Jems 5:15 - Ạḍinya Iigbia

¹⁵ Ọpham omeeraam kụ ọoḅereghiom keekonom ni oye phọ eḍume. Ọmoogh-we phọ kạngo ni nyọdi omoon aloor. Kụ eḍighi dị ịkaraph ọdi kụ ẹkom émoon phọ, pọ Ọmoogh-we phọ kạsar ri ạbilenaan nyọdi.

Jems 5:15 Iomraidhean Croise

Azaya 33:24

Rꞌoniin ólho dị arugh sịphe ade phọ ayira dị kạḅile ạnun ịlo emoon, kụ oomo ịkaraph kọsar ri ọbilenaan.

Matiu 17:20

Kụ ạJizos ạḅeni bịdi mọ, “Loor ẹmoogh omeeraam mọ anyina. Mị ạkar rịḅeni ghan inyina mọ eḍighi ịyaar dị nyina ẹmoogh omeeraam dị aghom ịdipho ekpo ạmustad kụ ẹḅeni ẹeḅaraph phọ ẹphen mọ, ‘Tuphuronu ạghi ẹnon esi,’ bịn kẹtuugh ni ịdipho eḍighi. Ịyaar dị kịkparanaan inyina ílho. [

Elegh ạJon 5:14

Onyebel aten kụ ạJizos ạmiin nyọdi pạ Otu Ịiḅereghi phọ, kụ ạḅeni nyọdi mọ, “Sịen mookonom bọ nyịna, ịkaraph káḍighi ghan mun, ọbo ịnon igbogh ịminimiin dị epu ịḅel phọ kesoorom ghan bọ nyịna.”

Elegh ạJon 6:39

Ịphen kụ ịḅeeraan bọ nyọpo urom bọ ịmi mọ mị uḍighi phọ, mọ mị kútoph rꞌoniin ọnyo ạbuphe ọdi ụngo bọ ịmi, mọ ruukuna phọ mị uḅerion oomo phọ ạbidi esi aḍuugh,

1 Bụo ạKorint 1:21

Ẹnaan esi olegheri ịyaar phọ ọdi eḍighi ni dị awe kọ́sighe olegheri ịyaar ọlo ạbidi kụ olegheriom nyọdi. Ịḅeeraan ghụn Ẹnaan ọtuan adom elologhi phọ yoor rotelhe bọ ọphel ạbuphe omeeraam bọ.

2 Bụo ạKorint 4:14

Yoor olegheri ni mọ Ẹnaan phọ eḅeton bọ Jịzos Ọmoogh-we phọ sịphe aḍuugh phọ kiḅeton aani ni iyoor ẹḅaram nyọdi kụ ịḅophoghiom inyina ẹsighe ẹki ghisigh phọ ọdi.

Jems 1:6

Kụ mem lọ nạ rạaḅereghi, meeraam ni aḍuom ologhi, mọ nạ kạmoogh ni, ịdi eḍighi bọ oye lọ ologhi ọdi rạbal ịyal yạl ạkighom oologh ọphiiny dị oghim raaḅorogh.

Jems 5:13

Ạnhian ọnyo anyina kụ ạmoogh ịiḅaghami? Ọdi ạaḅereghi ghan! Ạnhian ọnyo anyina kụ ạmoogh iboh? Ọdi ạmoor ghan sụor aboom Ẹnaan!

Jems 5:16

Esi ịduon phọ, ọlo ạpioman ạghaaph ghan ạḅeni ọnon, oniin ạaḅereghinaan ghan nyoniin, ọbo nyina emoonogh! Oye aruukuan kụ ạaḅereghi, ịiḅereghi phọ rẹmoogh ghan ni ịikpo keḍighi ekol.