Ịmiin ịdi ạnmariir aJeruselem ophoophe aloor! Bịdi ropogh ghan we kosooromi. Ẹḅeeraan bịdi olhe ẹmha oomo amem. Rọgbarion ghan rạda ạbidi lẹeph lẹeph, kụ ạrala ḍi ọlogha rạghaagh ạbidi rẹnmenem ghan.

Azaya 47:8

“Nạghan ịphen phọ, nạ dị ạphomoghian olhe ịma, nạ dị ạḅem mọ ịyaar nyịna kẹ́ḅogh kụ ạmaar ạtol. Nạ ughophora mọ nạ rꞌẸnaan mooleeny — mọ ọnon ọlo ạghigh nyịna ólho. Nạ ugbiom mọ nạ kaḍighi ekpukele ạnir, ḅịle mọ ạnmuny ạna kómuughu.

Azaya 56:12

Ạbupughol miim mọ ạbuen phọ rọḅem ghan mọ, ‘Iḍighi pạ ọwa ẹnum amiim, kụ ọphughol mụlo yira kotue! Iḍueneen kẹnighe ghụn epu rodon!’”

Jerimaya 12:3

Kụ ạri, Ọmoogh-we, nạ ulegheri ni ịmi; nạ rạmiin ghan ni ịlo mị aḍighi, ḅịle kẹn rꞌịpe mị ạphomoghian bọ nyịna. Kọgh bụkaraph awe phọ ạbuen amitiom ịdipho iyool-ịga lọ rọki ọze; ḅạaḅaki bịdi aseere tụtu ẹteeny mem lọ kọkanyan bọ bịdi.

Jerimaya 25:34

Imoghi yogh, nyina abukoriom awe phọ ạmi, nyina phọ repogh bọ weye phọ ạmi, imoghi yogh emitiom! Ikururu ẹḅile eekila ophugh. Amem mọ kịze bọ inyina mẹteeny, kụ kịkanyan inyina ịdipho idughuna.

Izikiel 16:49

Ọdi rꞌạnmanyaan ọdi uphoophe loor ịdi eḍighi bọ bịdi ụmoogh ịdi ẹbugh olhe kụ ọrol rꞌẹepho rꞌẹboroph, kụ bịdi úpogh rukulom mọ ụ́maghami ịyaar rꞌạbuphe ẹkparam bọ.

Izikiel 39:17

Ọmoogh-we dị ạmoogh oomo ịikpo ụḅeni ịmi, “Oye dị kamugh ni, mạgh oomo ịnun rꞌịnam bịdi oru olhe ẹkia phọ mị raḍighinaan bọ bịdi. Keḍighi ni iboom ile sịphe ạraaḅaraph phọ Ịzirel, esi dị bịdi kọba ephulupul ẹnam kụ ọpughol ịḅaal.

Ẹmos 6:1

Pọ eeghe ịminimiin dị kịrolonaan inyina phọ edimom bọ dọl ẹereegh ẹpe Zạyon, ḅịle rꞌanyina phọ ẹḅem bọ mọ ịiḅaghami ílho ẹpe Sameria — nyina igbogh awe egbogh eelhe phọ ẹphen Ịzirel, nyina phọ ạbuen phọ awe phọ oḍuom bọ ologhi esi ọloghonaan ạḍighaagh!

Elegh aLuk 16:19

“Oniin ọolha ạrol li dị aanmenan ghan oodor rꞌọmur dị ẹman ni ikpoki, kụ aḍio etum ḍio alhe ghan ni ẹyaal.

Elegh aLuk 16:25

“Ebraham ạḅeni ni ọolha phọ mọ, ‘Mọony phọ, tụutughian mọ ạdol ạna ịnighe ni mem mọ nạ kőmugh bọ, ạdol ạLazaros kụ eeph mem mọ ạrol bọ, kụ ẹphen ọdi odi dọl igey kụ nạ odi dọl ịminimiin.

Bụo aRom 13:13

Kúbulamaam loor ayira ọrolom ẹeghara lọ ẹgbaanyan bụphe ạḍiḅaal phọ, iipheeny kúpheeny ghan, kúḍighi bụpughol miim, ẹmha kúle, ipesi kúpesi, elephiri kúbe, ologhi ẹḍim kụ́moogh!

1 Timoti 5:6

Kụ ekpukele ạnir lọ ạdol ipesi kụ ẹḅeeraan, pọ mamugh ạḅarara ghạlamo ịdipho ọdi odi bọ ni rapooghu.

2 Timoti 3:4

Koḍighi ni we dị kobologhi ghan rịghiri ạbidi, oḍighi yogh ịlo ạteeny. Iituma ạbidi kepul li oopha. Bịdi kọpomoghian ẹelha opu Ẹnaan.

2 Pita 2:13

Kọsighe ịminimiin kụ ọkpiom bịdi loor ịminimiin phọ bịdi ọkom bọ oseenaan bụnon. Ọḅaal ologhi ạbidi oḍighi yogh ghan egaan ịlo kẹgbaanyan rụuphua aloor phọ ạbidi. Bịdi roḍigh ghan ạagia kọloghom ọḅiph, ịdipho bịdi ịḅophan inyina olhe eḍien adulhe Ọmoogh-we phọ, ḅịle rꞌịdipho iipheeny phọ rꞌipesi phọ rẹdugh bọ esi ạbidi.

Ạḍinya dị aJud ạge 1:12

Mem lọ nyina eekpomoghan olhe eḍien adulhe Ọmoogh-we phọ, bịdi ọkigh ẹenir dị ẹbiphogh bụo ạmuḅoph phọ, ḅịle kẹn bịdi umugholoor rókiil ghan oogborion osughugha amalhe phọ. Bịdi ọkigh ọotu dị oghim rakimom kụ ọlophia ụ́ḅaram. Bịdi ọkigh ireeny dị iimuma ímuum ghạlamo rꞌamem osoor ri, dị emuughu ḅeer ẹmadan kụ mọdenyon olereghi.

Ogonanami Phọ 18:7

Ịngo nyọdi ịminimiin rꞌamukum ologhi dị aalenyan eegu rꞌẹediom mọ ọdi abagaam ghan bọ, loor esi dị ọdi ạḅenian ghan loor phọ ọdi mọ, ‘Mị kụ ukueni phọ ạrolom bọ ạgada ọdaam mọ. Mị kékpukele ạnir. Mukum ologhi mị kálegheri.’

1 Sạmuel 25:36

Kụ Abigel agheel ologhi otu ạteeny Nebal dị odi rale ghan ẹyaal ịdipho ọdaam. Ọdi mạphughol miim bịn kụ ologhi ạḅaal, kụ ạnir phọ ịyaar ọ́ḅeni nyọdi tụtu ẹḅaal ḍịeri phọ aḍio phọ.

1 Sạmuel 25:6

Ọdi ạḅeni bịdi mọ ọḅeni Nebal mọ, “ADevid mapuru nyịna, ọyaghiri. Ạḍiseph ẹrolonaan nyịna, rꞌọto kꞌạna, rꞌoomo ạraraar phọ ạna.