Jems 5:16 - Ạḍinya Iigbia

¹⁶ Esi ịduon phọ, ọlo ạpioman ạghaaph ghan ạḅeni ọnon, oniin ạaḅereghinaan ghan nyoniin, ọbo nyina emoonogh! Oye aruukuan kụ ạaḅereghi, ịiḅereghi phọ rẹmoogh ghan ni ịikpo keḍighi ekol.

Jems 5:16 Iomraidhean Croise

Emiighom 19:29

Rẹteeny bọ mem dị kopiemi rạmha phọ rꞌarere phọ ẹpe ạLot arugh bọ, kụ Ẹnaan ẹetughian Ebraham kụ ẹngo ẹereegh Lọt osuma ọghi ekpisi dị ịiḅaghami phọ kési.

Emiighom 20:17

Loor ịpe emitenaan bọ Sera ạnir phọ Ebraham, Ọmoogh-we phọ aghughiom ni ọophi ẹmaria oomo ạnmariir phọ ọrol bọ kꞌẠbimelek. Kụ iḍighi kụ Ebraham ạaḅereghinaan Ạbimelek kụ Ẹnaan eekonom nyọdi rꞌạnir phọ ọdi rꞌạrebene ạnmariir phọ ọbo bịdi orue ọmaraghi nmụny.

Emiighom 20:7

Nyịidipho ḅulemi ạnir ạngo olhom ọdi. Oye phọ oyil ịmiin ni kụ kạaḅereghi ni ạngo nyịna bịn nạ kámugh. Kụ ọlo eru mạar dị ạnir phọ ọphon nạ úḅulemi, pọ legheri mọ nạ rꞌoomo ọto kꞌạna komuughu ni.”

Emiighom 32:28

Kụ oye phọ ạḅeni nyọdi mọ, “Kọ́magh ghan mun nyịna mọ ạJekob; ḍien ạna kokol mọ Ịzirel, ịdi eḍighi bọ nạ mạgba ịnugh rꞌẸnaan ḅịle rꞌawe kụ ạkpar apu bịdi.”

2 Sạmuel 19:19

kụ ạḅem, “Nạ Ogbogh Ọdaam mọ, seseeny, sạr ạwile ịkaraph phọ mị aḍighi bọ ḍio phọ ạḍiphe nạ ạḍua bọ Jeruselem. Ịmi kúḅulemian ḅịle kạ́atughian mun.

1 Ạbudaam 13:6

Kụ ọdaam mọ ạphagharanaan kụ ạḅeni oye phọ Ẹnaan mọ, “Seseeny, ḍighi ịdi Ọmoogh-we Ẹnaan phọ ạna kụnma ịmi ighirigiir. Ughol ịmi ạaḅereghi ạḍighaagh phọ ạmi emoon ẹrol ịdipho ẹrol ghan bọ.” Kụ oyil ịmiin phọ ạmagh Ẹnaan, kụ ạḍighaagh ọdaam mọ emoon ẹrol ịdipho ẹrol ghan bọ.

2 Krọnikuls 30:20

Ọmoogh-we phọ ạphagharanaan ni ịiḅereghi phọ ạHezekaya; ọdi ạsar ri ạwilenaan we phọ bịn bịdi ịkaraph óḍighi.

Job 42:8

Nyịidipho sịghe oḍual ilephiri ạsinam rꞌoḍual idughuna ạghiomonaan Job ạsighe ạphighironaan ẹkia loor phọ anyina. AJob kịiḅereghinaan inyina kụ mị kạnaghanan ni ịiḅereghi phọ ọdi bịn mị ạbile oofolomi anyina ịdipho nyina ẹkpe bọ oofolomi phọ. Nyina ị́kaaph ịne ịlo ạmi ịdipho ọdi ạghaaph bọ.”

Ạsuor 34:15

Ariḍien Ọmoogh-we phọ esomoghi bụo aruukuan phọ ạḅile apoghoghomi reḅeri ọdi rạnaghan ghan emoghi ạbidi.

Ẹḍua 17:11

Tọro amem lọ aMozis aphoophe rạghaagh ọdi ạghiom ạnyu, awe Ịzirel ọkpar opu; tọro amem lọ aMozis aseere ude rạghaagh phọ ọdi, ạbuo Ạmalek phọ omiigh ọkpar opu.

Ẹḍua 9:33

AMozis ạwile ọdaam eelhe phọ amite sịphe ẹmha phọ, kụ aphoophe rạghaagh ạaḅereghi Ọmoogh-we phọ, bịn ọomaany phọ rꞌoghim ạnian phọ esophoghian, bịn ọlophia phọ ọ́lhoph mun sịphe ade phọ.

Asidogh 15:29

Mem lọ abugey awe ọoḅereghi, Ọmoogh-we phọ ạnaghanan, kụ ạḅitonaan ịlo ạbukaraph awe.

Asidogh 15:8

Ọmoogh-we phọ rạsighe ghan ịiḅereghi abugey awe, kụ akel rịkia lọ ạbukaraph awe ọphinyon ọngo.

Asidogh 28:9

Nạ ọ́naghanan ologh phọ, ịiḅereghi ạna kekia ni Ẹnaan ọnaghan.

Jerimaya 15:1

Kụ Ọmoogh-we phọ ụḅeni ịmi mọ, “Ghạlamo aMozis rꞌạSamuel kụ uru ni ọmeera sịen kụ ụuḅereghian ịmi, mị kạ́nma ighirigiir weye phọ ạbuen. Ḅẹni bịdi ọḍua; ḅẹni bịdi mọ ọḍua risigh ạmi.

Jerimaya 33:3

“Ụmagh ịmi kụ mị kạnaghanan ni nyịna, mị kạḅeni ni nyịna iikia ạraraar ịiḍaany dị nạ úlegheri.

Jerimaya 42:2

kụ ụḅeni ịmi mọ, “Seseeny, ḍighi ịpe yoor ọḅeni bọ nyịna! Kol ẹmhu ayoor ạaḅereghi Ọmoogh-we Ẹnaan phọ ayira. Ḅẹeḅereghinaan oomo phọ ayoor okpetenaan bọ. Amem ịrol li dị yoor oḍiza, kụ nyịidipho ịyal-ikpo ayoor bịn kụ usugha, ịduon nạ rạmiin bọ ni.

Igbiighi 11:2

Kụ awe phọ Ịzirel omoghi ophoghom Mozis ọloghonaan ạḍighaagh kụ ọdi ạaḅereghi Ọmoogh-we phọ kụ ạnian phọ eḍim.

Matiu 21:22

Nyina ẹmoogh ni omeeraam, pọ ịyaar lọ nyina ẹlom esi ịiḅereghi nyina kẹmoogh ni.”

Matiu 3:6

Kụ ọgba ịkaraph phọ ạbidi omitiom, kụ ọdi awurogh ghan bịdi mụum ẹpe Ọphiiny ạJodan.

Elegh ạMak 1:5

Kụ oomo ạbuo eelhe phọ aJudia rꞌẹmha phọ aJeruselem ụghi ghan ni ọteeny nyọdi, kụ ọgba ịkaraph phọ ạbidi omitiom, kụ ọdi awurogh ghan bịdi mụum ẹpe Ọphiiny ạJodan.

Elegh aLuk 9:6

Kụ bịdi ọḍua ẹmha ọgba ẹmha ọghaaph ghan ooḅi ọghaaph phọ rꞌookonom ghan awe oḍume yogh.

Elegh ạJon 9:31

Yira olegheri ni mọ Ẹnaan rẹ́naghanan ghan buḍighinom ịkaraph, kụ oye lọ rạlogh ghan eegu Ẹnaan, ạḅile raḍighi ghan ịpe ọdi rạwa bọ kụ ọdi rọnaghanan ghan.

Iiḍighi 10:38

Nyina elegheri ni ịpe Ẹnaan ẹsighe bọ Uwaloor Iigbia phọ rꞌịnyaam ẹngo Jịzos ọlo ạNazeret phọ. Ọdi ạḍua ghan ni ẹmha ạgba ẹmha aḍighi yogh iiḅi rꞌookonom oomo phọ ạbuphe Eru ẹeḅaghami ghan bọ. Ẹnaan ịrolonaan ni nyọdi.

Iiḍighi 19:18

Ịbadi ạbudi omeeraam uru ni sịphe ogbo phọ oghonono kụ ootuma ịkaraph dị bịdi moḍighi yogh.

Iiḍighi 8:24

Kụ aSaimon ạḅeni Pita rꞌạJon mọ, “Ikol ẹmhu ạmi ẹeḅereghi Ọmoogh-we phọ, ọbo ịphen nyina ẹghaaph bọ kimitenaan ghan bọ ịmi!”

Bụo aRom 3:10

Ịdipho ọge bọ sịphe Ạḍinya Iigbia phọ mọ, “Ọnyo aruukuan ólho,

Bụo aRom 5:19

Ḅịle, ịdipho ọtuan bọ ọḅaar ẹmhu oniin oye kụ ọlogh bọ ḍita phọ ẹku ịkaraph phọ kụ ịdi Ẹnaan kẹtuan osooromi aloor oniin oye ẹlogh ḍita phọ ẹku aruukuan phọ.

Bụo ạKolosi 1:9

Ịduon kụ iḍighi kụ emiigh kꞌaḍio phọ yoor ọnaghan bọ ịlo anyina, yoor úsoph mem oghol ghan anyina esi ịiḅereghi. Yoor rọlom ghan Ẹnaan mọ ọdi iḍereghinaan inyina oomo ịitughian ologhi phọ ọdi, ạḅaram oomo olegheri ịyaar rꞌọnaghan ạḍughum mọ ọpo Uwaloor Iigbia phọ ọdi rạngo ghan bọ,

1 Bụo ạTesalonika 5:17

Késoph ghan mem ọoḅereghi.

1 Bụo ạTesalonika 5:23

Yoor rọoḅereghi ghan ni mọ Ẹnaan phọ rịngo ghan bọ iyira ẹepho phọ, ịsighe inyina eḍighi bụo ọdi ẹmadan, kụ eeko ghan uwaloor phọ rꞌologhi phọ rꞌaloor phọ anyina eseere ḍiseleman ạdol, tụtu ẹteeny mem mọ ạJizos Kraist Ọmoogh-we phọ ayira katu bọ.

1 Bụo ạTesalonika 5:25

Bụo asiya, ịiḅereghi aani ni ịngo iyoor.

Bụo aHibru 11:4

Omeeraam kụ aḍighi bọ ịyaar phọ ẹkia phọ Ebel ạphighiron bọ ạngo Ẹnaan ẹnighe bọ epu nyẹpe aKen. Ẹnaan rꞌaloor ọdi ịtuan omeeraam mọ Ebel kụ elhe bọ ẹkia phọ kụ ẹsighe bọ nyọdi mọ oye aruukuan ni. Loor omeeraam mọ ọphon phọ, Ebel rạḅa ni eye ghạlamo ịdipho ọdi mamugh bọ ni.

Bụo aHibru 11:7

Omeeraam kụ aḍighi bọ ịyaar phọ aNoa ạnaghanan bọ ni mem mọ Ẹnaan ẹphur bọ nyọdi rụru ịlo ạraraar phọ kemiteghu bọ kụ ọdi kọ̋miin bọ. Ọdi ạnaghanan ni Ẹnaan kụ ạka bọ oboom oghuugh phọ ạphel bọ nyọdi rꞌọto ọdi atene. Ịphen dị aḍighi bọ kụ igananami bọ emeeraam aḅirini phọ. Ẹnaan ịtuan omeeraam mọ ọdi kụ ẹsighe bọ nyọdi mọ oye aruukuan ni.

Bụo aHibru 12:13

Itelhe ghan ịphalaḅaal areten, pịdi owol ẹgha phọ aaleeny, kpạripe rꞌoḅoghoronu ọmadan.

Bụo aHibru 13:18

Ighol ghan ni iyoor ẹeḅereghi. Yoor ọmoogh ni oḍuom ologhi dị iloghi ayoor iyoor rị́gurogh, ịdi eḍighi bọ yoor rọwa ghan oḍighi ịpe eru bọ igey phọ oomo amem.

Josua 10:12

AJosua ạghaaph ạḅeni Ọmoogh-we phọ ḍio phọ ạḍiphe Ọmoogh-we phọ ạḅogh bọ bụo Ạmorait phọ ạngo we phọ Ịzirel. Kụ ọdi ạghaaph esomanan oomo awe phọ Ịzirel mọ, “Erumuḍio, mẹera ẹpe Gịbion, kụ nạ, ụnwanyu phọ, tọl ẹpe ạnyu Eḍiiny Aizalon.”

1 Pita 2:24

AKraist rꞌaloor ọdi ạsighe ịkaraph phọ ayira ạḅama ẹmhu ọdi sịphe oreeny phọ, bịn ịkaraph kụ iyira ị́moogh mun, aruukuan kụ mẹḅile ịmoogh iyira. Asigbir phọ ẹrol bọ loor phọ ọdi miikonom inyina.

1 Jọn 3:22

Tọrobo ịyaar lọ yira ọlom, ọdi rạngo ghan ni, loor esi dị yira rooko ghan ni iilogh phọ ọdi koḍighinom ghan ịpe ẹḅeeraan bọ nyọdi.

1 Sạmuel 1:12

AHana akananaam ni ịiḅereghi phọ ạḅeni Ọmoogh-we phọ tụtu ẹsighe mem kụ Ilai aphogh ghan ịidoronhu phọ ọdi.

1 Sạmuel 12:17

Ọphon amem aghozogh, kị́dipho? Kụ mị kạaḅereghi kụ Ọmoogh-we phọ aseere ọlophia, aḍio phọ ẹḅile ẹtaphan. Mem dị ịphen phọ emite, kụ nyina egbi ologhoma mọ nyina ịpioman ni iboom esi Ọmoogh-we phọ mem mọ nyina ẹḅeni bọ nyọdi mọ ọdi ịngo inyina ọdaam ẹmha phọ.”

1 Sạmuel 12:18

Kụ ạSamuel ạaḅereghi Ọmoogh-we phọ, kụ ḍio phọ ạḍiphe phọ ni bịn Ọmoogh-we phọ aseere ọomaany rꞌọlophia, kụ oomo awe phọ oghiilaan Ọmoogh-we phọ rꞌạSamuel.