Jems 5:19 - Ạḍinya Iigbia

^19-20 Bụo asiya ạmi, ilegheri mọ oniin ọnyo anyina ạgbatanaan igey areten phọ Ẹnaan, kụ ọlo ạmagh nyọdi esi ịkaraph phọ ọdi aḅulemi, pọ mạphel uwaloor phọ ọpo ạsighe esi aḍuugh, ạḅile aḍighi dị mọsar ịminighan ịkaraph ọwilenaan.

Jems 5:19 Iomraidhean Croise

Ạsuor 119:118

Nạ akel tọrobo oye lọ ạḅaar ẹmhu esi iilogh phọ ạna; igbiighi iikeleghian ạbidi oopho ni bịn.

Ạsuor 119:21

Nạ rạḅaam ghan we dị ophoophe loor; itonyonaan kụ edianaan bụphe ụ́naghanan bọ ịtooghi phọ ạna.

Asidogh 19:27

Mọony phọ, mem dị nạ ạwile ọtuugha, nạ kạnuun ni abula ịpe nạ malhegheri bọ.

Azaya 3:12

Abuteniom ịimugh ikpoki rọgbiphoghom we ạmi, kụ ạbuphe rọboole ghan bọ roogbegheḍiom ghan bịdi. We ạmi, abuḍiemiom mọ anyina rirelhiom inyina ẹkaraph eten; esi ịduon nyina ílegheri ịlo ọmighaan.

Izikiel 34:16

“Mị kạwa ịpe mopheeghu bọ, aḅulemi ịpe meyeela bọ, ạkoroghiom ukpe ịpe eḍighima bọ rạraar phọ, aakonom ịpe rẹerurughian bọ; kụ ịpe ẹbugh bọ ekpo rꞌịnyaam mị kapiemi ni, loor esi dị mị opoghom dị raḍighi ghan ịlo eḍighi elhiom.

Izikiel 34:4

Nyina ípogh bụphe asiloor phọ medugh bọ, íikonom bụphe rꞌọorurughian bọ, ị́koroghiom ukpe bụphe oḍighima bọ rạraar phọ, ị́ḅile íḅulemi bụphe moyeela bọ, ị́ḅile ị́wa bụphe mopheeghu bọ. Kpạripe ghụn, nyina ịḅile kụ eḍighi bịdi ịdi ị́nighe.

Matiu 18:15

“Mọ ọnyo asiya ạna aḍighi nyịna ịkaraph, kịa ạḅeni nyọdi ọpioman phọ ọdi, esi dị ịyal anyina bịn edi. Kụ ọdi ạnaghanan nyịna, pọ nạ makiton ọnyo asiya phọ ạna.

Elegh aLuk 22:32

Kụ mị mạaḅereghi ạngo nyịna, mọ omeeraam mọ ạna kúpe oopho. Kụ mem dị nạ mạḅile akiton aḅula esi ạmi, kpạrami iloghi ạbuo asiya phọ ạna.”

Bụo aGaletia 6:1

Bụo asiya, eḍighi ịyaar dị nyina ẹmiinom ọnyo anyina dị rạpioman, bụphe odimom bọ Uwaloor Iigbia phọ ọphoomi ni loor ọmagh nyọdi oḅulemi! Imiigha loor ọbo nyina kemeel aani ghan bọ eḍighanaan ọdegh ophogh.

1 Timoti 6:10

Ekpooko ikpoki kụ azin ọdo kịrokiro ịkaraph. Buniin mọtuan ni osiphigha ikpoki bịn ope eten ọbile ịpe omeeraam mọ ạḅem bọ, kụ ọto maḍigh ragimi iloghi phọ ạbidi ịdipho iitoor.

1 Timoti 6:21

Ịyaar phọ eḍighi bọ, buniin rọḅem ghan mọ bụno molegheri ịyaar, kụ mọtuan ịduon phọ ọḍua esi omeeraam mọ, ope eten. Ooḅi ọghor phọ kꞌẸnaan ạrolonaan oomo phọ anyina!

2 Timoti 2:18

Bịdi mọwile ẹphalaḅaal eten phọ, ọḅile rọḅem ghan mọ yira moḅetenu ni sịphe aḍuugh phọ otene igbaany. Ọghaaph phọ ạbidi radughe yogh omeeraam abuniin awe.

Bụo aHibru 5:2

Ịdipho ọdi rꞌaloor ọdi adugh aani bọ ni ịbadi areten, ọdi kạtuugh ni kọl kọl kụ ạtolom bụphe rọpioman ghan bọ rꞌelegheri ịyaar phọ.

Jems 1:16

Iiḅi asiya ạmi, kéekeleghian loor anyina.

Jems 1:19

Iiḅi asiya ạmi, ilegheri mọ tọrobo oye ạnuun ghan ni ạnaghanan, ạaḅeghion ghan ikpo ọghaaph kụ ạghaaph, ịyaar ologhi ọdi kị́nuun ghan ịkagh,

Jems 3:14

Kụ eḍighi mạar dị nạ ạmoogh ologhi ẹḍim rꞌịkaagh, pọ káḅom ẹmhu ạkaaph ịlo ọphuenom igey phọ.

2 Pita 3:17

Kụ nyina, iiḅi asiya, mịphur inyina rụru otene igbaany. Igona ni loor anyina, ọbo nyina kẹkorom ghan bọ sịphe ạḍiphaghaphagha ạdol phọ anyina emeel eḍighanaan reten amabi ạbukaraph awe.

Ạḍinya dị aJud ạge 1:11

Pọ eeghe ọdo ịminimiin dị kẹtolonaan bịdi. Bịdi mọlhogh ẹmhu rọdaph ghan dọl phọ aKen ạrol bọ. Bịdi mọtuan ikpoki ọkuom loor ạbidi iigbegheḍiom ịdipho ạBelam aḍighi bọ. Ịgbagharan phọ ạbidi ịghigh ịpe aKora kụ mophiemi aani bịdi.