Jems 5:3 - Ạḍinya Iigbia

³ Ọsari maḍiku gol rꞌasilva phọ anyina. Ọsari phọ rạgba ghan rọozo phọ anyina kamitiom kụ kale iphulupul phọ anyina, ịdi eḍighi bọ ẹelha phọ anyina ạnian dị nyina eseerian olhe anyina ruukuna phọ.

Jems 5:3 Iomraidhean Croise

Emiighom 31:48

ẠLeban ạḅem mọ, “Egu asighiigh phọ ịphen keḍighi ọghiom ologhi ịyal ayira.” Ịduon kụ iḍighi kụ oghol bọ esi phọ mọ aGaleed.

Emiighom 31:52

Egu asighiigh phọ ịphen ẹmeera ọotughianam. Mị kátenom egu phọ ẹphen ozuom ạna, kụ nạ kẹn kátenom sighiigh phọ ịphen ozuom ạmi.

Emiighom 49:1

ẠJekob ạmagh nmụny phọ ọdi kụ ạḅeni bịdi mọ, “Iikpomoghan ẹnaghan, mị kịḅeni inyina ịdi kimitenaan inyina mem dị retu.

Job 16:8

Nạ musiph ịmi; nạ ẹpomoghian ạmi. Mị masugha ruzu rꞌịḅarara bịn, kụ awe ọsighenom ịduon phọ mọ eḍeenaan ọpioman phọ ạmi.

Azaya 2:2

Riiḍio dị ketu eegum mọ ẹpe Otu Ịiḅereghi phọ ạmeera bọ kụ keḍighi esi dị ephoph epu oomo ịpheri phọ, dị ephoph epeleghom oomo aroogbolom mọ.

Jerimaya 19:9

Ẹpomoghian phọ kakoonyom ẹmha phọ ịlo ọze awe ẹmha phọ. Kokoonyom ni bịdi ẹkaraph eghoonyom dị tụtu awe phọ ạbuphe odi bọ ẹpe ologhi ẹmha phọ, oniin kạba ni nyoniin ḅịle kẹn ghạlamo rꞌạnmuny ạbidi.”

Maika 3:3

Nyina ẹba we ạmi. Nyina ẹkpan ruzu ạbidi, kụ ebunughi ịḅarara ạbidi kụ eegbo bịdi mụdi iphulupul ịnam dị kọsa ologhi aguugh.

Maika 4:1

Riiḍio dị ketu ẹeḅaraph phọ ẹpe Otu Ịiḅereghi phọ ạmeera bọ kụ keḍighi esi dị ephoph epu oomo ịpheri phọ, dị eghoph oomo aroogbolom mọ. Ịbadibadi areelhe kotu ookpomoghan sịphe,

Iiḍighi 2:17

“‘Ẹnaan ẹḅem mọ, Ịphen kụ ịdi mị kaḍighi ruukuna phọ. Mị kaḍighi ịdi Uwaloor phọ ạmi kasoorom oomo awe. Ạnmuny anyina rꞌạnmanyaan anyina kọkaaph ni ịpe mị agananami bọ; ugheel ạnmuny anyina kọmiin ni uḍien, kụ ikumoor awe anyina kọmalha yogh ni rạmalha.

Bụo aRom 2:5

Kụ nạ ạmoogh ọokpara rꞌọkikiri ologhi. Esi ịduon phọ, nạ raakpomoghi apum kaseerian ḍio phọ Ẹnaan kegananami bọ ghẹlhe phọ rꞌịiruen aruukuan phọ ọdi.

2 Timoti 2:17

Ịtughemi phọ ạbidi ẹkigh ịdipho etokolo ẹko owol dị kele iphulupul aloor phọ. Kụ aHaimenios rꞌaFailitos kụ ịyal ạbutughemia ọdo phọ ịphen phọ.

Josua 24:27

Kụ aJosua ạḅeni oomo awe phọ Ịzirel mọ, “Ipogh mọ aḍighiigh phọ ạḍien kụ kẹgba ghan ịlo ạmi rꞌanyina ịpe eru bọ ịne, ịdi eḍighi bọ dị mạnaghan ni oomo phọ ịpe Ọmoogh-we phọ ạghaaph bọ ụḅeni iyira, dị kụ kạkaaph ghan iphum inyina, ọbo nyina kẹparanaan ghan bọ Ẹnaan phọ anyina.”

2 Pita 3:3

Esi omiighom, ịmaar elegheri mọ ruukuna phọ buniin awe dị ịkaraph ạruuphua kụ ẹmoogh komite ni. Bịdi kịgilaam ghan ni inyina

Ogonanami Phọ 17:16

Ḍioph phọ ạraphaal phọ nạ ạmiin bọ rꞌelhom ẹnam mọ kọlogh ni ḍien oliom ẹmha phọ. Bịdi kọsighiogh ni oomo ạraraar lọ ọdi ạmoogh oseere nyọdi ẹdaḅa. Bịdi kọba ni iphulupul ọdi kụ opiemiom nyọdi nịan,

Ogonanami Phọ 20:15

Uroph aani ni tọrobo oye lọ ḍien ọdi ụ́ge aani sịphe ạḍinya ạbuphe odi bọ osumeeny ọodu ạnian phọ.

Ogonanami Phọ 21:8

Kụ bụo eepuph phọ rꞌemeeraam mọ, rꞌạbuminian rịiniom mọ, rꞌạrookom enu phọ, rꞌạbuo ipesi phọ, bụlo rọgbe ghạma rꞌạbulo rọoḅereghi ruru rꞌạbugbaam ọkpe — ọodu phọ ọpo ạnian rꞌạsolfa phọ reemor bọ kụ esi dị oseenaan bịdi. Ḍịen kụ aḍuugh phọ emuneniom bọ ịyal phọ.”